盜月者
- 查看其他版本
影評概況
觀眾影評
喺呢套戲嘅票房係咁下跌,大家就知咩原因？因為你期望越大失望就越大,臨時劫案以為唔好睇爛片,點知係最精彩最好睇的港產片,口碑全部贏曬同期港產爛片,票房係咁追返曬上嚟.觀眾眼睛係雪亮的,你哋係呃唔到人的？
流暢，但一啲都唔緊張！
場口有很多反駁位, 不合情理, 草草交待了事
好差 好悶 唔值7分
真係出奇地咁差,比想像中更差,選角演員出了大問題,令套片大打折扣,真係演技全無,真係好難頂,唔係去地粉絲的話.就勸你千咪入場,以免中伏.
我就覺得唔好睇,劇情完全唔吸引,主角演技未夠,浪費套戲
可以不看
兩套戲農曆年用壟斷市場霸曬戲院場数,睇完同樣都係口碑唔好,以咁多院同場類票房唔算好,亦係勝之不武,而臨時劫案場數小但全多數爆,口碑都贏曬,票房已開始後來居上.
睇個票房每日係咁跌就知中伏啦,雖然未至於爛片,但係劇本差,又唔緊張,觀眾眼睛是雪亮的.
你覺得冇問題？我就覺得有問題？你覺得ok？但我就覺得唔ok？每個人要求唔同？你冇要求唔代表我冇要求？我覺得套戲好兒嬉同反駁住好多！同埋主角又做得唔好,拖低部戲.
又嚟好多假評？咪中伏 .
又一套無聊垃圾爛片.
成套戲夾硬嚟?反駁地方好多,所謂笑又唔好笑,劇情簡直過眼雲煙冇可造性,十不像,兒嬉到好似一套笑片,演技又不足,我就完全唔覺緊張,感覺非常之悶,欠缺吸引力？非常之差！
導演功力差, 演員演技不濟
Not recommended
浪費
好閒，唔掂 !
Mirror 好明顯大勢已去！
套戲雖然未於去到垃圾,但絕對唔係啲人比到咁高分?假囉?問題係呢班演員演技完全未夠班,成套戲令你睇到完全唔投入,扣曬分,另外失敗原因,建議唔好將三個再擺埋一齊套戲內做,唔係人人係去地粉絲呀大佬？呢套變了偶像片極之反感?冇一班老戲骨根本帶唔到套戲?票房好唔代表係成功?口碑根本就唔好啦.
極悶，唔建議
本來睇完都唔想講太多，但真係好唔掂。總之not recommend。
節奏緩慢,拖長來做,想到嘔！完全唔吸引！
換左班主角會對套戲有好大幫助, 被影響曬.
劇情還可以不過有啲普通，無乜驚喜，但姜濤同Anson Lo啲戲麻麻，有少少拖低成套戲嘅質素，白只有驚喜，以演員陣容算係咁！
我完全讚唔落 !
劇情緊湊好睇,中間有緊張刺激位,又有好笑位,幾位主要演員都做得好好，值得入場一看。
雖算不上完美，但絕對沒有1-2兩分那麼爛，
張繼聰、白只的演技一向也是保證，另外三位也交足功課，起初也怕導演如季前賽般眼高手低，但今次有驚喜啊！
劇情沉悶，完全沒有高潮位。最值得睇是張繼聰和白只，兩人演技一流。Edan演得自然，不過沒有驚喜，而Anson Lo 演得不自然，說話好造作，尚有好大的進步空間。
比我想像中的神偷戲有驚喜，劇本好有層次好用心，回歸簡單的偷錶故事，但戲中的手錶又好有背景，緊湊度去到幾個位都叫咗出嚟，特別係潛入時計物語夾萬一幕，四位演出得好自然。由阿聰白只帶領後生一輩Anson Lo Edan 配搭上好有新鮮感，絕非嗰啲柴娃娃大堆頭扮作喜氣洋洋谷搞笑嘅傳統賀歲片能相比。
有當年《東京攻略》feel ❤️❤️
套戲比想像中好睇，演員們嘅張力好勁，有啲位會睇到好緊張。各位演員演出都好正
故事流暢，節奏明快，參考幾件不同的真人真事，做法很聰明，亦令情節更豐富，5位演員亦非首次合，感受到佢地之間嘅默契. 當中白只算是同鏡仔首次合作，配搭好有火花，好睇. 演員表現都比預期中進步左好多；鏡仔努力擺脫鏡仔框架，觀眾都應該放下鏡仔濾鏡，好好享受呢部睇睇得幾爽嘅電影. 唔使成日下下都社會議題.
好睇！絕對不是偶像劇. 各主角形象鮮明立體，既獨當一面，又能互相產生火花. 兩小時無冷場！
毫無悶場，節奏明快， 白只好笑， 各演員都做得出色
故事題材新鮮，有追看性、娛樂性，演員也有默契，會睇多幾次。
有3個鏡仔，打定數冇期待入場，事實係冇1分咁差嘅！現場會聽到啲呀叔笑出聲，4位主演配合得OK嘅，鏡仔黎講edan係做得最好嗰個，anson lo比釀魂進步咗，姜濤睇完會有記憶點，做得又真係唔差！
無咩特別期望，反而有驚喜。劇情好緊湊。賀歲片黎講，都算係唔錯。
未睇之前個心打定輸數,結果睇完之後有驚喜, 其實都拍得唔差,有故事性
有驚喜！劇情流暢，故事有拐點，不到最後一秒不知結局。白只張繼聰帶動劇情，三位鏡仔亦交到貨。值得入場。
非鏡粉，但故事節奏幾快 當中有bug但以袁導咁既往績算幾好睇， edan白只做得好
俾0分可班，介唔介意講下佢地在乜時間做爆破？有睇一定知
可以一看，沒有女主角的電影，全部男班，超級好睇，值得四粒星
將真實事物寫出虛構故事 但出奇地夾 無咩bugs 劇情緊湊 節奏明快 故事緊張刺激
聲效幾好 增加刺激感 爆破搶戰打鬥場面都拍得幾好 結局峰迴路轉 臨尾仲有少少笑位 輕鬆一下
演員方面 張繼聰 白只 好壓場 好有戲 估唔到佢哋都幾打得 白只仲有d攪笑 鏡仔方面 3個都交到戲 表現唔差
劇情緊湊，冇冷場，最鍾意張繼聰同埋白只，兩個不論戲內同戲外都好夾
比想像中好睇，故事轉折位都順暢，三位新生代演員各自進步，好睇
0係無期望又唔係鏡粉嘅情況下去睇，又出奇地比我預期好。張繼聰＆白只等一貫水準，反而我見到edan嘅進步，對片中嘅笑位拿捏得唔錯。
好睇！無悶場，表現好好!
我支持港產片，你哋可以負評我啦。
比起嗰套蜘蛛夫人，呢套實在好太多，至少故事性強過飯氣攻心，有伏筆有笑位。唯一嘅敗點就係姜濤根本唔識做戲
不過不失，睇時無唔耐煩望錶，張繼聰做正經角色無做喜劇咁出色，Edan演技有進步，開始似演員，Anson Lo都無咁誇張去做戲，希望佢哋可以吸收多啲前輩指導
內容十分緊湊，睇得好爽！正！
有娛樂性，冇悶場，估唔到咁啱做賀歲片，睇完都幾開心
節奏明快，演員都恰如其份（白只&呂爵安又幾夾）
放低偏見先，入場欣賞眼見為實
睇完啲打手話返人哋打手真係覺得佢哋賺5毫子都賺得好冇誠意！
本身冇乜期望入場，但香港真係好耐冇呢啲盜寶片種，而且睇完又會覺得幾爽嘅電影！純港產片（題材結局問題返唔到大陸）有返啲冇女版東京攻略、戀戰沖繩，真係好快過咗兩個鐘。睇完都有種爽快感覺，啱新年流流！
三套裡面暫時睇咗呢套同套胡鬧片，呢套好好多，值得入場！
惡人先告狀俾0.5/1分嘅打手就係搞死香港電影嘅人。戲都未睇就用既定立場亂咁俾分。
節奏明快，緊張刺激，冇悶場
四位主演嘅合作有火花
張繼聰同白只演技就唔駛講，高水準。
Edan 同Anson Lo都交到功課，演繹比之前嘅作品更自然，有進步。
原本想俾8分，加多一分替啲打手俾。
白只同張繼聰一如以往咁可靠，無諗過今次白只同Edan有火花。Edan各方面都有明顯進步，咬字、節奏都無問題，開始有戲味。姜濤嘅反差可以理解為黑社會二代勉強承繼父業做龍頭，所以衣不稱身、用戾氣强裝自己。Anson Lo演繹年輕膽怯嘅角色比以往嘅角色較合身及順眼。
其實而家睇影評都無咩用，最平$60自己入場睇最真
見到咁多言之無物但又咁低分嘅影評，如果係為反鏡而特登咁評分，真心替套戲唔抵。
入場前無乜expectation，睇完有啲驚喜，劇情緊湊，唔經唔覺就過咗個幾鐘，白只好突出，同埋笑位都係佢搞嘅，同Edan都幾夾。3個鏡仔入面比較欣賞Edan 同Anson Lo，演出到位，交到貨。整體4個主角群戲都係好睇嘅，值得入場一看
風格回歸香港拿手商業動作盜寶片，有D夢幻（冇景…）所以到結果又覺得轉折咗幾痛快
鍾意最尾用隻歌，幾洗腦，又有D覺得同戲中人心情有關係喎
係有水準嘅港產商業片
「盜月團伙」參與這次行動去日本偷三隻Picasso Watch的最初誘因
大賊是「忠」，一直為兩代萊叔賣命
渠王是「財」，希望賺錢
馬生是「迷」，因為沉迷Moonwatch（行騙牛榮而被萊叔抓住把柄）
阿佑是「孝」，想為母親籌集醫藥費
萊叔就是「貪」，貪戀父親留下來的江湖名號地位，甚至急於超越父親
像這次的盜竊團伙，本來就是臨時湊合（除了本來大賊和渠王是同期伙伴）又各自有心中盤算，但在行動和過程中又要在懷疑與信任之間合作才有機會盜竊成功完成任務。不過因為馬生偶然發現了Moonwatch，而渠王又在行動中偷走Moonwatch…意外橫生的各方枝節，又令四人的信任出現動搖。最大的轉折點是動搖了大賊對萊叔的「忠」。我在想是不是渠王的當頭棒喝呢？當然那一幕是最直接的喚醒，不過我相信大賊心中對於自己在一朝天子一朝臣之下的下場都心中有數，加上今次團伙中他多少都對伙伴建立了信任和感情（雖然他說做這一行不能建立感情），特別看著馬生和阿佑兩個青年被拖下水，心裡都真心想可以找機會四個人一起順利的真正「全身而退」。
計劃能成功，首先是他的計謀，而又必須建立在他對萊叔性格和行事風格的透徹了解；其次他的計劃得靠團隊的合作和各種絕技：阿佑令人信服動機的（假）變節、馬生對手錶的了解和運送組裝能力、渠王的爆破設計….各人又真的同心協力完成到「金蟬脫殼」。而最後令結果更上一層樓的，就是馬生的「小計謀」：三隻古惑的Picasso Watch，得而復失又失而復得的Moonwatch…
整套電影看得很「爽」是因為大橋段簡單，但枝節可以帶來關張感但又不複雜到難以快速理解。而最後的巧妙轉折更令人為盜月行動四人組感到高興（我想如果是4.5人組加入童童），在畫龍點晴的「心裡心裡有個迷」的歌聲中，我們就可以帶著為「盜月團伙」感到安慰、又期待他們新一章新故事的心情離場了。
好緊張又有笑位
白只阿聰一向出息
連帶鏡仔都做得好唔錯
角色cast得好，劇本有心思
最後嘅片尾曲令人回心微笑
值得入場！
劇情緊湊,演員也演得自然,好睇
For 娛樂唔錯，冇悶場，完整度高
劇本完整，幾位主演都不錯，值得一看的賀歲片
本身無期待，睇完覺得有驚喜！
so excited! well done!
好睇，電影節奏明快，劇情緊張，四位主角表現出色！
不是想像中的粉絲向，幾好睇，值得一看!
故事題材幾有趣，對手錶冇咩認識嘅都唔會覺得悶，張繼聰白只表現依然十分出色，帶住兩個新手好有火花，Edan做馬生表現好過之前，而家更加自然，AL角色雖然比較內斂，但又出奇地好入型入格，完全可以放下偶包，做到平凡其實都唔容易，姜就比較令人出戲，未做到角色嘅神髓，電影中仲大量大頭，仲容易睇到不足之處。整體劇情緊湊，故事流暢，值得入場欣賞。
比想像好睇 冇悶位
可以再睇
演唱恰到好處，前輩級演員帶動新晉演唱有火花和驚喜，劇情緊湊冷場不多，今年賀歲片首選
好緊張!
本來對有mirror成員既戲唔抱有期望,但今次終於似番套電影,有D緊張位,又唔會爛尾,Edan演出有驚喜,白只張繼聰繼續好戲carry 到mirror 成員,睇完套戲仲學到少少錶既知識,我個人覺得又唔係咁差
題材有趣, 故事完整, 特別鍾意4位神偷團友一齊好有火花, 全劇最惡既箂叔竟然係最後生, 稍欠說服力
比想像中更好！！ Edan 演活聰明男孩子一角，而Anson Lo 就由無膽鬼變成二五仔反差都做得好好。當然两位前輩“聰哥同白只哥”都演得非常出色，全劇並無悶場。最後要多謝两位的教導，協助後輩入戲。
剛剛再睇番袁導演說解，因某人才會無女主角，實在可惜，佢又不是主角，為何要這樣安排？幸好，現在效果也不錯
估唔到今次唔係爛戲啊
節奏明快，無悶場無拖戲，四位主角合作幾合拍，鏡仔之中Anson Lo 同Edan 都做得唔錯，開鎖情節好緊張，AL應記一功
全男班的電影，改編錶行劫案
我覺得《盗月者》真心好睇有驚喜！做得到劇情緊湊，節奏明快冇悶場好難得。本身對鐘錶認識唔深，睇完套戲覺得原來好有趣，亦增進了知識。演員方面其實表現都唔錯，白只演出好突出。鏡仔方面，呂爵安做得最好。佢演馬文舜對錶嘅熱情係convince到觀眾嘅,而佢演呢個聰明醒目嘅角色，亦入型入格。
冇期望吓入場，有驚喜！故事後半部份的確有沙石，不過拍得用心。白只係MVP,Edan有進步。
同想像中好唔同 唔係傳統賀歲笑片
但全程幾緊湊 冇冷場位
白只好正
鏡仔亦都少咗嗰種做戲嘅尷尬感
新年同屋企人睇係唔錯的
港產片, 香港元素, 無國內合拍片既味道, 故事好睇, 張繼聰 白只 好有leader 帶動氣氛, 好好睇
劇情緊湊流暢 沒有冷場，演員最好睇係白只，鏡仔作為偶像派亦算演得不俗，總括值得一看。
期望不高、反有驚喜
D影評完全無參考性，一係1，一係10，唔該d fans 同 haters 唔好再亂評，完全影响正常觀眾理解套戲。
唔係d fans 吹捧咁好睇，也不是垃圾之作，港產片中算係正常流暢，劇本合理
好睇冇冷場 故事 情節安排
故事結構完整 氣氛緊張 打鬥場面刺激 結局有d估佢唔到 唔錯
節奏明快 成家人都緊張
緊張有反轉
導演有心思 賀歲片唔睇笑片之選
好好看值得一看
《盜月者》是意外地精彩，故事相當不俗，節奏明快緊湊，特別是四人小組開始行動時，氣氛緊張，令觀眾跟主角一同參與任務，非常刺激過癮。Edan是砌表專家，Anson Lo是開鎖天才，兩子演來有板有眼，明顯下過功夫，相比之前演出更自然投入，相信二人將來應有更多可能性與發揮，期待他們為香港電影業帶來正面新衝擊，畢竟香港市場極需要本土各方合力撐下去才有生存空間！總合而言，《盜月者》娛樂性充足，演員表現佳，電影設計有心思，入場後保證不會後悔，確實為賀歲電影評分最高作品！
劇情緊湊，故事精彩，四位主角都做得好好
馬生好醒目，諗到將手錶寄返香港好勁！
阿佑好純真又好孝順，扮有錢人又好型
大賊面對一朝天子一朝臣嘅無奈好心噏
渠王好現實但又可以放鬆緊張嘅情緒
四位主角嘅chemistry真係好好
這部電影相當驚喜.演技相當好和好有默契.導演和劇本都非常好.有笑位.娛樂性十足.值得入場支持這部電影.
比預期中好睇 冇乜悶場
盜月者娛樂性豐富$30或60元早場值得入場觀看，戲院坐後面有六位師奶睇Mirror 睇得得好開心
盜月者 出乎意料的驚喜（鏡粉影評非潮文含劇透）by candybb
作為一個鏡粉，中伏乃是日常不過嘅事，尤其見到袁導個名即刻虎軀一震，要知道袁導執導嘅季前賽，令到一眾鏡粉PTSD，抱住好無期望嘅心態入去睇首映，結果出乎意料地好睇。
節奏明快
故事以馬生角度展開，作為故事嘅中軸，清晰嘅脈絡以尋找Dream watch——moon watch為起點，開展一連串故事，且伸延各主演嘅背景因由，自然嘅手法導出整個電影畫面，過程流暢舒服，導演應記一功。
融合真實事例
睇嘅時候覺得故事有啲熟口熟面，翻查資料，發現導演參考當年香港搶郵包搶劫案同英國銀行保險箱盜竊案拍攝呢一套電影。配合整個故事改編延伸，觀眾係會驚奇刺激，真係冇悶場。
畫面美術有設計
要爆破有爆破，畫面豐富，好鍾意佢哋喺渠入面嘅鏡頭，無論係燈光效果定係拍攝角度，令到觀眾有在場感，兩個鐘嘅電影係畫面和諧舒適。
各主演評價
馬文舜（呂爵安 edan飾）
雖然係講緊四大主演，但無論劇情上邊定落墨比重方面，edan 都係比較佔最重角色。筆者身為爵屎，必定帶着有色眼鏡兼且濾鏡去睇套戲。首先要不斷重複，呂爵安真係好charm好撚靚仔，戴眼鏡認真拆裝對期錶真係好撚好J。 正經地講，由闔家辣到過時過節，edan嘅進步都係十分明顯。尤其今次個角色可以話係度身訂造地性格接近本人，有小聰明，多鬼主意同時又有義氣，都活靈活現。好明顯呢套戲edan嘅表現都比上兩套演技自然。
惟都仲睇到有改善空間：發音問題，edan只要講嘢講得快，就開始聽唔清，懶音問題仍需改善。第二嘅就係同白子對戲都係顯得幼嫩，期待佢嘅進步。
大賊（張繼聰 飾）
我係好佩服張繼聰，話說前一日先睇咗另外一套飯氣攻心二嘅優先場，完全睇得出張繼聰真係演活咗兩個截然不同嘅角色。盜月者中大賊喺東京嘅心態轉變個一幕非常深刻，掙扎到釋懷並唔係靠對白講出嚟，係靠演技演出嚟。
阿佑（盧瀚霆 飾）
筆者會用自然嚟概括佢嘅表現。事實上套戲角色上唔多發揮，群戲居多，乖巧善良同孝順（係吖 今次用嚟形容Anson lo）anson lo都清晰表達。
東京4人小隊中，佢係一個單純嘅年輕人兼人畜無害，觀眾睇完會想做佢老母多過做佢女朋友。對上一次睇Anson lo 係社內相親嘅霸道總裁，無疑又係兩種感覺。偶包唔重，係套戲表現有進步但角色唔突出，但係都唔突兀。劇透一下，最後有一個小反轉，病貓變老虎，係成套戲Anson lo 比較吸眼球嘅一幕。
萊叔（姜濤 飾）
筆者帶著另外既有色眼鏡評姜濤，由於冇期望所以係冇失望。萊叔個角色係終極大boss ，年輕大無畏，不擇手段。官方講話萊叔冷血勢利，殺人不貶眼。咁姜濤演唔演到？ 筆者覺得有對比有傷害。
年輕係年輕，大無畏同冷血勢利就真係feel唔到。好老實講，姜濤駕馭唔到角色。撇除咗身形，槍戰個幕更為明顯，表情同講對白嘅節奏都有一種突兀感，就好似小朋友扮大人做戲嘅演繹方式，佢仲要三句對白 有兩句Chok住講。當拼埋白子同張繼聰一齊出現喺同一幕如處刑一樣，筆者心目中會浮現一句：使唔使咁撚扮嘢。 之前季前賽唔會有呢個感覺，但當需要飾演嘅角色內心係複雜而有層次，佢嘅演技就唔能夠支撐起成個角色，好明顯仍需繼續努力。另外想提醒佢唔好再啫嘴同戚起個嘴就以為叫面部有表情。不過公道啲講，寫個咁嘅角色俾佢做，演繹係困難過edan同Ansonlo 嘅接近本色出演。
渠王（白只 飾）
白只我都唔班門弄斧，佢真係演搞笑又得，正經都好入戲。演技絕對係毋庸置疑，同時佢同張繼聰個幕攤牌，係演技大爆發。
結語
套戲係好睇，首先你唔會覺得有悶場，反駁位唔多，fans可以睇偶像，即使係街客成套戲都唔難入口。撇除啲沙石，係一套用心做，演員用心演嘅電影。
另外，筆者好鍾意飯氣攻心一，但係第二集略為失望，雖然知道 陳詠燊想帶出移民，說再見會再見嘅意味，但成套電影偏鬆散同第一部比係有好大距離。
盜月者並唔係偏向偶像向電影，而係正劇由幾個偶像演繹 ，加上白子同張繼聰加持，真係唔差。以賀歲片嚟㗎，有幽默吐槽位，好見得下人。對比番上年套超神經械劫案下，盜月者收貨有突。
劇情緊凑，無冷場，幾個年輕演員都做得好好，特別係Edan，睇過佢之前套闔家辣，覺得佢做戲真係唔錯，唔同角色性格都駕馭到，係個可造之材。Anson Lo嘅表現都幾有驚喜
故事結構寫得相當完整，劇情非常緊湊
有緊張刺激，同時亦有一啲笑位
可以睇到幾位主演非常之有默契，演出亦相當到位
唔係傳統嘅港式賀歲電影
不過絕對係農曆新年一家大細娛樂嘅好選擇