4拍4家族

睇到你睇瞓著?最佳安眠藥!

故事好鬼老土.

劇情好老土,唔啱睇.

極度沉悶中途已想走了.

劇情又係嗰啲老土嘢?個女嬲咗個老豆最後和好如初!救命!女主角揀錯人!

劇情老土到爆?似七十年代電影,如主角謝安琪勁做作自然,難頂！

悶乸到暈,套平凡到死,悶到嘔.

不看也吧！

瞓覺之選！成套戲勁無聊拖長來做!

劇情婆媽老土到爆，女主角演撗技浮跨好假

真係完全讚唔落,劇本差,悶死人冇命賠！

劇情又係女嬲咗老豆求原諒老土嘢, 悶到呢....

謝安琪演技極差, 好做作， 破壞曬成套戲.

悶到嘔,演員完全唔吸引.選購主角浪費了部戲.

悶到Pk,垃圾到爆.

咁x老土又悶都可以比滿分?打手真係無處不在?

近排見港產片市場較為冷淡，趁有時間都入場睇下呢套有謝安琪嘅電影。

本來估故事都係講家庭為主，sell溫情。睇完發覺故事仲涉獵咗大量本土同音樂元素，例如有我好鍾意嘅band - the Hertz！
睇到一半發覺，好多細節位都好留心，例如主角著嘅tee係my little airport，又係好重要嘅香港獨立音樂場地藝穗會取景。真心佩服導演對本地音樂嘅“致敬”。準備呢個weekend再入場，主力睇埋下嘅細節位。

講返電影最重要嘅劇本，故事冇點扭黎扭去，冇好多好grand嘅場面。但係人物鋪排同埋劇情推進方面都睇得好舒服同自然，唔多覺有反駁位。有個講得通嘅故事同人物設定係支持一套本土電影好重要嘅原則，假如故事本身已經唔通順，都好難叫人係本地製作就盲撐。大膽講句，呢套電影係呢方面做得好好，暫時個人覺得係今年港產片頭三甚至頭兩位，對得住票價。如果係泰迪羅賓同謝安琪兩父女修補關係可以著墨更多，相信會更加打動到觀眾。

另外，我自己係睇開畫日夜晚9點幾嘅場，入場人數真心好少，坐咗一成都唔知有冇。播完導演都有黎謝票，分享嗰陣都感覺到佢好有heart，想拍套好本土嘅電影俾香港人。

希望好戲有好報，黎緊幾日有多啲觀眾入場支持，如果唔係都好難見到本地製作嘅前景。

套戲可以，最緊要珍惜眼前人，千祈要睇好好，直粒五粒星

可能有劇透內容，如果想查看請按此顯示。

值得捧場的電影，除音樂不錯外，內容也充實及豐富。
不負責任父親的後悔、腦退化母親的照顧、年輕腦退化的遺傳及作亡友兒子的監護人及教導人，可想像女主角身上的困難。
最後也算喜劇收場，心情輕鬆的離場。盼這電影有更多的香港觀眾捧場。

真係好好睇，有意思嘅電影，喊住走

我朋友邀請我睇的，之前無留意到這部電影。好值得睇的港片，非常用心之作。

片後，有幸賴恩慈導演親自講解，原來花咗8年時間去拍，放咗好多近年發生的事啟發的感情在裡面，感受得到的，感動咗好多次，音樂也超出想像的好。推薦入場觀看，支持有心的作品。

幾好睇,音樂元素好多,戲中基本上都係音樂人,
當GET到導演個用意果時,覺得超感動

▪️好睇，推薦入場觀看

這部電影非常好睇.演技非常出色.導演和劇本都非常出色.有感動位.睇完之後一部好舒服和好睇的電影.值得入場支持這部電影.