怨泊
觀眾影評
A Panda
3/10
先講故事，故事結構好散亂，電影去到最後先叫做講返個人物關係，而且我都仲要上網搵返個故事內容嚟confirm一下，因為故事太亂又太迷離嘅關係，睇到有啲位我已經有啲分咗心，不過我分心嘅位好彩都唔太重要。總之如果想完全清楚故事發生緊咩事，就要留心睇到最後，最後叫左有返個答案，但我睇完都仲有好多問號。
然後恐怖位，講真，好多位其實佢想製造恐怖感，正常應該會彈啲恐怖嘢出嚟，但佢又唔係彈恐怖嘢，最恐怖可能只係故事內容設定本身有啲癲，會令人不安，但首先你要明佢講咩。而音響keep住播恐怖bgm，但講真，恐怖bgm都未必會加分。
不過，3分係俾演員，話哂演員都演得唔差，尤其白川和子，佢個樣做到幾恐怖。
最後，建議大家唔好expect太多去睇，最多可以話佢題材幾癲。