水行俠與失落王國
- 查看其他版本
觀眾影評
特效精彩，劇情垃圾，個劇情牽強度唔識形容，嬲到想中途離場。
身為國王居然玩一騎當千仲要唔夠打，明明手下又戰艦又高科技士兵；明知博士是25仔居然仲比佢攞住最重要個B，殺完主角老婆、老爸、個仔居然仲想化敵為友；個最終boss居然一叉就殺左（個boss 完全解封左，你話佢仲綁住我都忍你），附身黑鬼、佢細佬都打到條肥佬嘔曬血，而家居然一叉就完場。
個劇情係由頭離譜到完場，唔係單單主角光環解釋到
單睇電影而論，佢算得上DC寥寥可數值得入塲睇嘅戲
但唔知點解，睇到最後會有啲失落感，硬係好似爭啲嘢……
我已經拒絶攞Marvel 嚟同佢比，但一心諗住等咗好幾世紀而復活嘅古代暗黑神，竟然打都冇打就一招了，呢下我真係由興奮突然呆咗
算啦，都總好睇過其他DC電影，重啟後希望有好轉
好好睇喎！有驚喜，D攪笑位做得幾好，節奏明快，劇情都算合理。兩兄弟好有火花，到後面歐姆黑化，水行俠用行動感動佢，處理得幾好，係唯一意外以為最尾會合力打大佬，點知一野就KO左佢。成個故事熟口熟面，不過算啦！拍得好睇流暢，收貨！
建議留番啲錢捐出去幫人仲好
兄弟情✓
劇情✓
比預期的好睇，係好正統的英雄片。聽講話DC要換晒D人，全線DC電影冇下集，以呢套片嘅水平唔差嚟講，實在可惜。我覺得佢已經算係今年環球比較出色的一套電影。
主角水行俠由頭打到尾冇悶場，唔似得MARVEL驚奇隊長2只用特技打鬥，而似MARVEL雷神的打鬥，係屬於史詩式的戰鬥。
劇情鋪排合理、節奏明快，亦有安排攪笑位，老少咸宜。選角、造型方面亦合理好看，唔似得夏天套藍甲蟲咁，造型、選角、劇情咁古怪另類。
若喜歡睇英雄片，呢套電影絕對值得入場，會睇到嚴唔夠喉。
唯一要扣分的，係電影實在太有MARVEL雷神的影子... 導演將雷神改成水行俠，洛基改成歐姆，洛基母親改成歐姆母親，亞斯嘉改成亞特蘭提斯，雷神洛基兩兄弟及同母親的關係改成水行俠歐姆及同母親的關係，雷神鐵鎚改成水行俠三叉戟，雷神可以招雷、水行俠就可以控制海洋生物、遇水增強力量，亦能在水中呼吸、游水...
場景嗎？也抄到十足十，好似亞斯嘉的王座，同埋那個黑暗冰封世界，跟雷神2的黑暗世界幾乎一樣.... 人哋那個世界係被雷神老豆奧丁封印，呢套戲就話係俾佢哋祖先封印... 就連水行俠的對白、個性、身型、聲線語氣，都同雷神有D似... 真係抄得太多、太多。
大概編劇都知，難怪劇中水行俠有句對白都話，佢兄弟歐姆係洛基，歐姆之前因為佢被打入阿茲卡班，現在佢去劫獄救返佢...
但最後都要講句，電影係抄得精彩的。如果唔係抄就有咁水準，我會俾10分。可惜係抄...