喪星玩轉荷里活

《喪星玩轉荷里活》(Movie 43) 2013年2月巨星重口味

訂閱我們的Youtube頻道,有新片預告即刻知!

一齣被美國國防部,評為「一級非物質致命武器」,勁過「攞你命3000」; CIA、FBI等特工組織,出動所有精英徹夜追查,都查不到影片來源;正常男人睇完,更會陽痿自殺死的「史上最癲喪禁片之王」─ “Movie 43”,竟然在一次意外下,被三個騎呢高中生喺網上揾到疑似片段… 蝙蝠俠與羅賓,不拯救葛咸城,走去參加SPEED DATING,惹來一群超女英雌,連番「媽叉」,追收風流債!? 戇膠處男,被父母「老點」,留在家中「焗」上瘋狂高中課。到底會是一場揾笨版《禁室培慾》,抑或是重口味的《愛的敎育》!? 富豪大款送花、送車、送豪宅來示愛你就聽得多;送自己「便便」示愛,你又有冇見識過?一對痴男怨女,實行紥馬運功,大「爆」一場「臭」味相投的「屎」詩式戀愛!? 靚仔鑽石王老五,溝女卻「永冇得手」?…原來係器官生錯位,人人嫌棄佢「一袋宗師」嘅真正身份!? 可愛哈比人,粗口講到無時停;你要佢做運財童子,佢話叫你去食屎! 更多更爆內容,尚未曝光,究竟邊段先係真正嘅“Movie 43”?