殺神John Wick 4

唔知點解甄子丹做奸角、如果同奇落李維斯同盟.就好睇過轟天猛將
因為一個就打不死、射佢又唔死
一個用葉問功夫打低對手

動作超正冇得輸,完全冇悶場,用精彩來形容, 期待第五集上演!

這部電影非常好睇.喺我今年最好睇的動作片和整套john wick系列之中最佳的作品之一.故事寫得非常出色.演技非常出色.導演拍得相當出色.動作場面非常漂亮和好有創意.攝影非常漂亮.音效非常震撼.劇本寫得好.有笑位和感動位.169分鐘完全無悶場.香港人必須支持這部電影.我建議睇IMAX版看這部電影.如果出碟的話.我會買這部電影值得珍藏.多謝導演,演員和製作團隊來拍了一個非常好有心血和好有誠意的動作電影.最後,Rest In Peace Lance Reddick和整套john wick系列喺最佳動作片系列之一.

好睇！！四集都系咁好睇

可能有劇透內容，如果想查看請按此顯示。

超級好睇，值得一看，我俾五粒星，仲有演員甄子丹，打鬥，好睇，值得看再看

全無冷場, 劇情預左冇特別期望,主要睇動作場面,每場都精心設計特別, 一定要睇!

我都看第1至4集，我覺得十分好看

其實片中全部都係殺手、黑道....各有宿命，打鬥+用槍出色

一般啦，唔入戲院睇都唔會覺可惜。佢地打到我訓著........

超級垃圾片，唔好睇，評零分。 畀我評為零分嘅片必定係超級垃圾呃觀眾錢嘅片，非常後悔買咗呢齣戲睇，可能我太大意沒，冇睇劇情就買飛入場，以後要吸取教訓，因為睇戲要120蚊，買咗垃圾片等同虐待自己！

之所以會選擇睇係因為n年前睇咗“殺神3”，嗰次畀我嘅感覺係“還可以睇得過的戲”，但今集只能畀零分，係零分喎，聽清楚。

以前有一個心理測驗，就係問一條簡單數學算式：2+3等於幾？，被安排測驗既人最終回答咗“6”，因為測驗機構故意按排20個人排在當事人前面，由於前面20個人都話答案係 6，因此受到「錯誤判斷」

明知道係垃圾片，就要直說，我唔會理會你邊個做主角，拍呢齣戲花咗幾多心機，用咗咩電腦特效，係零分就係零分

成齣戲非常冗長無趣味，完全冇劇情，唔知做乜嘢打交，為乜嘢打交，發癲定食錯藥？ 動物打交係為爭與雌性交配，打交唔駛交代原因？ 無拉拉行行下街又被人攔住嚟打，為乜嘢打先？係食飽咗狗屎手痕，所以不打不打可？ 你估觀眾好鐘意睇打交片咩？編劇同導演都傻傻哋，呃咗我一次，呃唔到我第2次，以後唔會再睇呢類垃圾無趣味的戲

長達近3個小時，你估鐵達尼號咩，睇咗頭半小時就不知不覺陷入睡眠，之後又醒下又瞓下，搞到我咁狀態，係咩級數的垃圾片才能令人“被催眠 ”？

如果一個人會受到其他人影響而作出「錯誤判斷」，將來一定會中騙子嘅圈套！

我冇睇殺神1、殺神2，可能我第一次睇殺神3，覺得有種“新鮮”感，所以嗰次覺得“還可以睇得過” ，但續集就冇晒趣味，食肥豬肉第一餐ok， 第二餐，第三，第四餐...又係肥豬肉，即刻反胃作嘔

之所以唔去睇 阿凡達都係咁既原因，十幾年前都睇到瞓著咗，唔知佢up，睇戲係為咗享受，如果悶到死，即係畀錢買難受

再提一提你，三個鐘有排捱 ！如果唔啱心水可以提早離場，唔好格硬坐喺度，會影響心情同身體健康的

一套好嘅動作電影係有戲劇性。唔係一個人打一百個就叫好睇。警察故事之所以好睇係因為成龍都會爆哂血，唔係一個人玩哂。而呢條友打都打唔死，射又射唔死，血都唔多滴，最重要係完全唔知佢想點？根本人哋踢一踢佢先郁一郁。動作只係輔助啫，學董瑋先生所講：先唔好講點樣打，要諗係為咩而打。

總結係：取景正，攝影靘，動作煩，劇情拖。

讓你產生暴力疲勞之作，睇睇下想問：打完未？
一組精心設計的動作出一次係精彩，出兩次係可以，出三次係悶，出N次係煩。

冇劇情，冇動作，冇音樂。垃圾到講粗口。