超神經械劫案下

影評概況

超神經械劫案下電影海報
分享
?
影評數: 0
?
影評數: 0
?
影評數: 0

觀眾影評

234
9/10

結尾有啲太急
但知道原本兩個半鐘嘅戲為咗賀歲檔cut成108 mins都可理解
但新年放假其實唔多想用腦諗戲情,睇得開心同屋企人一齊笑最重要!
笑片嚟講有90分

7日前
Ann Chan
1/10

睇完各位打手嘅影評 如果冇入過場真係會比你哋嘅好評吸引入場
啱啱睇完真係無奈到笑出嚟
以為聚集左咁多位幾好嘅演員套野拍出嚟應該唔差
片中亦都有多處筆墨帶左頭盔例如拍攝時間不足 編劇冇話事權
但係套戲好無聊 令人失望
初初以為題材幾得意 入到場入到最後8分鐘先有過半場嘅人笑出嚟 有好多人悶到走左
呢套戲比我感覺係演員拍得辛苦 大家都好努力 但係劇本好散 剪接都好散 好想講好多野 但係好生硬 亦都加得太多 好似一個食滯左嘅人 食得太多係會有反效果 會獲利回吐
就好似一個啱啱學識作文嘅中學生寫出嚟嘅40分作文
最後只能說不要盲持 該讚得讚 該評得評

4日前
Kin Tai
8/10

Good

7日前
Natasha
9/10

新年睇求開心係完全滿足到,係結尾有d差
不過好多演員都係新,導演新,比個機會新人,咁多都新嘅情況下算係咁,新年新景象

7日前
Janne
9/10

睇完覺得好有驚喜,演員做得唔會太誇張,幾自然。的確係近年來香港少有嘅喜劇,集合多種類題材嘅一套作品,而且新演員表現不錯,會繼續支持!

7日前
Yingping
1/10

超級不推薦:
(i) 超級難看
(ii) 跟預期相差大
(iii) 劇情不知所謂

4日前
sinman1007
10/10

用心製作嘅電影,好多地方可以令人反思,再加上所有演員精彩嘅演出,是一套上佳港產電影。

覺得呢套唔係一套單純嘅喜劇電影,以港產片嚟講,其實好罕見,涉獵咗唔同題材,喜劇、懸疑、警匪、恐怖、科幻、親情,睇得出導演透過唔同嘅角度都想表達唔同嘅訊息,有好多位其實仲係向過往嘅經典電影致敬。

劇情運鏡亦都好講究,每個人物嘅刻畫包括性格都好鮮明,世界仔呀中二病呀咁都做得好立體。演員同導演雖然都係喺電影界比較新,但都拿捏得啱啱好。

結尾我覺得其實係一個留白,唔同嘅人睇完出嚟領略到嘅訊息都唔同,其實就好似我哋唔同人睇同一件事都有唔同嘅觀點。與其係話一個突然嘅結束,我覺得個結局係有一種令人個心穿咗個窿咁嘅哀傷。

新年如果想兩個鐘開開心心但又想有啲嘢帶走嘅話,都真心推介呢套電影。

6日前
BenPow 53
4/10

佢有兩粒星係因為有張敬軒同jfft

6日前
Troy11
3/10

好無聊

6日前
Eva Jong
9/10

軒公好有演戲細胞 非常讚 其他演員都做得很好 算是一部好笑的戲 有不少笑位 還有些抵讚的對白 能反映香港人的心聲 值得推介

8日前
Lo Rac
3/10

剛同個中六女睇完,大家都覺很很失望。。。

8日前
kayuri
9/10

笑位都多,而且電影都多message想帶出來,雖然有啲沙石位,但以台前幕後都好多新面孔嚟講,整體表現已經好唔錯,係一套值得睇嘅賀歲片。

8日前
HinsPrinze
9/10

比想像中好睇 以為真係純搞笑 但其實入面有好多細節位寫左出尼 唔會為幽默而幽默 好同意話套片其實無真係好特定既主角 每個人出場既時間對於推進storyline都好有幫助
希望大家支持超神經! 新年快樂!

7日前
supershanwich
9/10

笑足全場 !絕對好岩新年同家人朋友一齊入場睇皇上皇后同埋一班新演員既演出!:D

7日前
Ih
1/10

竟然咁多喜劇演員,拍出一出一場唔好笑的鬧劇!我一家大細想開心一下,點知我細仔只覺得係無聊!我哋對每個演員過往,個別在另一個地方見到他們都覺得好開心,好好笑,唔知點解睇完依套戲出嚟覺得好唔開心!

5日前
RAY CHAN1
2/10

9唔搭8既一套戲,以為自己好好笑,其實一D都唔好笑

2日前
Kelvin Kwan01
1/10

打手就算吧啦!我未睇過一套賀歲片可以睇到瞓覺,呢套都算經典!成套戲唔知講乜,冇戲劇元素,冇任何笑位,浪費演員,成套戲爛到冇朋友,不知所謂,浪費時間入埸!

2日前
Ayla
9/10

套戲有多搞笑位都做得好到位,笑足全程,除咗搞笑以外仲有好多好有意義嘅暗喻,例如講關於香港保育,收地等貼地議題,值得香港人反思。演員同導演都係電影界新人,除咗結尾有啲奇怪,真係做得幾唔錯,值得一看!

6日前
WA丨SiNG TsE
1/10

可能有劇透內容,如果想查看請按此顯示。

攞部戲,不知所謂,睇到你舂眼頓,正式垃圾片

2日前
Heaiseverything
1/10

睇咗謝票場,突登login都要講
this is purely piece of shit
冇笑位算,慘在套野唔make sense到好突兀令人好尷尬
價值觀錯到離晒大譜仲要懶serious有message
大佬,自閉症啫個演員嗰妝使咪好似麻瘋病咁?
仲搞Stigmatise?
因為賣咗你塊地所以殺人就係追求緊公義?WTF?
想賣香港情懷,中間無啦啦播收音機置入式廣告咁講香港電影 ,完全唔L關事
白只無啦啦發癲大叫話咩唔會痾屎睇電影呢場戲真係格硬到驚人,哇原來咁就叫尊重電影啦?
其實導演你會唔會認知到你咁嘅爛劇本先係搞彎香港電影嘅源頭?
不如度好劇本,搞好剪接,唔使賣慘叫春咁叫人撐咁肉酸好冇?
謝票嗰陣出嚟多謝演員要配合你嘅新idea 其實你應該爭佢地一句sorry
作為睇香港戲大嘅影迷,真係好心痛咁嘅濕鳩劇本可以有資源拍得成。
要睇香港電影,大家可以揀窄路微塵/1人婚禮/給19歲的我
嘥咗假期嘅兩粒鐘,最後寄望片商同觀眾嘅品味可以提高。

昨天
Lin Patty
8/10

笑得勁開心

7日前
WCF
10/10

一開頭睇已經篤中笑穴,睇落去套戲加左有啲本土意識落去,有啲位值得我地反思,中間都有好多笑位,演員就算有啲係冇對白,但表情都到位,帶到觀眾入戲,有啲打鬥場面都好震撼,尤其軒公演技超班,動作表情好吸睛,期待之後出埋未cut既版本,因結局位收尾有啲倉猝,整體黎講值得一睇。

5日前
Jason Cheung
1/10

As one of the fans of Hins Cheung and Ivana, this movie is really bad admittedly. The plot does not make sense. The characters' development was awkward. This movie tried to include different elements all in one, but it simply made the editing and pace very uncomfortable...

1日前
Christy 8725
1/10

垃圾,九唔搭八,不合邏輯

4日前
Man hei Chan
8/10

同媽咪一齊睇,佢笑得好開心
除咗好笑,仲有唔少message 帶倒出黎
值得入場睇下

6日前
peter chu
1/10

呢套係我40年來睇過~最衰無可衰嘅一出戲~超級垃圾到震簡直不知所謂~新年留留上埋呢啲西戲呃人錢~小心收尾嗰幾年呀!

昨天
wk leung
2/10

買票前,停一停丶諗一諗丶免後悔

7日前
Jack Chan
5/10

睇完覺得有D無聊,但係呢套戲都有少少彩蛋
1.暗示野豬問題
2.珍寶海鮮隻船沉咗

昨天
Louis Lau
1/10

作為殿粉,呢套真係唔好睇,個劇本毫無邏輯

昨天
Theo Kim
9/10

好耐冇睇過Cult cult 地嘅戲 好笑嘅位都好多 好適合新年一家大細一齊入去睇
個人覺得每個角色設定都唔錯 係略嫌喺108分鐘裏面未必可以將所有嘢交代清楚
套戲有好多抽水位 好正
亦都有向好多以前嘅港產片佳作致敬
我會再睇多次 去發掘戲入邊更加多彩蛋

6日前
荔枝七
3/10

今日睇完
套戲好無聊
真係好多無厘頭劇情

1日前
pinga
8/10

唔知係咪就片長關係,有啲位跳黎跳去,但內容都好笑同有意思。希望快啲有加長版可以睇清所有故事嘅來龍去脈,唔好浪費演員一番演出。

1日前
Yanyanyeung
9/10

特別題材既賀歲片,加入左好多唔同既元素
有感動有開心亦都有令人反省既情節
本住睇喜劇既心情去觀賞,但會發現有意外既驚喜。
當中部分既對白同情節,亦帶出了少許令人思考既地方
讓人反思每個人都有自己想守護既野,但事實係我地係咪真係有做到?

5日前
Family LSY
2/10

入場前真心抱住期望
喜歡軒公,正,Jeffrey
心諗無死啦實笑爆好睇到爆
點知.....大失所望,完全唔知睇左咩
戲情唔知想點,好散
劇情太多為引人笑而拍
可惜無聊到極 ,完全笑唔出
家人睇完只講左兩個字「垃圾」
話點解甘多位好演員下
可以拍到甘爛甘差
完全唔知睇左啲咩
甘既戲情真心覺得香港人會收貨?
2分係比一班用心既演員
建議佢地以後要好好選劇本
仍然大力支持港產本
但希望認真寫好劇本
唔好再浪費觀眾時間
浪費一班演員既努力
港產片加油

昨天
Hehehaha
1/10

垃圾
唔知睇左啲咩
第一次睇戲睇到要中途離場
完全被打手誤導好好睇

昨天
Victor Hui
1/10

咩垃圾來㗎?睇見張敬軒條柒頭就唔撚開胃!

2日前
AngelL
9/10

角色性格分明 演員演技自然,劇中有唔少隱藏含意 同時有唔少笑位 作為賀歲片好適合 好值得一睇

5日前
吱吱 Gg
9/10

最初係抱住傳統賀歲喜劇嘅心態去睇呢套有顏值又有攪笑演員嘅電影,但睇完真心覺得好驚喜!…細心留意會睇得出導演有用心透過不同角度,去將呢套改編海外電影帶出一啲本土香港味… 笑中有話啖落係有味!… 唔劇透自己領會下.. 套戲嘅演員同導演雖然喺電影界比較新,但我覺得每位都真係演得好好!年青人嘅Project,一定要支持!套戲有好多元素,笑位又夠到位,想輕輕鬆鬆笑下,領會下呢套戲嘅意思,真係要睇下!

5日前
Ken Z
1/10

爛片,好一般

7日前
Queenie Yuen
9/10

一家人睇得好開心,返到屋企仲講返D笑位,笑之餘又有多角度題材及反思,好值得入場支持-套賀歲片。

6日前
henry404x
9/10

可能有劇透內容,如果想查看請按此顯示。

一開賭錢已經笑緊,去到有成佢哋投降、企鵝玩槍可以玩到咁,簡直無得彈!
Juno嘅客串真係好全神,豬紅畀人綁住嘅戲份交晒去平時以誇張為signature嘅豪Dee上真係完全正確!
不過喺阿權、阿珍同大秋身上嘅描述真係比較差…
加上劇情去到尾段真係好散同太跳!特別係黃姑中槍之後同有成嘅交流、同埋阿芝跟住有成佢哋離開阿爺笏都好,啲場景都剪輯得太過份
個人認為有機會就係張生喺訪問話因為檔期問題由150分鐘剪到得返109分鐘而做成。
不過整體嚟講,呢齣戲作為IIA合家歡賀歲笑片真係好適合,唔似得台灣版同韓國版咁恐怖。希望之後佢哋會再推出完整加長版啦!

4日前
マシュー
7/10

可能有劇透內容,如果想查看請按此顯示。

其實睇戲只係單純好唔好睇去斷定嘅話,咁我唔明點解港產片會喺當年紅得起?
利申我係睇咗呢套戲,而我嘅感想同大部分留言嘅人一樣,都覺得呢套戲唔係咁好睇,但係咪就代表唔值得睇?就算一套戲好睇但唔代表值得睇,反之有時幾難睇都可以好值得睇?你唔睇又點知值唔值睇?
請返套戲,其實好簡單幾句,如果你抱住唔使用腦嘅角度嘅話,呢套肯定唔啱你。讀過文學都知,文學一定係好難睇,可以一d趣味性都冇,但去理解作者想講咩先係最重要。其實套戲想講咩算係表達得清晰,只係有d位要睇多幾次先可以完全理解。
如果你好似唔用腦嘅人就好簡單,一句唔好睇就可以評價呢套嘢。但我諗你做人唔係咁膚淺啊嘛?

2日前
gemini85125
9/10

《超》真係一部非一般的賀歲喜劇, 劇中唔單止有好多搞笑位,亦同時利用輕鬆嘅手法去諷刺時弊及反映社會現實,讓觀眾可以係新年檔期開懷大笑之餘,劇中的對白亦提示我們反思過往的種種社會現象,流弊,真的做到笑中有話,本土文化意識強烈,例如香港以往野豬與人類的相處問題,洪嘉豪想入村時目睹村民所謂的“民主”所帶出的信息,以及貫穿整套《超》劇的核心價值--每個人心內都有自己一直堅持守護的東西,可見導演在舖排上是花過不少心思的。
此外,《超》劇亦用了很多新演員,年輕的幕後人員,讓我們看到香港電影業的希望,絕對係誠意之作。

4日前
Ngjoey810201
9/10

軒仔第一次擔任男主角,戲內飾演的有成哥表現不錯,如有更多內心戲,會更加完美,Ivana擔任的女主角也做得很好,其他演員亦都值得一讚,很有火花,笑中帶淚,戲內某些對白值得我們反思,總括來說,這套超神經械劫案下值得推介

5日前
不專業影評
9/10

好適合新年賀歲既電影! 本身都套戲冇咩戲望,諗住只係一套大堆頭有好多明星參演既製作,但睇完之後喜出望外! 雖然好多新既演員面孔,不過演得相當自然! 而劇情唔同平時一般喜劇動作戲(?),而係集好多題材於一身!套戲想帶出好多message,有d message同對白估唔到竟然可以係電影度出現,感動又唏噓! 套戲笑點十分之多,真係忍唔住笑!

6日前
小熊
1/10

真心垃L圾,拍嗰條友你知唔知你自己拍d乜撚野出嚟架

7日前
Kye Harrison
7/10

如果你單純係為左睇人搞笑既話,呢套野係合格既,好多笑點。
但如果你想睇劇情睇合理性,呢套野係有喲無厘頭,就唔多岩你。

8日前
SiuSiu
9/10

有笑位有感動位有思考既電影
賀歲片好明確一定係笑
睇到一句呢個世界係唔應該咁樣
就眼濕濕!
世界已經唔同曬
勿忘初心係好緊要。
(停止攻擊)呢句
令我諗返起3年前既香港
我唔知大家有咩感受
但我感受就好深....
人係咪更加要忠於自己,勿忘初心呢
好好捍衛自己想要嘅嘢!
入場睇包你睇到笑到kaka聲
仲要3個演唱會既祼跑真係好值得睇架!!!

4日前
Cherlas
8/10

一道豐富的新春盆菜

過年同一家大細入場睇賀歲片,今年唯一喜劇笑料百出嘅《超神經械劫案下》無疑係最適合嘅選擇。港產賀歲片戲如其名,何謂超神經?劇情跳脫,不按常理發展,夠瘋狂,夠好笑。套戲集合多種元素於一身,猶如一道新春盆菜,搞笑、懸疑、動作、顏值、溫情共冶一爐,任君選擇。

套戲CAST充滿新鮮感,由導演到演員大部分都係新人。張敬軒X王菀之呢個組合唔談情,唔唱歌,甚至連合唱主題曲都欠奉,仲可以做啲咩?原來係兩大對立陣營。

在一眾影壇新人中,王菀之可算是喜劇前輩,自帶喜感,搞笑功力無庸置疑。今次搞笑方面表現不過不失,不夠上次賀歲片《飯戲》出彩。此外,劇中還流露出感性一面,同小女孩嘅對手戲好感人。

喺樂壇上咗神台嘅軒公,走去做影壇新丁玩制服誘惑,挑戰自己唔擅長嘅打戲兼show(股)肌,真係估你唔到,又打得幾好睇。要拋開平日搞笑形象飾演old seafood成日黑口黑面去鬧人,稍有差池就會變得吃力不討好。張敬軒對角色拿捏得十分精準,既同王菀之打出火花,又同其他解款員打成一片,首次擔任賀歲片男主角表現令人滿意。

Jeffrey作為今年最矚目的全能新人,集萬千寵愛於一身,更包攬全劇大部分笑點,角色非常討好。Jeffrey嘅演出好fresh好熱血,不知道是不是本色演出,中二病演得好自然。

白只作為本劇另一位經驗豐富嘅演員發揮穩定,亦正亦邪,將一個善良嘅黑幫演得有血有肉,轉變得合情合理。

Juno同Do姐客串是全劇最大驚喜。Do姐更是串起全劇幾個關鍵時刻,令原本嘅轉折在自嘲的情況下變得比較合理同順暢。

全劇最大不足是這道盆菜拼湊得過於散亂,賀歲元素加得有點生硬,結局又太快。可能因為cut得太多而令劇情變得不夠連貫,期待早日欣賞到完整版。

超神經是非一般喜劇,搞笑之外帶出更深層次的意思。印象最深一幕是野豬的出現,探討人同野生動物如何共存,令人反思人與自然的關係。改編劇加入了不少本土元素,明明可以有好多選擇target不同地區觀眾,卻堅持留守本地市場。解款員要守衛對客人嘅承諾,而值得大家用心守護、拼死捍衛的除左香港電影,仲有本土文化,心目中的那個共同的家。

4日前
Jaejae
5/10

比較另類片種,不要抱著傳統攪笑賀歲片入場。
用一班新人擔正,各演員做得到位值得加許。對白帶出多個訊息,但導演似乎天太貪心,如有重點訊息會得到大眾共鳴。剪片太過鬆散,可能播映時晚有限,希望再出加場版交代劇情,不要浪費一班好演員演出。

6日前
Carkey
8/10

好多笑位 新年想入埸笑下既都係一個唔錯既選擇 雖然個結局完得有d奇怪 不過輕輕鬆鬆睇番套戲都幾好

6日前
Carbcarb
10/10

新年有靚仔睇又有得笑

6日前
S CH
8/10

呢8分係俾白只。
另外見到樓下d影評拉埋d咩顏色出黎講, 關乜事, 痴痴地。

2日前
CarCar
9/10

套戲集合多個元素,有笑料、懸疑、動作、溫情,各方面平衡同演繹得幾好,符合劇情發展唔突兀,很不容易。我覺得佢係唔框住某一類型戲種的破格作品,好特別。而且套戲中心思想係提醒大家守護珍貴的人和事,很有意思。

4日前
Yolanda Tse
9/10

有驚喜的賀歲片,欣賞導演用心,
導演拍出的作品都會帶出有意義訊息
演員用心,搞笑,新年開心笑下
但最尾完得太快,可加長尾段少少
值得大家新年入場睇下開心下
推薦

5日前
小三婆
10/10

#唔係普通賀歲劇咁簡單

入戲院前總有期待, 當睇完之後並沒有失望!我覺得好好睇, 第一次睇完嘅第一下感覺係… 呢套戲包含咗好多唔同嘅劇情, 有懸疑有驚慄, 有人性有感動, 有好笑有打鬥, 又有演員們大膽露點嘅演出, 而當中亦有唔同嘅情境見到/聽到會 #叮 左一下, 好多地方係 #有意思 㗎!當然唔同人有唔同嘅經歷而對呢套戲嘅感覺或感受會有不同到唔同!

#用心守護 #拼死捍衛
#守護著自己最珍貴嘅人和事和地方
#不能劇透太多 #大家入戲院睇呀

嶄新嘅演員導演及團隊…
令呢套戲更加耳目一新帶給大家嘅新鮮感!

4日前
Lalala C
9/10

新年同屋企人一齊睇賀歲電影,由入場笑到散場,作為賀歲片有啲無厘頭輕鬆笑下都唔錯嘅。演員陣容用左好多新面孔,整體表現唔錯,男女主角可以多返啲戲份。套戲內容好豐富,睇得出擺咗好多本土嘢落去,可能太多嘢想講,後面劇情有啲跳完得有啲突然,如果套戲長啲,交代清楚返會更好。

5日前
Hello1221
9/10

又笑又喊咁睇完,搞笑得嚟又令人反思嘅地方。演員陣容方面非常強勁,主演張敬軒同王菀之好好睇,演出好驚喜,尤其打鬥場面,掂!(張敬軒好靚仔呀)其他演員表現都好出色,人物角色鮮明。作為一套賀歲片,搞笑得來又帶點感情,推薦!

5日前
UC
9/10

好睇。唔係傳統賀歲喜劇,笑位冇想像咁多,但係笑位都算攞得準,比較輕鬆咁帶出套戲核心思想,算係有深度的賀歲電影,值得支持

5日前
Vivi_c
10/10

原來唔單止係一套笑片,仲有感動,有反思既一套電影!睇果時未必會領會到含意,睇完之後先慢慢領會到。真心推薦不同年齡既人入場睇!

4日前
Chin Cheuk
8/10

不錯

4日前
MissNg
9/10

本身以為睇笑片,確實係有好多笑位,但係我最深刻的,係套戲的message,有幾個位感動到流眼淚。佢未必係最富娛樂性的賀歲戲,但係有最觸動我心的故事。

4日前
Joy168
9/10

很多message,很有共鳴

4日前
Mucha Juli
8/10

可能我中意睇cult片,所以呢套cult cult哋幾啱我口味,笑位都幾好笑,白只好出色

3日前