金多寶
- 查看其他版本
觀眾影評
啲笑位好夾硬嚟,同恭喜八婆同一個tier,好多笑位都係抄自討論區,無乜新意
主要票房差不關上影場數的分配,當日頭幾日優先上影全日場數已很多, 但仍然不賣座,
主要係主角人物不吸引,題材故事又不吸引,冇新意又冇笑料,由於太平淡及用煽情位太多而感覺太悶了,
但總好過睇意識不良的夜王好得多,係度美化行業及美化舞女,
如果真係要睇賀歲片,㨂呢套去睇好過夜王有意思得多了！
雖然係講親情，但真係有d位唔明。不過香港電影加油啦，戲係應該有讚有彈，下次先會越做越好。
故事係婆媽,好多悶位,但用親情搭夠,不要其待會有笑料,但總好過夜王套垃圾片好多好多！
不過不失啦！要求不高，有笑有感動，值得一家人看
劇本表面是賀歲胡鬧喜劇，實際是充滿溫度、感人催淚的倫理戲，深度驚喜兼備，戲味濃厚。
演員陣容都是一樣 - 乍看普通，實際上可謂星光熠熠：主角是影后金燕玲、新星鍾雪瑩，配角有蝦頭、阿正、EDAN，驚喜客串包括鮑起靜、古天樂、阿SA、許冠文、劉錫賢等，加上大批77及99台電視紅星，個個都是好戲之人，證明劇本吸引。
故事雖以中六合彩為主線，全劇對白不斷出現“金多寶”三個字，但其核心訊息是：
“人人以為金錢重要，發夢都想中金多寶，但其實中不中獎根本不重要。金錢是買不到親情，家人團結關愛才是每一個人最值得珍惜的瑰寶。”
因此每個人都應該要珍惜眼前人，珍惜自己的家人。
扣分位：故事稍嫌冗長鬆散，部分情節可有可無，剪接可再精煉。然而作為今年三大港產賀歲片之一（與《夜王》、《鏢人》並列），整體表現不俗，絕對值得入場支持。
冇諗過睇一套賀歲片，竟然會感動落淚
相信由長老湊大既細路都會有共鳴
相信家中有腦退化症既長者都會有共情
主演既演技自然，嫲嫲演技冇得彈，天晴一家就好似平時見到既隔離鄰舍，通哥冇乜偶像包袱幾好笑，笑位亦唔胡鬧。有啲電影圈內既笑位可能唔太明，但唔影響觀感。
全片稍為長左少少，但值得付岀兩個鐘去感受呢份嫲孫情。
故事完整，但有些劇情比較婆媽。嫲嫲、小朋友和蝦頭做得最好，其他演員也不錯，整體演員表現比劇本出色。本身很欣賞該導演作品，但表達溫情不是他的強項，還是帶點暗黑的題材適合他。
非一般賀歲片 無低俗笑話 唔係無聊爆笑果種賀歲片 而係一套充滿香港情懷同温情嘅電影 好多鏡頭都拍得好靚 大位向港產片致敬彩蛋 令你回心微笑 有笑有淚 結局令人意想不到
金燕玲真係MVP 佢同鍾雪瑩嘅戲好真摯又感人 睇到眼濕濕 睇完好想返屋企攬攬屋企人 好值得一家大細入場睇
超級感動 最好同屋企人一齊睇
嫲嫲同孫女嘅情好真摯又貼地 有d自己都有經歷過 曾經反叛 誤解 但最後發現家人係最錫自己嘅 要珍惜同家人嘅時光 唔好等失去咗先嚟後悔
呢套電影餘韻好勁 我宜家一路打 一路諗返起d劇情都仲有d眼濕濕 想帶屋企人再睇多次
因為Edan才睇但很失望，Edan 戲份太少，劇情麻麻，笑位与感動位很少，鐘雪瑩演出有點誇張，有些劇情看不明，如強尼与阿正那段，所以電影剪短少少更好。
還可以
如果呢套係TVB拍的劇電視做,必定話老土婆媽煽情被插到飛起！
係呢度出嘅影評？又係呢班好評打手！算把啦...！
真係好悶,被片名呃咗入場,我真係讚唔出口了！
有笑有淚的電影 好適合同屋企人一齊睇
片中有唔少致敬香港電影嘅彩蛋 觀眾可以留意
好溫暖好真摯嘅一部香港電影
想笑想喊想發夢想踏實前行嘅都值得入場
(本來俾9/10分嘅
但見咁多擺明無睇過套戲嘅負評打手
就10/10啦~~⭐️⭐️⭐️⭐️⭐️
如果入場以為睇的是富貴逼人2026，那麽就買錯戲飛了。人家主題講的是親情，家庭復和，張彩票只是引子，不是賭博為主軸。長年買六合彩都不是為發達。如果想睇這些，就租番嚦咕嚦咕，逢賭必贏吧！
本來睇呢套戲 係因為有呂爵安 而我係作為粉絲諗住支持下 但係呢套戲嘅演員同劇情令我另眼相看
劇情好感動 好有意思
唯獨有樣嘢係可以改善 就係戲嘅時段 多咗好多不必要嘅情節 可能冇咁多人會咁有耐性去慢慢觀摩呢套戲
除外 呢套戲好完美 笑得好辛苦 亦都喊得好勁 對香港嘅賀歲片另眼相看 令我想繼續支持多啲香港嘅賀歲片
輕鬆又溫暖戲，每一位演員都做得好好。想再入場發掘唔同嘅彩蛋。
一部有賀歲片元素、有寫實嘅親情、有香港情懷嘅電影。
睇完覺得好滿足又窩心. 值得推介！
有笑有淚之作，好多場口有心思，香港人睇好有共鳴
會再二刷，非常值得買飛入場支持
冇任何期望咁入場睇 結果好有驚喜 頭半集主要交代個故事背景 亦有好多搞笑位 後半集比較煽情 令人感動
戲入面好多各式各樣嘅gag位 例如好似有一啲電影行內in joke 又例如一啲有睇開波先有共鳴嘅 我都未100% Get晒 如果識晒全部嘅話應該都好勁
同埋都睇得出好多致敬其他經典電影嘅位 再加埋好多重量級客串 係好正 有睇開港產片嘅一定會鍾意
我最鍾意呢套戲嘅係入面好多畫面都好靚好香港好珍貴 例如雪糕車 例如舊式屋邨公園、街邊檔⋯
最最鍾意嘅係套戲嘅溫度 嫲孫線真係好令人動容 睇住金燕玲做戲真係唔覺得做緊戲 我覺得佢就好似我嫲嫲同緊我講嘢咁⋯同埋雖然有傷心 但過後係溫暖的 因為有愛
完場聽住片尾曲 內心仲係好滾動 散場直至我返到屋企 直至今時今日 我都仲有種餘韻喺到
會再睇多次套戲 想再細味
唯一扣一分係覺得有些少場口其實不太重要 如果刪減少少 成件事個節奏就會再好啲
好睇。好笑又感人！
值得入場睇！啱一家人睇
有啲設計好正，可能係要好熟識先會明，但知道咗就會好好笑，曼VS利，Uber VS Taxi，仲要係兩個台既一哥。
同埋追擊8月15果到真係回憶嚟，可能睇過嘅人會再覺得好笑啲，無睇嘅就當係睇下阿Sa。
可能睇多次又或者睇咗佢致敬嘅戲會好啲，，火過都係誠意之作。
好多人話悶，原來一啲都唔悶，仲笑到我癲。 唱歌果到勁好笑。結尾我喊左兩次，同埋套戲拍華富村，我以前細個住過呢類公屋，有啲位好有共嗚。
雖然最後都係講親情，但呢套戲絕對係合格以上。入面啲笑位幾有心思，雖然未必人人明，但嫲嫲同個孫嗰份火花真係做得好出色，睇到人心都暖埋。賀歲片嚟講，呢份誠意絕對收晒貨。
充滿香港情懷。畫面拍得靚，仲有致敬港產片嘅彩蛋，令人回心微笑。成套戲有笑有淚，結局仲出人意表，真係非一般嘅驚喜。
原本以為《金多寶》只係例牌嘻嘻哈哈，點知最後竟然睇到喊，真係冇諗過睇一套賀歲片都可以咁感觸。
如果你係由長輩湊大嘅細路，睇到戲入面嗰種祖孫情，一定會好有共鳴。最令我心酸嘅係講腦退化嗰段，屋企如果有長者經歷緊同樣嘅情況，嗰種想記又記唔起嘅無力感，真係睇到好共鳴。
金燕玲演出值得一個金像提名，由頭帶到尾。
只可以講套戲有待改進，期望同現實不成正比
估唔到金燕玲幾好笑，又估佢唔到被戲中一家人感動到，眼濕濕
一套適合一家大細入場的電影。
非典型喜劇賀歲片，中金多寶只是幌子，內容卻是學習如何跟家人坦誠相處。是有點老土，但親情本是老生常談議題。看時令我回憶起已過世的嫲嫲，好戲，推薦。
有後勁嘅一套戲，行出咗戲院，仲會Flash back入面講嘢嘅親情，社會現象，舊香港同香港人嘅情懷。
一眾主演演出自然 chemistry 好。客串演出對劇情有推進，唔係單純大堆頭。
前大半部份係有少少稍長嘅感覺，但係都完場嘅時候又覺得剛好。可能係剪接嘅節奏有唔同嘅觀感。
片尾曲萬幸幾好聽，因為咁所以睇咗MV，發覺音樂有好多戲入邊冇嘅footage，有reconnect一啲戲入面嘅場景。
這部電影非常好睇和好温馨.演技非常好,尤其是鍾雪瑩和金燕玲的演技都演得非常出色.這部電影不但有笑位,而且仲有温馨場面,都處理得非常好.劇本寫得非常好.值得一家大細支持這部電影.
繼續努力，感動到人。嫲嫲的戲做得很好
金多寶本身就係一套溫情感人小品，但又扣上港式賀歲片格局而唔突兀，大量客串，又有「笑咗」嘅位，仲要拍得香港好靚。各個Cast 都好match,好討好,好convincing,好舒服，金燕玲絕對係MVP，但係蝦頭同Edan都好有驚喜。劇情推進上面可以緊湊少少，翁導嘅first try絕對收貨。
一套睇完2個鐘之後有所得着既賀歲片
有笑有淚既賀歲片
一套適合一家入場睇嘅電影，最好請埋父母一齊睇！
呢套戲嘅可貴之處係佢冇刻意賣弄催淚，而係用淡淡然嘅手法，將嫲嫲嘅日常娓娓道來。睇嘅時候不自覺諗起自己同屋企人嘅相處。好感動～～*
我覺得亦好啱一家大小一齊入場睇，唔係以前一般得啖笑既賀歲電影，咁多位主角做得好好，當中有笑有淚，打算再帶屋企人再睇多次！！
好睇過上年三套好多，翁子光拍奇案同搞笑都勁，不過拍感人戲最拿手，仲要加埋金燕玲呢啲老戲骨。佢同許冠文啲戲係好好睇，最後果場搞到我都流咗幾滴馬尿。
絕對係誠意之作嚟，新年睇呢套係無錯
真係感人之作！睇得出誠意，大大推介！
勾起我同我婆婆湊大我嘅回憶，雖然無我老婆咁喊得咁西利，但係都好touching。Edan其實演得幾好，再加埋個影后，不過最勁都係金燕玲，下年金像獎Win 咗9成，如果仲有金像獎
套金多寶係少有拍出港味嘅賀歲片，寫實之餘仲好窩心。唔係單純搞笑，而係講緊一份屬於香港人嘅親情，睇完真係有種滿足嘅幸福感，值得推介！！！
唔好以為又係嗰啲胡鬧戲，《金多寶》係近年少見有深度嘅賀歲片。你以為只搞gag講香港人想發大財？但重點係講遺憾同珍惜。小人物描寫得好入屋，溫暖而不落俗套，絕對唔係睇完就算嘅快餐電影。
《金多寶》係感人！金燕玲演技超級勁，情感演到好到位，睇到都跟住喊。每一個眼神同表情都好真實，令到套戲好感人。推薦！
港產片影迷睇得有共鳴，電影中有我最喜愛角色之一「邪釘橫輝」出場，正呀！摒除這個point，電影都拍得幾細膩感人。
睇左先算，撐咗先算，讚咗先算
唔算係一般賀歲片, 但同樣優秀, 情節感人又有笑點
有好多呢一行或者睇開香港電影先知道嘅inside joke
感人之作! 多多支持香港電影
幾好笑既港產片，岩一家大細去睇。
套戲講親情，睇到後尾有啲滾動，好香港情懷既電影 。
一套令你又笑又喊好感人嘅香港電影，值得入場觀看
好耐未試過同屋企人一齊睇戲，內容唔深易明，我八十幾歲呀婆睇鬼屋個part笑到咔咔聲，新年睇金多寶真係冇揀錯
1872333、的士判官、嚦咕嚦咕新年財… 好多對港產片嘅致敬！就好似導演同我哋打緊摩斯密碼咁，好過癮
一套非常另類的賀歲片。有笑有淚～ 多謝製作團隊誠心之作
感覺就像冬天喝了杯很暖的茶。很久沒有這樣的賀歲片，很有溫度，很完滿的離場感。感受得到台前幕後工作人員對電影的熱愛。香港電影加油
Ok 好睇 成套戲好流暢 笑位感動位兼而有之 最深刻係強尼同吖正嗰度好搞笑 唯獨最尾篇幅嗰度有少少交代得唔係咁好之外 驚喜仲有古天樂同許冠文先生仲有吖sa
前1小時好好睇，到咗下半場就不知所謂，感覺好似為咗湊夠2小時而專登拖長，笑料都冇晒，畫蛇添足嘅片。明明只有1小時嘅劇情，格硬...拖長2個鐘嚟，冇嗰樣整個樣，孫女瞞住嫲嫲冇買到六合彩就算啦，最後拍到個個角色都瞞住別人，不如改名叫「瞞騙家庭」。
劇情雖然最尾都係講親情，笑點係有既，但未必個個明。不過作為一套賀歲片來講，合格有餘。尤其嫲嫲同個細路，都做得幾好。
見到有妹姐出現，有d驚喜！
一部好香港嘅電影
好好笑 又超感動
好啱一家大細睇
如果鐘意香港 唔好錯過呢套戲
Feel到導演同演員好用心去拍同演繹
香港仲有咁好嘅嘢做到出嚟 真係好值得買張飛入戲院支持
溫情小品，有攪笑都有感動情節，好啱一家人睇，珍惜同家人相處嘅時間
電影本身是不錯的，可是選錯了上映時間，新年前上可能會更好。
感人的溫情片
有輕鬆搞笑的部份,可能要諗一諗至GET到笑點
但主題家人感情都係好感人
所有演員都做得好好, 金燕玲做嫲嫲入形入格好真實!
一套值得捧場的港產片
电影的缺點是別墅鬧鬼的情節，有畫蛇添足之感。
故事結局令人喜出望外，意想不到？
明星古天樂及蔡卓妍也客串支持這港產片。
值得一讚，全套电影沒有一句粗口。
此套戲經典之處就在於她誕生在2026年代，絕對係此時段香港的寫照！可能，可能二十年後，此景將不復在！
《夜王》係過去ge香港，《金多寶》係當下的香港。香港的未來如何，無人知道。但各位香港人加油！
認真咁講，以笑點嚟講唔覺得佢好過夜王。但劇情同鋪排明顯好過夜王。
但要我揀嘅，我寧願揀夜王。感覺上呢套就係迴轉壽屍入面嘅「最後晚餐」加「富貴迫人」嘅混合版。而客串嘅角色根本都唔重要，可有可冇。重要係有種強行整到所有嘢有關係咁，感覺好馬後炮。
另外個故事係散到一個點，個仔有冇亞氏保加症？層樓有冇被人收返？根本都唔重要。就算喺公屋度個故事都一樣行到。
成個感覺係一堆好散嘅元素再斬得更散。乜隻狗啲回憶真係咁重要咩？明明阿嫲嘅故事先係重點，無啦啦講隻狗做乜？
有啲位真係睇開電影嘅先識得笑，聽到1872333即刻明白係講緊「追擊8月15」，但我相信根本現場嘅人係唔會聽得明佢哋講緊乜？最後我先知原來兩套都係美亞娛樂嘅電影嚟。
笑吓係OK嘅，但我同意導演講：「所有電影院嘅檔期都畀哂「夜王」係對佢好唔公平」，有心就支持吓囉。
點解會睇，第一點係港產賀歲片，所以2套都有睇，其二係睇Edan, 未入埸睇以為係《富貴迫人》新版，入埸發覺唔係（習慣係如果諗住睇套戲，入埸前唔會睇trailer）所以到睇時見到華富邨係有驚喜（身為南區人特別有親切感，仲可能係佢拆前最後一套景），睇到尾忍唔到眼淚，金姐演嘅嫲嫲會令我回憶番自己嫲嫲，而佢同爺爺嘅戲份都令我淚流不止，一齊幾十年仲可咁好感情真係好令人羨慕
善意謊言，一家人由疏離到重拾親情，笑位多到爆，後段溫情位喊到眼濕濕。
每個人都要學會面對失去，特別嫲嫲死前一幕，已經喊過不停，會入場再睇多次。
超好笑又溫馨，以為唔記得買六合彩，原來後來⋯⋯大家可以入場睇。
金燕玲嫲嫲超可愛！仲以為佢淨得識摑人，哈哈。估唔到做慈祥嫲嫲都好似，太感動。
睇完金多寶，買咗一個條金多寶，雖然唔中，但一直回味電影嘅細節。
最精湛係一把演員嘅演技。講真，有邊個導演願意採用無票房力量嘅主角，對於青黃不接的電影界，我十分欣賞。
劇本不錯，一定有沙石，但我看完滿足地回家。
突破了賀歲片的老套和庸俗，對於由老人家湊大的孩子，十分感動，值得入場。
特意帶小朋友去看，因為小朋友未見過嫲嫲，不過也十分感動。
把「發財夢」拍成一場又笑又暖的香港賀歲童話
如果你以為《金多寶》只是一部靠笑位撐場的賀歲片，那你可能會被它的「溫柔」打個措手不及。它當然好笑——笑得俐落、節奏夠快、包袱落點精準；但更難得的是，它沒有把「發財」拍成純粹的貪婪與浮誇，而是拍成每個普通人都懂的心願：想翻身、想被看見、想給家人一個更穩的明天。
電影最迷人的地方，是它把香港式的現實壓力、街坊的煙火氣、以及人與人之間那種「嘴硬心軟」的關係，揉進一個充滿戲劇張力的故事框架裡。你會看到角色在走運與倒霉之間反覆搖擺——那種又想搏一鋪、又怕輸到見底的心情，拍得非常貼地，笑著笑著就有點酸，但那種酸不是沉重，而是一種「我懂」的共鳴。
演員群戲也很有火花：互相接招的速度夠快，情緒轉折又自然，不會為了煽情而硬推眼淚。尤其幾場家庭或朋友之間的對手戲，笑點之下藏著真感情——那種「明明很在乎，卻不好意思講出口」的香港式親密，讓人看完心裡暖暖的。
視覺和音樂層面也加分：整體調性明亮喜氣，但不俗；鏡頭語言乾淨，剪接爽快，讓喜劇節奏一直保持在最佳狀態。你能感覺到創作團隊很清楚自己要什麼——要讓觀眾笑、要讓觀眾爽、也要在離場前留下一點點餘韻。
總結一句：《金多寶》不是那種看完就忘的賀歲喜劇，它更像一封寫給「仍然願意相信好事會發生的人」的情書。在這個人人都被現實追著跑的年代，它用最輕盈的方式提醒你：運氣或許不可控，但選擇善良、選擇彼此、選擇不放棄，永遠值得。
好睇的賀歲電影
有笑有淚賀歲片⋯⋯好適合一家人去睇、值得推介
支持香港電影
演員出色。令人流眼淚的戲。
親情既戲唔易拍，可以拍到有笑有淚最難，劇本好野
好好睇，近年香港最好的作品。金燕玲值得一個金像獎。
正是現今香港人需要的賀歲電影，一部文藝的賀歲片
冇諗過會睇到喊，原本以為係富貴逼人。笑吓就算，點知俾套戲觸動。我都係婆婆湊大嘅，完全connect 得到
金多寶完全打破我對賀歲片既印象，冇胡鬧式搞笑，反而用細膩情感慢慢滲入人心。電影充滿濃厚香港味道，無論舊屋邨、街市定日常生活片段，都拍出一種熟悉又親切既感覺，仲暗藏唔少向經典港產片致意既小細節，睇到會心一笑之餘亦多一份感動。最驚喜一定係金燕玲，每場戲都極具感染力，一個表情已經令人心酸；而鍾雪瑩亦演得非常自然，兩人之間既情感交流真實到好似身邊既親人。全片笑中帶淚，情感真摯，散場之後仍然久久未能抽離，會令人更珍惜眼前人，係一套充滿溫度既作品。
估唔到可以又笑又喊，嫲嫲角色超入心，滿滿人情味，睇完心都暖晒，係近年少有咁真摯既賀歲片!!
冇諗過金多寶咁催淚，嫲孫情真摯動人，好有共鳴，演技自然笑中有淚，雖然略長，但溫暖人心，值得入場支持
好好睇，香港就係需要一啲咁誠心嘅作品。香港電影加油
這部片讓我想起《陽光小小姐》。有點胡鬧的喜劇，但背後蘊含深層次的意義。《金多寶》證明港產片也做得到的。
人生就好似一杯軟雪糕，世界冇一杯軟雪糕解決唔到嘅事。Edan 今次做得好好，好自然。迷上百事通了。
鬼屋真係好好笑XD 有Home alone 玩兩個賊嘅感覺
這部片讓我想起《陽光小小姐》。有點胡鬧的喜劇，但背後蘊含深層次的意義。《金多寶》證明港產片也做得到的。
笑住入場 喊住離場（感動）！
導演誠意之作 casting 一流
賀歲片乃係香港文化，要傳承就要入戲院支持！
笑中有淚 好多經典場面 致敬香港電影
又好笑又感動
戲名好似好老土，但內容好清新，將中獎同孝義掛鉤，拍出一種好耐冇見嘅人情味。唔使大鳴大放，呢種淡淡嘅窩心先最入屋，誠意十足
金多寶唔係嗰種笑完就散嘅片，戲入面將發達夢同親情拉埋講，層次高好多，珍惜當下嗰份細膩，配埋好有質感嘅港式情懷，係一份好有溫度嘅賀歲禮物，睇完個心會暖好耐。
戲名雖然叫《金多寶》，但最值錢嘅其實係屋企人，故事紮實，比起一味搞笑，呢種窩心港產味更難得。
有笑有淚，內容溫馨又貼地，真係一套好適合同屋企人一齊睇嘅誠意之作，睇完個心暖晒！
這部由 翁子光 執導的賀歲片《金多寶》，表面上是圍繞「發橫財」的喜劇，核心卻是對香港電影的愛與家庭關係的反思。
戲中選角出色，演員表現亮眼。特別是金姐姐和鍾說演的兩嫲孫，讓我想起自己細個與媽媽的回憶，情感真摯，自然；另一亮眼的是 Edan 呂爵安，飾演暗戀天晴的同事，展現出「生動」且毫無偶像包袱的一面。他在戲中細微處流露暖男式的深情，演得自然，造型雖老土但討喜，雖非主角，但一出場就很有記憶點。
此外，翁子光導演將他對港產片的熱愛傾注其中，戲中埋藏大量驚喜，是對香港電影的致敬和情懷，戲迷可以入場考驗下自己能找到多少致敬位。
個人覺得這部電影最成功之處，在於它不止讓人笑，更讓人哭。透過「瞞騙」與「金多寶」的謊言，反思家人之間那種「想你好」卻不懂表達的愛。它提醒我們，比起 8,888 萬頭獎，真正值得珍惜的是身邊的人。電影亦教曉我，雖然有些人及事未必留得住，但我們會記得住，留下不是難過的淚，而是滿滿溫情的淚。
這是一部適合與家人同看，有後勁且充滿港味的誠意之作。
好睇
優點:
1) 編導有俾心機去講故事, 用心拍
2) 故事雖然老套, 但夠溫情, 感動但唔煽情
3) 講感情, 親情, 友情, 對香港電影的情
4) 大部份主要演員的演出細膩感人, 亦十分神似
5) 不少客串和配角也搶鏡出色, 驚喜, 金燕玲係MVP
同鍾雪個火花好好
6) 非一般賀歲片
缺點:
1) 時間略嫌長, 中後段有少少拖沓同割裂(假中獎完謊>嫲嫲病/家庭復和/離世)
(所以十分同意翁導所講, 不宜加長版)
2) 貪心咗：親情、香港情、電影情幾樣都想講, 但有些位好似各有各講, 未能做到融滙貫通, 少少鬆散, 但不算嚴重
與「死屍」比較, 節奏略遜, 不夠聚焦和緊湊, 死屍由強烈的黑色幽默到反思家人和感情
但金多寶好多嘢想講, 主力想講溫情: 親情, 珍惜, 但又想針砭諷刺時弊, 有點兩頭唔到岸
3) 古生出場果位去打完場個騙局, 可接受, 有點突兀
4) 不應做賀歲片......聖誕復活節檔期會更好
5) 整個林家+EDAN的主角群, 正爺的節奏/VIBE同其他人不太協調, 容易令人出戲, 正爺都係適合做配角去打差主角, 插科打譂更佳
整體而言：套戲多沙石, 角色感情救番
第一次睇賀歲片會有笑有淚
笑位唔刻意，感動的位置有共鳴
每位演員都好好戲，客串演員有驚喜，嫲嫲金燕玲真係MVP。
金多寶好適合同爸爸媽媽或長者一齊睇，珍惜家人珍惜當下。
一部有笑有淚的電影，一部令我回想我嫲嫲的電影。我家的藤椅就是從嫲嫲家搬來的，一家人開飯的枱布，碗碟都是和嫲嫲同款的。催淚以外，笑點也多，阿正和蝦頭合唱，見鬼那段我覺得好好笑。各演員的演出，都令人賞心悅目！
呢套放喺賀歲片當期係恰到好處，金多寶係一套搞笑又溫度嘅港產片！講述圍繞一家人有冇買到六合彩呢？當中搞笑part上半套戲多，下半part就大家要帶定紙巾入去睇，呢套係絕對唔係sell慘情，而係溫情！！！令大家觀眾可以回想起自己家庭裏面有老人家…亦都會想起以前屋村出邊會有小販檔，雪糕車，屋村鄰里會互助互愛等….你係香港人一定會感受到共鳴！
有笑有淚的電影, 好切合時代, 好在地
內容又臭又長，主角團造型難睇，唔明白點解可以一堆人比9分 如果新春想笑下既唔建議呢套 中間仲cut經典港產片電影《家有喜事》唔明提黎做咩 完全唔係果回事 已經瘋狂煽情 一樣感受唔到溫馨 如果我半句假話 我屋企做白事
不知所謂！難怪港鏟片冇人真金白银入埸睇！那個什麼呂著安是票房毒药！半粒星都勉強！
片長132分鐘，極多悶場，建議cut到90分鐘令節奏快啲，夾硬催淚，情節老土
太多9分10分打手，俾1分平衡返
太煽情，如果係平時檔期無問題，大老新正頭唔係應該唔用腦笑下咩？同女朋友睇完都R哂頭。
煽情造作，一啲都唔誠懇，而且冇新意，悶場極多
同以前富責逼人爭好遠... ,人地又係買六合彩的故事,一家人角式好夾,對白諷刺時幣,而呢套完全唔好笑！