七月返歸

導演講故仔既技巧好絕！無諗過係一齣會逼你諗野既鬼片
好用心製作的本土電影，屋村⋯戲棚⋯紙紥⋯
佈景同音效應記一功，第一次執導的作品真心唔錯
CASTING特別係小演員同太保、白靈都好中
AK比電視劇演出更有驚喜

成套戲比想像中無咁驚，只不過白靈姐姐嘅氣場同對白都好入腦⋯⋯

無諗過睇鬼片會睇到眼濕濕，踏出戲院時心情仍會好沉重。

電影雖以鬼片包裝，但並不是一味靠嚇或Jump Scare作賣點。它每幕細節都有思考及討論空間，看完會發現訊息量很大。另外電影劇情緊湊，幕後團隊(包括美術, 剪接, 音效)將節奏處理得好好，應記一功！

再者想一讚演員配搭充滿驚喜同火花! 白靈姐姐與太保一貫出色演技及譚育英姐姐現實與戲內角色既反差令人毛管戙；兩名小演員演出真摯，至於男主角AK演技有驚喜，比之前參演過的電影/電視角色進步了很多，當然仍有進步空間，但從電影表現看得出他有下苦功及他的潛力。

總括而言，七月返歸是充滿驚喜的一套驚慄片，一套絕對值得入場支持既香港電影，亦是一套令人想再入場觀看既電影。同時期待導演下一部執導的電影。

第一次睇鬼片係可以令你不斷反思戲入面既內容，作為香港人，一定有好深刻既感受。白靈既演出一定有相當水準，反而AK第一次主演，的確令人有驚喜，可以再繼續嘗試其他戲劇，期待AK下一套電影。另外，其他小朋友做既角色，都有高水準表現，整體來講，七月返歸係近年比較吸引既電影，內容構圖對白以致配樂，都會令你睇完有深刻印象，值得入場睇。

冇諗過睇鬼片會令人有心痛同心噏嘅感覺…全片意思非常清晰，演員非常稱職，燈光、音響都做應有嘅效果，略嫌中段劇情推進有點慢，但以新導演表現嚟講絕對收貨

冇劇透影評：

8月28日率先係夏日電影節欣賞到電影，好少入戲院睇鬼片，但睇完《七月返歸》我會將佢形容為驚慄片，睇完成套戲得出一個結論：人比鬼更可怕。
電影內容同故事背後想表達嘅意思大家自己入場領悟一下，不得不讚團隊係選角方面有落過一番心機，無論主角同配角都好有發揮，每個角色嘅作用都恰到好處。
好耐冇睇過一套真正嘅‘香港電影’，請大家多多入場支持本土電影。

估唔到係一套咁多思考位嘅片，成套戲唔係齋嚇，message 好震憾。香港人一定明。珍惜仲有得睇呢個片種嘅機會。

好欣賞套戲的主旨，相信喺香港土生土長的香港人，經過呢二十幾年的轉變，應該有好深刻的感受。雖然套戲係驚慄片，但我覺得更加似劇情片，戲中其實無一個好明確的嚇人鬼樣，係氛圍及音效令人覺得不寒而慄。劇中主角白靈姐演技不容置疑，而男主角AK的表現都不錯，雖然文戲略有生硬，但至少可以帶到觀眾入戲，尤其驚嚇的情節，新人來說算不錯，譚玉瑛及太保哥雖然戲不多，但好重要，兩人充分表達笑裡藏刀的陰險處，兩位童星表現係全劇的靈魂，因為呢兩個童星的精彩演繹，先會令觀眾產生痛心的感覺。全套劇的隱喻其實都呼之欲出，睇完的確有一種無力感、哀傷感，但每人都有選擇權，正如最後AK都作出了一個正確的人性選擇。

一套帶有反思內容既鬼片，易地而處，做唔做到主角既最後決定，自問可能都好難做到。本片美術燈光應記一功，幫套戲生色不少，MM2三部曲最後一部，絕對值得大大力支持，香港本土特式滿載既鬼片！！

明就明，唔明嘅就永遠都唔明

一向都有興趣睇鬼片，但咁高質嘅而有深度嘅真係十分之少有，不單止角色特出，無論大人小朋友都令人有深刻印象，細節位令人細味，要領會當中嘅意義，不是三言兩語可以解釋，藉此值得反思更多，究竟何謂美麗新世界，設身處地又會怎樣選擇呢？新進導演班底，本土製作，大膽創新，電影背後美術創作亦非常吸引，這部非一般的鬼片，大癲之作，值得一看再看！

七月返歸係非一般嘅鬼片，當中雖然都有係驚嚇情節，但套戲嘅畫面到配樂反而成就更深刻嘅驚恐同心寒感覺。 啲個都算係打破我一般對港產鬼片嘅感受。 當中情節值得好好思考。

好鐘意編導將好多熟悉嘅畫面，都市傳說巧妙且自然咁貫穿成個故事去製造不同層次的驚嚇感。

演員們嘅表現易記一功，由資深演員白靈，太保，譚玉瑛 配上 AK 同 2位小演員做為主軸，當中嘅火花都好有驚喜。 可以令觀眾好容易投入角色。

七月返歸真心值得一再入場之前。
睇得成個團隊好用心，期待mm2下個故事。

係一套要一邊睇一邊要用腦思考及分析嘅鬼片，平時好怕睇恐怖片都冇時間去驚，大部分時間都用左去諗電影內容嘅含意。
欣賞製作團隊用心製作、電影中嘅細節位都非常用心去舖排。睇第一次可能未必能夠完全明白個劇情走向，睇多幾次就明白同埋可以睇下導演喺謝票場解說。總括一句，「七月返歸」係一套非常地道 完完全全屬於香港人嘅懸疑驚慄電影，請大家多多支持，值得推介多啲朋友去睇！

呢套戲表面係一套鬼片，但其實佢有雙重意思，背後係帶有反思，好鍾意個劇本，演員嘅演技都有驚喜，好值得看的香港本土電影

誠意十足和本土味濃，喻意深遠的驚慄片。
不得不讚AK演出亮眼有驚喜，雖然在拍恐怖片但依然會覺得AK很靚仔，但那種帥氣也不會令人出戲，能夠拿捏到由壓抑至崩潰的神髓。令人進入緊張氛圍。而小演員宇仔和小向榮都演技出色又不失純真。

成套戲好有本土特色 屬於近年出色嘅恐怖片
場景好靚 屋村還原度好高 劇情緊湊 配樂同劇情配合得好好
每個演員都做得好好 演技成熟唔浮誇
值得入戲院支持嘅一套戲

純個人感覺，戲係好睇嘅。建議大家到網上討論區去了解多啲套戲，別為讚而讚，為彈而彈。

是非一般驚慄港產片！演員演得好，畫面配搭音響效果非常好，感受到驚嚇！但當中亦有心痛和感人嘅情節！男主角自小有陰陽眼，受到朋輩排擠！媽媽用不同方法想令佢變回正常人！最後不成功！唯有選擇「看到扮看不到，聽到扮聽唔到」其實背後有什麼含意呢！每個觀眾都有不同嘅想法！一套有深度，貼地，動人故事，真的值得入場觀看，支持香港電影！
@akisno1

係一部難得的電影，反映了香港很多日常，雖然是恐怖片，但實則你唔會見到傳統那些眼角滴血，或者過度化妝的技巧，最令人恐懼的反而是片中的氛圍。
演員們的努力是可以肯定的，資深前輩不在話下，就連AK的表現，亦令人刮目相看，放下偶包，就係一個被陰陽眼折磨得死去活來的獨身男。
要留意的是導演的劇情鋪排，和最後的結局，AK無奈地接受現實，迎接Day1，而導演則把Day1留白，讓大家自己去抉擇。

未入場前以為會好驚，睇完覺得係可接受程度的驚嚇，值得入場睇的一套港產電影，人比鬼更可怕。
將民間傳說放入電影，場境佈置、音效都做得好好。故事角色之間聯繫好細緻，要好用心地睇，特別欣賞兩位小演員，向榮(童年)、宇仔。

一向鍾意恐怖片，七月返歸嚇到我場景有feel，故事更有信息，雖然睇個時唔太明，思考過後就明哂！

屋邨、花牌、紙紮用品、道家師傅、香港都市傳說等…樣樣都係香港地道獨有嘅文化，作為香港人，一定要支持及向外推廣，一齊說好美麗新香港

成套戲最吸引我係美術燈光，最估唔到係成套戲嘅公屋場景都係由美指搭建出嚟，無失真，如果唔留意片商宣傳，可能真係會以為係實景拍攝。再加上最後夜宴場景嘅佈置，如果係鍾情傳統香港文化嘅人一定要入場睇下。

驚嚇位係有，但可以靠聲效去俾自己做準備。另外想讚讚飾演小向榮嘅小演員sean，見到佢粒眼水大粒大粒咁滴落嚟，好心痛，好帶到觀眾代入到角色情緒感受。

劇本上，我覺得導演係有少少貪心，入面好多訊息想講，但會令人覺得好多疑問。不過有一啲嘢就係「明嘅就會明，唔明嘅永遠都唔會明」。

好看又新穎的題材，有點像玩劇本殺和鬼屋密室逃脫的電影。前半部分是精華濃縮的香港鬼屋邨的體驗，最後結尾點題，頓時知道原來是隱含社會意義。
很開心港產片有這個方向的發展，幾有趣。
故事方面比較喜歡白靈條線，將一個崩潰神經質的母親一個做得淋漓盡致，好入戲，又很可憐。同AK的母子情令人好感動。最後夜宴一幕致敬美麗新世界，好出色。
只係呢套戲睇一次可能唔係個個觀眾睇得明，太多細節要好留心先會見到（有d 似玩第一人身恐怖game 的體驗）
故事中間交代唔夠清晰，觀眾跟唔上就會睇唔明。

為咗"MM2新晉導演三步曲"而去睇，我覺得結局嘅“隱喻”都幾明顯下，導演你都幾大膽。愛民邨背景，幾十年前嘅鬼故，香港人睇完應該好共鳴，亦好唏噓。小朋友被逼去做法事喊到好慘，白靈個氣場真係無得輸，香港都無其他佢年紀嘅女演員做到佢嗰陣黐線味。AK都難得幾好喎，無偶包，情緒好自然，尤其係7樓嗰段，同埋見到有人墜樓嗰幕佢個樣真係好神經衰弱。搵偶像做主角真係有辣有唔辣，宣傳氣勢係好勁，但又有好多反Mirror嘅人為反而反，影評好兩極。 "七月返歸"點都無理由低分過“詭修女"啦。

這部電影不是一般鬼片，是帶有訊息的一部電影，如果懷著看恐怖驚慄鬼片心態去比較恐唔恐怖驚唔驚嚇，咁可能有部份人會失望。整部戲內每個演員無論主角或配角所有角色對白都是要略加思考，才能領悟到想表達出之意思。新晉導演第一部電影有這個水準已好好，好有深意，當然仍有進步空間。男主角演技好入戲，女主角演技無可挑剔。

七月返歸係一套極具本土特色的恐怖片
而且有很多信息及喻言想帶給觀眾去反思
七月返歸的畫面及配樂都配合得剛剛好
令觀眾一路建立緊張感 不會為嚇而嚇
每位演員的表演都十分出色
白靈 太保及譚育英姐姐精彩的演出令人心寒的感覺
AK的演出好有驚喜 恐懼情緒表現自然成熟
兩位小演員的眼淚亦令大家心痛
結果頗有驚喜 留給觀眾反思空間

可能有劇透內容，如果想查看請按此顯示。

部戲用主角向榮視角講出各種形態嘅鬼怪，自己兒時陰影，以及媽媽蘭姨嘅打罵，去帶出自己嘅心魔。直到後期被壓迫至情緒崩潰，悲劇發生才敢企出來反抗。現實中各人都有自己嘅問題同恐懼，平時可能收埋咗，呢套戲鼓勵大家直接面對再反思，然後解決自己嘅心魔。香港人呢幾年面對嘅痛苦及困難已經夠多，希望多啲人睇到呢部戲並因而得到療癒。

可能有劇透內容，如果想查看請按此顯示。

好睇嘅鬼片！要嚇嘅位營造得好，燈光、音效都好配合到。
好欣賞幕後造佈景嘅美術團隊。公屋單位景、恐怖長走廊都好真。最後聚餐嗰個場景又係出色。
一眾小演員嘅投入令成套戲嘅恐怖氣氛增加，欣賞小演員嘅努力。
感受到電影想帶出嘅訊息好多，睇一次未必消化得晒，準備二刷！

好耐無見過一套結構完整又不落俗套既港產鬼片！
故事以母子情做主軸，側寫小社區怪人怪事
公屋，大戲棚，電梯，有港式味道，令觀眾驚恐之中帶點共鳴。美指及音效做得好好，細緻之餘亦加強左驚悚感
選角出色，白靈姐姐不作他選；AK沒有偶像及自身影子，演出不同層次的恐懼，太保哥一笑令人心寒....
導演唔似第一次執導長片，期待佢下一個作品!

一直很欣賞MM2既作品, 而今次<<七月返歸>>有別於之前既電影, 係一套充滿信息既港產得片, 好多時睇鬼片都係透過音樂, 畫面去令觀眾感受到恐怖既氛圍!而 <<七月返歸>>不單單只係單靠配樂同畫面令人感到毛骨悚然,電影既背後亦包含左不同既意思, 令人感到人其實仲恐怖過鬼,亦係一部睇完會反思既一套電影!
演員方面由AK擔正, 由頭帶到尾, 初初知道由AK主演會唔會係一套偶像電影, 但AK係<<七月返歸>>既表現係見唔到AK平時既影子, 只睇到佢係故事入面既主角-向榮!
另外譚育英姐姐今次化身鐘婆婆, 估唔到又係有別於以往既形象!

誠如導演所講，七月返歸係一部曉以教育意義嘅香港驚慄電影。

全片充滿香港特色，由借鏡嘅民生環境、展現嘅文化、到老、中、青嘅演員組合等等，在在顯示這部電影嘅獨特性及可觀性！

支持香港電影
支持香港創意工業
期待好戲有好報
誠意推介 #紐約亞洲電影節競賽電影 #七月返歸

鬼神以外，亦有心神領會的地方
新晉導演誠意之作，演員、故事、攝影、配樂都絕對交出水準，氣氛營造一流。
向榮與媽媽蘭姨，本應互相依靠，奈何相生相剋，無心的互相傷害，悲慘的母子情令人動容。
最後夜宴鍾婆婆嘅Speech，聽得令人氣憤、心寒、無奈⋯⋯
還有乖得令人心痛的宇仔、笑得令人心寒的鍾伯⋯⋯
美麗新世界，到底已經是人鬼不分⋯⋯

呢套電影嘅美術同埋燈光 加上以香港公屋作背景 令觀眾更加投入欣賞 眾演員表演岀色 值得支持嘅一套電影

已經很久沒看香港鬼片，《七月返歸》預告吸引了我，故事圍繞屋邨的驚懸疑驚慄片，尤其在邨屋長大更有更深恐懼，一眾演員表現很有感染力，白靈和太保演技無容置疑，譚玉英更一洗舊有形象，AK以新演員來說已經交足功課有多，兩位小演員都相當出色，各人環環相扣，缺一不可，故事情節非常緊湊，聲效讓人更投入。故事好有深度，是人是鬼很難區分，令人有好多反思位，結局使人有很重無力感，令人心痛，你/理 想美麗新世界會係點？！

需要思考的驚慄片，戲中很多小細節，串連一起變成大故事。感謝導演將「香港的舊人，舊事，舊物」貫穿在整套電影內，令觀眾看完會回想昔日我們身處的這個地方與今日的不同。有時有些事物，裝作看不見，是否真的是我們所想，能通往心中那個美麗新世界？

劇情及節奏推進好好，（嚇死人）嘅配樂亦應記一功！畫面嘅震撼性有、情節嘅震撼性亦有！結局令我起雞皮！真心Respect 導演同主創團隊！

演員陣容更是難得！
白靈姐姐嘅精湛演技、令我心寒又心痛嘅嘅畫面，期待你問鼎影后！原來AK憑實力cast 中，表現亦非常有驚喜！佢演活咗向榮，唔再係大家眼中嘅AK! 太保哥嘅入型入格、譚玉瑛姐姐亦帶出「定海神針」嘅效果！另外值得留意嘅係其中一位靚女女角！極度好睇！兩位小朋友表現亦非常出色、另眼相看。

說到底，香港人真係要多多入場支持香港電影！希望呢部電影會令你見識美麗新世界！

剛剛睇完，覺得呢部鬼片算不錯，比80分，雖然吾算太驚赫，但套片到中段，帶出了主題。另外男主角表演不錯，情緒起伏完全帶出來。最後部分才知道自己才進入死後世界與其他人團聚。。。比另外一部鬼片釀魂好睇多了。

唔想以後睇合拍片，支持下優秀嘅港產靈異片…
要講呢套片比美荷里活驚嚇大片，當然係談唔上5星質素。
但由故事質素到製作（配樂拍攝美術等）、再到演員演出之水準，全部都在水平之上。
而且故事更嘗試帶出一d大家現在已難以言狀嘅意思，光係呢份用心，已經想比9分佢。
係感情分，係鼓勵分，係偏愛。
唔想以後淨係睇合拍片，支持下有心嘅港產作品。

導演選角一流
白靈—無論外貌、造型都有令人不寒而慄嘅感覺
AK—估唔到平時靚靚仔仔，戲入面個頹樣可以去到咁，驚嘅表情及反應做得唔錯，至少唔會令觀眾出戲
兩位小演員表現亦不俗
譚玉瑛嘅表情、動作同語氣，又係有種令人心寒嘅感覺

有金像獎影帝太保，笑聲已經令人覺得有寒意；有最佳女配角白靈，做到時而慈母、時而痛恨兒子之兩極；有幾代人都熟悉嘅譚玉瑛姐姐，好適合做外表和藹、又內藏陰暗嘅鍾婆婆；有兩個又可愛又演得嘅小演員Sean(童年向榮)同埋Wesley(宇仔)；仲有同過往戲路唔一樣嘅AK，沉鬱壓抑，耳目一新

劇本，一戲之本。呢套戲有恰如其分嘅好演員，更重要有細膩嘅劇本；新導演謝家祺兼為編劇，前後用咗5年寫呢個劇本，捉緊主旨，將佢5年所成嘅心血化做影像，加上成功突顯氣氛嘅配樂同埋舊屋邨場景，成功令人睇完有共鳴亦有思考嘅廣闊空間

可能有劇透內容，如果想查看請按此顯示。

蘭姨同向榮之間嘅母子情，用錯方法表達對向榮嘅愛，令向榮因此誤解母親。透過俾鬼壓一幕，俾向榮睇返蘭姨背後嘅付出，到醫院母子相擁嘅一剎，毋須千言萬語 盡在不言中！

看過白靈的一些電影，與今次比較，不難發覺佢演出歇斯底里嘅角色愈來愈得心應手，自己覺得佢啲驚嚇位最好睇。儘管戲中蘭姨時而打罵時而溫柔，就算角色真係傻嘅，都係一位愛惜兒子嘅媽媽，可以不惜一切。希望這部片可以為佢再帶來另一個獎項。

一套令人反思嘅電影, 故事以香港的獨有事物作背景, 男主角自少有陰陽眼, 可以見到一般人見唔到嘅嘢, 兩母子亦因為呢種 "天賦" 令大家嘅命運出現巨大改變; 對上一次有同曲異工之妙嘅電影是台灣的 "返校" (你是忘記了，還是害怕想起來？), 而 "七月返歸" 帶俾觀眾要思考嘅問題, 就係 "你願意用你最寶貴嘅嘢, 去換取一直夢寐以求嘅願望嗎"?

七月返歸並不是娛樂性豐富的電影, 是要用腦去思考及分析當中細節, 絕對值得入場支持 !

本人很喜歡看鬼片, 香港好耐無一套咁本土既鬼戲, 好有驚喜, 故事內容含有好多令人再三思想既背面意思, 會令你想睇多一次去了解更多

支持香港電影工業，入場支持新導演首部作品

劇本出色、寓意深遠、有本土特色的港產片，絕對值得入場支持！
這套電影並非一般的「鬼片」，看畢後故事想帶出的寓意放在日常生活中更令人心寒。而且製作團隊很用心地加入了不少有本地元素，是會令香港人勾起某些兒時回憶。選角方面，白靈、太保、譚玉瑛演技當然出色，兩位小演員均有驚喜的表現。AK第一次擔正完全沒有偶像包袱，雖然仍有沙石，但中後段演技爆發，帶動故事進入高潮，表現絕對是合格以上。看完之後再聽導演解讀更加佩服團隊在細節上的用心，是值得入場支持的港產片。希望這套電影叫好也叫座！

作為恐怖電影迷嘅我，一連多套鬼片，睇得最有FEEL 係呢套，可能我係屋邨長大，屋邨環境/鄰里之間有份獨特的情懷及感情，但電影卻將兩者呈現出冷漠及無情，反差之大更令人覺得心寒，住過屋邨嘅人，不妨入場睇睇。

入場前無諗過會係一套咁有意思嘅電影
人物選角除了有金奬影帝太保先生
仲有代表恐怖片嘅國際影星白靈
最估唔到係有和藹可親嘅譚玉瑛姐姐
各場景及情節均富有濃烈香港情懷
越看越會心跳加速
結尾嘅深思位令人有種想站起來拍手嘅衝動

他是一套鬼片，又不是一套鬼片咁簡單。以視覺聽覺嚇你的情節有，但如果你同我一樣，有其他感覺，你會覺得更恐怖更心寒。主要角色演出得稱職，AK比起上一套好好多，小朋友的演出更令我眼前一亮。

劇情緊湊，
極度細心的伏線鋪排..
有心理準備，
第一次睇完有機會未搞清楚內裡的來龍去脈.
但理解後會覺得幾「神」！

令人反思嘅一套戲，唔會嚇完就忘記，反而一幕幕片段係腦海中反覆思量，面對自己嘅問題及深層次恐懼應該點處理。戲中故事，導與演，美術和音樂各方面都一絲不茍，係屬於香港人嘅本土驚慄片。

我啱啱睇咗《七月返歸》，真係好刺激啊！好多驚喜同恐怖嘅場面，令人坐立唔安。演員表現都好出色，特別係佢哋面對鬼魂時嘅驚恐表情，真係令人毛骨悚然。個故仔好緊湊，一刻都唔會讓你鬆懈。片長102分鐘，真係好刺激。我覺得呢部《七月返歸》係部好正嘅鬼片，如果你鍾意驚慄嘅電影，一定要留意呢部！

我以為佢只係一套圍繞香港鬼故事嘅驚悚恐怖片，點知原來唔係咁簡單，一套令人有好多反思嘅戲，真係好利害可以咁樣包裝。呢套戲真係大癲之作，不看不可！#美麗新世界

其實近年冇乜港產鬼片，呢套都算ok 。 雖未致出色，但絕對值得支持。演員表現到位，特別喜歡宇仔，演戲之餘保留一點童真 cute cute 的。

七月返歸是一套充滿誠意及香港特式的港產鬼電影，但電影絕對不限於只是驚嚇及恐怖，故事及人物角式很貼地，帶出的情節也令人反思，是一套看後有討論空間的電影。導演、場景、燈光、音效、演員均非常出色，令觀眾驚喜且值得一看再看。

新晉導演計劃三部曲的最後一部曲，真的沒有令人失望！劇本真的值得一讚，很細緻，看得出導演的心思。美指也相當利害！連白靈姐姐也不知道原來屋邨景是搭出來的！ 配樂也應記一功，令整套戲的驚慄程度提升了。AK 作為新演員也交足功課，沒有流於表面驚嚇表情，第一次擔正來說已經不錯了！ 白靈姐姐，太保同譚玉瑛姐姐就更加不用多說。值得支持的一套本土電影！

可能有劇透內容，如果想查看請按此顯示。

需要各自細味嘅港產片 以倒敘法寫出故事 江爗生完全放下偶像包袱 白靈一貫十分搶眼 小朋友sean & wesley 果然係’前輩’ 特別是wesley最後果一幕 令人心痛 值得去睇 去細味

好一段時間沒看過港式恐怖片，入場前已經有一定的期待！作為新晉導演，呢個時勢仲拍同寫出呢個故事，有膽色！一眾演員交到貨，美術仔細、配樂出色。但略嫌有少許大貪訊息太多，睇戲要非常留神，總括係一套你比左戲飛錢，睇完會覺得有思考嘅電影，值得一看

可能有劇透內容，如果想查看請按此顯示。

影片一開始以倒數最後儀式作開端，引起了觀眾的好奇心，未看之前以為也是間中出現一些驚嚇片段，一些官能上面的刺激，但是整套電影充滿人魚，看不以後感到的是心寒的感覺，不禁令人對某些事情有連結，亦看到人性的自私。當中主角與母親在醫院的一段戲，更是深深感受到久別重逢的那份母子情。

起初都係真係麻麻地去睇鬼片，好奇心驅使我試吓睇，咁唔好睇咪下次唔睇，俾個機會自己同套戲都好啊！睇完想讚下每個細節位，真係睇小一眼都錯過咗每個鋪排，未試過睇戲可以不斷地去思考，除咗一啲驚嚇位，我係思考仲多過驚嘅，每個角色嘅演繹帶到我入戲，好容易會代入到向榮/向榮媽媽嘅角色裡面，未睇嘅不妨試吓睇。

驚嚇位處理得唔錯，配樂、美指出色，演員嘅演出有驚喜，佩服導演用呢個方式說故事

舊式屋～口耳相傳鬼故事～一套不算太驚嚇嘅電影
但有好多共鳴位，值得一睇嘅香港電影

很難想像一套驚駭片能帶出很多不同的訊息，留下很多令人反思的空間，實在出色！能看得出導演監製的用心製作，AK的確有驚喜，絕對需要再看一次，留意每一幕的細節，應該可以發現更多，會多多支持本土製作！

完全唔睇鬼片既我因為朋友力推之下睇咗第一次，唔係想像中為嚇你而嚇你既鬼片，而係一個有喻意的電影，係推薦香港人睇既電影。

唔知點解睇完會覺得唏噓，係一部值得入場睇嘅電影。

七月返歸是近年散場後會令我不停思考的港產片。
電影以鬼怪驚慄片做主軸，所有一套正常鬼片之元素（構圖、音樂、燈光等）都不缺，看畢令人印象很深刻。
但這套電影吸引之處，是在這靈異主軸之上，包含了很多訊息。相信要翻看多一次，才可把走漏眼的都補回。

演員，配樂以及多個場口嘅運鏡及拍攝手法，均有驚喜。
說此片為近年港產驚慄片優秀之作，實不為過。

喜歡驚慄片朋友除了外國故事，也希望看看屬於本土的製作，可以入場支持此片。
本是7分，額外1給予本土努力的支持。

因預告片而吸引進場，果然音效好能帶觀眾進入氣氛，剪接及節奏步步推進，令人好想了解真相。實際上似懸疑片多過驚悚片，片中的暗喻好多，明嘅就明。演員們老幼都交到戲，AK由頭帶到尾亦戥佢緊張。導演不似新手，好多場口都好巧妙，特別喜歡結尾留白，每個人都可以按自己背景及意願去解讀。

香港人睇到結局應該好想喊。扣佢一分，有半分因為嗰個“隱喻”在結局reveal得有啲突然，係咪可講多啲太保譚玉英兩公婆背景？另一半分係，主角其實可以去酒店住，點解要留係呢個“鬼”地方？不過overall係好好嘅故事，演員都好投入，真係覺得AK成套戲情緒都好驚，搞到我都好驚，見到白靈仲驚。

近年少有嘅香港鬼片，值得入場支持

可以一看嘅電影，以有限資源拍到呢個效果，我绝對收貨。套戲有好多細節，觀眾要细味。我特別喜歡小演員表現，宇仔真係好有童真。

以恐怖懸疑作主軸，把香港傳統禁忌都市傳說融合現時香港社會的境況 , 加上幕後團隊(包括美術, 剪接, 音效)將節奏環環扣連 。如對香港傳統文化有興趣,可以在一些場口找到 (香港舊屋邨, 盂蘭盛會) 。美術組更特意將一個工廠大廈佈置成舊屋邨屋村的模樣，極有真實感。

此外,本作的男主角為MIRROR - Anson Kong ，台灣金像獎影帝太保 , 國際女星白靈 , 以及香港一班本土專業演員 如譚玉瑛姐姐 ,而小演員宇仔和小向榮演出更有驚喜。演員班底十分豐富 , 成就了一套本土意義電影。

曾幾何時小的好喜歡看恐怖題材的電影，甚麼《驅魔人》、《Annabelle》集集追，還有驚典的日本恐怖神作《貞子》，與及小的推崇備至的鬼才Stephen King……只因家人不好此道，漸漸地小的便與恐怖片愈走愈遠……

港產的恐怖電影要遙追《陰陽路》，《餃子》已算是較近期的作品，可惜這個所謂的「近期」，一轉眼原來已有廿年光景。終於廿年之後的今天，港產片再有恐新猶，而且是由新晉導演獲香港電影發展局資助下的原創作品。

《七月返歸》講述一位自小有陰陽眼的男主角向榮因母親自殺不遂而急需從加拿大返港。回到從前成長的居所，一棟似被咀咒了的大廈，在老舊詭異的環境與童年陰影的壓迫下，男主角面臨崩潰，最終他會作出怎樣的決擇？

導演揉合了許多中西作品裡的驚慄元素，陰沉的畫面、攝人的音效，似有還無的驚嚇橋段，其中導演還很有心思地添加了坊間耳熟能詳流傳日久的香港驚典鬼故事，算是集體回憶，也可說是向靈異史致敬。巫術邪教似乎多是西洋的題材，這回導演特意著墨，以中式的材料調製出別出心裁的祭典構思。

江熚生作為新晉演員首次擔上大旗，雖說不上驚為天人，但亦有板有眼。演技方面比老藝人譚玉瑛尤有過之。譚玉瑛在無綫打滾多年卻只獃於兒童節目裡，由姐姐變婆婆，離開兒童節目都只擔任主持工作，作為演員直是乏善可陳，那份誇張虛浮，完全能把觀眾推回現實，甚或以為自己在看甚麼卡通兒童玩兒。至於白靈與太保自是沒得頂，演出不溫不火、恰如其分。

《七月返歸》其實拍得很用心，在恐怖故事中帶出感情，一個受咀咒的屋邨，在食物鏈的最底層，每個人都活在苦難中。落難別問因由，老弱殘兵寒天飲冷水。只是有時候將太多的元素落入一部電影裡難免顧此失彼，如果可以為幾位配角都加點背景故事，整套劇情可能更立體與合理。

掩耳盜鈴是導演想帶出的總綱，看似無知卻是適者的生存之道。畢竟初生之犢尚自糼嫩，若能拍得含蓄婉轉會更顯高明，留白的藝術在於守，現在卻有點著相了。

欣賞《七月返歸》純粹是因為男主角，偶然間發現他的性格與自己不謀而合，有點戇直、有種傻勁、有些莾撞卻很率真，這樣的性情在殘酷的社會中很難生存。小的之不遇卻希望他能得遇，翼頒人善天不欺，一個真誠努力的人總有一天能發光發亮，獲得大眾的認可，小的與有榮焉。

老闆加油！

演員選角不錯，無論兩位童星、太保、譚玉瑛姐姐、AK、白靈，各人演出到位，令人更容易代入戲內情節

作為住公屋長大嘅80後，我覺得好有FEEL，燈光氣氛環境嗰仲壓抑感。AK雖然係鏡仔，唔好睇小佢，都做到好面青口唇白神經衰弱咁，白靈唔使講，同餃子一樣，其實成套戲D人比鬼更可怕。

暗喻非常明顯，反映現今社會既各種光怪陸離現象，反思過後，你會選擇「歌舞昇平」咁過日子，還是跟向榮一樣，抗爭到底對抗命運？

我入嚟係想講，點解咁多人專登畀到好低分，然後話俾高分嘅人係打手？究竟邊個先係打手？作為MM2 followers, 我唔忿氣比你哋兩班人玩爛哂囉。如果唔好當主角係鏡仔，你地會唔會咁刻意拉低個分呢？主角仲有白靈，佢同AK都做得幾好喎真心，劇情係散散地，有改善空間嘅。

最初覺得套戲用有陰陽眼嘅人扮見唔到鬼嚟比喻人對不公平嘅事視而不見呢個角度好有趣，所以入場睇。睇完覺得電影嘅訊息好清晰，好欣賞導演選擇用恐怖片嘅形式呈現，殘酷嘅現實其實比鬼更令人心寒。開頭一路睇有啲迷惘究竟角色是人是鬼，場景到底係現實定想像。慢慢就明白主角向榮其實就係同樣經歷緊呢種疑惑，睇到最後觀眾會同向榮一樣恍然大悟。好多喺前段出現的細節位喺後段原來有重要嘅意義，成套戲真係要專心用心留意咁睇。反而唔知會唔會有啲恐怖片迷會略覺唔夠驚嚇。但都好欣賞片中用嘅香港特色恐怖原素，如農曆七月嘅習俗、大戲、舊式公屋、紙紮、都市傳說等。相信香港土生土長觀眾都可以睇到好有共鳴。總括黎講，新導演可以做到如此質素，真係要大讚，亦無負繼《濁水漂流》丶《窄路微塵》後，「MM2新晉導演計劃」壓軸之作之名。感恩香港仍有咁有用做電影嘅團隊，期待MM2同導演之後嘅作品。

其實想比8分 好睇，但唔係完美 新導演黎講好好
但睇唔過眼啲反鏡打手盲踩
出面啲專業影評都話好睇 仲話白靈有機會憑呢套再衝金像獎
呢套戲mm2加白靈加太保有冇可能值1-2分呀，唔好玩啦
希望導演會堅持拍香港鬼片！

久違了的香港鬼片，跟傳統鬼片又不一樣。
佩服一個新導演嘅勇氣，夠膽喺呢一個新香港時代幫舊嘅香港人發聲。睇完不停跟朋友討論戲中隱喻，所以好想睇多次有導演出席嘅分享會。

唔係好識寫影評，平時好少寫
不過未試過睇鬼片睇到喊
個故事都有好多message, 有靈異、有感動、有反思嘅位置，所以想比高少少分mm2, 因為經常都做好多有心小作品（好似之前窄路微塵咁都好好睇）

呢套戲嘅恐怖唔係感官上的，而係導演佢嘅心機，要慢慢去發掘演員嘅說話和情節嘅舖排！
而A K嘅表現亦都係出乎意料之外，佢嘅驚恐係令到你同佢一齊在陰陽眼嘅氣氛下，陪佢一齊行過咁多日！到結局時嗰種無奈同埋導演刻意留白最後一天俾大家去選擇，呢個好值得大家去思考.
總括而言佢唔係一部睇完就算嘅電影，睇完之後會有嘢帶走嘅電影

這是一套不一樣的鬼片。
看得出導演編劇很用心構思劇本，我很喜歡這套戲很多細節都有前後呼應，都有伏筆，其中最有驚喜的是陽光明媚的706號房，不落俗套。而且很多台詞都很有意思，值得再三思索。
白靈作為女主角，演活了恐怖的媽媽，同時又讓人感到同情；AK作為電影男主角，表現合格有餘，讓人入戲。太保和譚玉瑛演活了和藹可親的惡人；兩位小童星年紀雖小，但演技自然，令套戲更有說服力。
誠意推介大家入場看七月返歸，作為鬼片，它沒有想像中恐怖，因為這套劇恐怖之處不在於鬼。

本身以為係會一套由頭嚇到尾嘅鬼片，無諗過睇完會有咁多思考空間。製作團隊非常著重細節，堪稱「details 之鬼」，片中嘅道具或場景會與之後嘅場口互相呼應，相當厲害。

白靈小姐嘅演技震懾咗我，睇完終於明白點解導演話白靈小姐係演媽媽角色嘅不二之選。片中一眾小演員亦表現亮麗，特別係演小向榮同宇仔嘅黃梓樂、黃梓曜，從佢哋嘅表情已感到有陰陽眼嘅無奈。至於AK，驚嚇表情做到好足，有別於平時喺鎂光燈下出現嘅樣子，惟文戲方面仍有進步空間。

片內隱喻唔少，明嘅就自然會明。

呢套係一套以驚慄片包裝嘅都市寓言，可以一看。

七，是農曆七月，是七天回魂，是七樓，亦可指涉某個改變一切的新暦七月。從六樓走上七樓，是選擇還是命運？留在七樓需要犧牲，返回六樓需要勇氣。活著，本來就不是一件容易的事。返歸是廣東口語，一般指回家。電影有好幾個層次的返歸：從加拿大返港、返回舊居、回魂、返回六樓、重返現實，然而返歸是福是禍，誰可預計？

看電影時，被劇情、攝影、美術、大小演員的演技吸引著。電影目不暇給，結構緊湊，技術上絕對是上乘之作。完場一刻，觀眾恍然大悟，啊！原來有些事，大家始終無法䆁懷。一部好電影，技巧和主題同樣重要。「七月返歸」完全達到了好電影的要求。誠意推介！

睇鬼片最緊要係乜嘢呀？驚囉
我睇完套片自已搭lift ,甚至去倒垃圾都淆淆地。咁就目標達到喇。

監製話: 唔明點解對其他演員，啲人係由零分開始加分比佢。但對鏡仔對AK，就由負分開始加起。
"盲反撚"同佢地最憎嘅"盲撐撚"其實一樣煩膠

最欣賞七月返歸並非單純靠嚇嘅鬼片，而係用恐怖片包裝嘅有劇情有訊息嘅故事。

除咗驚嚇場面同好多影評都有提及嘅隱喻，七月返歸對親情嘅表達都值得留意。一直知白靈拍驚嚇電影一流，但今次七月返歸我覺得白靈做得最出色演繹矛盾嘅親情。佢對個仔又愛又恨，好錫個仔但係因為個仔嘅「唔正常」（有陰陽眼）令到佢自己生活艱難，又要四出尋方法令個仔變返「正常」。好愛個仔但係一直掙扎喺信與唔信個仔之間，亦不停用咗錯嘅方法去表達佢嘅愛。所以佢一時瘋癲，一時溫婉，真係好考演員嘅演技，白靈嘅功力真係非常深厚。

可能有劇透內容，如果想查看請按此顯示。

無野恐怖得過窮, 所以公屋天然地就帶有恐怖感覺
而美術係做得相當唔錯
另一個傳統上用黎做恐怖嘅係大戲裝束, 加埋落做戲做到好似上身嘅白靈度係相當傑出, 佢嘅歇斯底里加倍呈現

除左白靈嘅選角好之外, 搵傳奇嘅兒童節目主持人譚玉瑛姐姐參演都係神來之筆, 睇過就明點解
小演員又係做得相當唔錯
甚至AK 演恐懼嘅戲都係做得相當出色

至於敘事上面, 向榮嘅動機都係喺阿媽度
某啲阻礙都係黎自回憶中同阿媽嘅關係
所以假如係我編, 我諗我最尾會處理阿媽
而且壞人黎講, 我會早啲俾佢同向榮confront
依家壞人唔算好有魅力, 亦無恐懼感畀人
但suppose 佢都應該係obstacle 黎
依家個處理就係, 啲壞人都rather 寬容喎
喺部lift 淨係俾左個唔係好強嘅威脅

另外, 對某d 對白都有少少意見
一開波個醫生講嘅野
我覺得唔使畀咁多戲呢個角色 lol
醫生一黎就好似加重向榮個愧疚咁
「乜唔係社工送佢黎」
醫生唔喺個主要演員群入面, 我覺得佢講嘅野唔使同個角色咁有關係
醫生用靈魂去講解俾病人家屬聽都有啲突兀
我覺得呢個位未使咁刻意住

最後, 整體作為一個寓言
實在比起好多近年嘅做法要好太多
近年好多都係攝一句半句對白, 或者硬啪啲鏡頭入套戲, 好粗暴咁表達意見
呢啲唔係好做法
故事嘅起承轉合, 起就係起左個頭, 起左個世界觀出黎
承, 角色有慾望, 有想做嘅野, 用個動機去承繼個故事發展
轉, 有阻礙有衝突, 令故事轉折
合, 用一啲方法去解決個阻礙
咁好嘞, 近年好多想多嘴嘅戲係唔考慮講嘅野係咪同角色intention 或者obstacles, 或者解決方法有關
但《七月返歸》就真係將所有野fuse 落去

雖然套戲唔係完美, 如果係我執都有野要執執佢
但氣氛營造、演員演出呢啲都好好

套戲中規中舉，有進步空間，但以新導演嚟講，合格以上，值得一睇。當然並唔係一套大製作，做到咁嘅效果，收貨喇！

有意思有共鳴充滿香港特色，公屋成長的我特別深刻（場景，音效，美術都有feel）演員也交足戲

「七月返歸」是一部探討人性、家庭和社會的電影，同時揭露了香港社會的黑暗面，如貧富縣殊、老人孤獨、鄰里冷漠。透過驚心動魄的故事，讓我們思考生活價值和意義，值得入場支持的港產電影，不容錯過！

個人覺得「七月返歸」呢套戲比較適合鍾意用腦分析解謎同留意伏線睇戲嘅朋友。如果只睇主線劇情推進/想單純想追求驚慄恐怖嘅朋友應該覺得唔夠喉。其實大家將佢歸類有鬼元素的懸疑片會較為適合。齣戲會有好多留白嘅地方等你去發掘同聯繫，睇完會想同人討論。

無諗過睇鬼片會睇到喊，兩母子都好可憐。而導演用鬼片嚟講對世事不公視而不見，著實巧妙，美術、配樂亦應記一功。

支持本土電影，加上故事隱喻好有意義，值得推介嘅驚慄電影

喜歡故事有弦外之音，發人深省。欣賞新導演謝家祺，《七月返歸》有誠意，小本製作已有交代。選角恰到好處，AK表現不錯，可向演員之路發展。

呢部戲係香港典型屋村鬼故～白靈姐姐同Ak 做得好好～

官能上七月返歸未算係好恐怖既鬼片，jump scare音效等等，其實都在預計之中，睇得多恐怖片既應該都會免疫。但整體而言都係一部高質恐怖片，恐懼在於故事背後想帶出既信息，以及顯然而見既隱喻。結局所指既“美麗新世界”，配上劇情真係令人毛骨悚然。劇本言之有物，每位演員都交足功課，燈光音樂場景絕對加分，導演第一次執導好有驚喜

可能有劇透內容，如果想查看請按此顯示。

好耐無睇鬼片，好驚。但亦驚喜於故事背後既隱喻、傷感於故事想講既野，係好香港人既電影。成套戲好多人物同細節係有牽連，導演極細心，怪不得劇本寫左咁耐，好有心。演員Cast得好，AK第一次擔正，以新人計，合格有餘; 兩個小演員表現都非常好，有走埋去叫佢地唔好驚既諗法 。

太保、白靈就係恐怖片嘅胆，加上出色嘅美術，配樂襯托得非常有氣氛。

香港鬼故事, 演員出色, 尤其白靈, 美術音效值得一讚

估唔到睇鬼片會睇到喊 唔係驚到喊 而係因為電影背後既寓意 睇完係由心寒出尼 有好深既無力感 久久不能釋懷

白靈 太保演技精湛
譚玉瑛姐姐與鍾婆婆既反差 是為一絕
2位小演員表現出色
而AK演技亦有驚喜 佢演到唔同程度既驚 有層次 令觀眾投入劇情當中 不過咬字及講野既語速仍有唔少進步既空間

欣賞新晉導演 & MM2 咁勇咁拍出咁有深意既電影

正正是明白到最後的隱喻意思，但就是因為太露骨 所以感到無奈。電影它是替你發聲的，但在七月變得無奈地過度工具化。一星半是給賣力演出的演員，喜歡AK由頭到尾貫徹的狀態, 恐懼同傷心戲都演繹得好到位。

整套戲瀰漫著一片陰沉而奇幻的氛圍！內裡確實將70、80甚至90後的"集體童年陰影"重活於大銀幕內,感覺親切卻略帶詭異。鴉烏婆、半夜樓上波子聲、屋邨的長走廊及九廣鐵路冤靈小孩,絕對是當代經典。

特別一提戲中2個小朋友,小小年紀卻有如此演技…我明明細個聽完鬼故都要人陪訓同陪去廁所,但佢哋竟然能將劇本消化後再將角色扮演得淋漓盡致！勵害！而男女主方面,AK藉以向榮一角也令人有耳目一新的驚喜,全程被他的情緒所牽動著,而白靈演出更是入目三分,時而軟弱慈愛時而瘋癲暴怒,嗰種極速嘅情緒轉換真係少d功力都唔得！

觀眾(至少我)整體官感體驗豐富：有視覺衝擊上的驚恐、有尋幽探秘的刺激、有角色互動間的感動、最後卻是和主角間共鳴出滿滿的壓抑和無力感。

導演，演員，道具，美術，音樂，本地製作，各值一分，加上我人觀後感一分，總共7分
值得入場觀看。

套戲驚唔驚,節奏快唔快,演員是否大卡士,唔係令我俾滿分或1分的原因,似乎好多人係特登俾1分或10分,認真嗎?套戲未上畫時,最吸引就係佢個景,可能因為以前的工作關係,加上在誠品的分享會,就好感受到這美指團隊的用心和誠意,單睇景都值,另外攝影角度都好唯美,音效更不用說,是手捲煙同那年盛夏我們綻放如花的同一班底,真心好勁,好有feel.

欣賞團隊的用心製作，雖然名義上是鬼片，實際上用鬼片包裝另一種意思。場景很用心，完美還原香港舊式公屋格局，結局喻意很明顯，細節亦做得很足，值得看第二次。

《七月返歸》值得入場觀看。 美術同音效做得好好，值得讚。白靈姐 演技唔洗講，一個字［掂！］AK 演技對比上次《忽然心動》有好大進步，特別係紅色走廊同埋喺碌架床俾鬼壓果part 做得好好，身體顫抖而同時深呼吸。譚玉瑛姐姐 再奸啲會好睇好多。太保哥 一笑已經有種不寒而慄感覺。 當然，整套戲可以再好啲，仍有進步空間。 導演將香港嘅都市傳說加入戲內，令整件事好寫實。

雖然呢部戲唔係一部嚇到你手都震晒嘅恐怖片。不過係一部要「燒腦」嘅電影，我鍾意喎！

或者而家香港有好多人淨係睇戲鍾意得啖笑、睇口碑，最好乜都畫出腸，配合大家智商唔無腦諗都睇得「明」嘅戲啦！所以啲人先喺度批評。我點敢話你哋唔啱呢？百貨應百客，唔鍾意你咪過主囉！香港已經好難有一啲本土電影，新導演好難發圍，好難唔需要借助其他地方資金去拍一部電影，點解自己人唔可以撐自己人呢？

睇電影，我比較鍾意嗰啲可以睇完之後帶得走，有得着嘅電影。事實，呢套戲正正記錄左香港嘅狀況、香港那些年的回憶同歷史。

久違本土驚慄片，言之有物，演員有驚喜

好睇！要一睇再睇！單單睇一次唔可以完全理解，導演在戲中放了好多細節位，前後用不同特徵去連貫各人物關係，這是巧妙之處，有幸可參興導演分享場，能即時問導演，雖然未能所有問題作出題問，決定要再入場看過中細節。

作為mm2新晉導演計劃壓軸一部，喺未正式上映前已經好吸引我注意，而且《七月返歸》係恐怖片題材但同時同上兩部曲一樣充滿香港本土都市味道。

睇完之後覺得其實驚嚇指數唔算太高，因為佢jump scare嘅位都唔算太多，反而係運用配樂同唔同嘅鏡頭效果配合主線製造氣氛，令到人喺102分鐘入面基本上都係維持喺緊張嘅狀態。好多時都有種知佢準備嚇你，所以好驚好驚，但嚇完就會覺得『哦～咁啫.ok, 唔太驚』嘅感覺。

從宣傳slogan『美麗新世界』唔難估到導演想deliver嘅message, 但都要讚下當中處理手法好自然，唔會令人感覺突兀。去到電影最後一幕，煙花嘅聲音配合男主角表情，最後出字幕響起片尾曲，令人不寒而慄。

呢套戲嘅餘韻亦都令到我冇乜留意到演員嘅表現，睇完淨係不停諗返當中導演想講嘅嘢，亦都再感歎佢講故事嘅能力，因為我同行朋友睇完其實完全get唔到『美麗新世界』其實係咩意思，佢好純粹地當一部恐怖片去睇都覺得好好睇。
講返冇專注留意演員表現，其實某程度上都係呢套戲成功嘅地方，因為咁代表全部演員都做得好自然，會令我相信咗佢就係戲入面嘅角色，冇一刻令我覺得出戲。相比起戲入面其他充滿經驗嘅演員（呢個cast亦都令呢部戲聽落都俾到信心人入場），第一次擔正嘅Anson Kong同宇仔Wesley都有咁自然嘅表現都令我有驚喜，特別宇仔真係好得意。

知道導演本身有寫開鬼故但我冇睇過，作為第一次拍長片有呢個作品好出色，想再講一次呢套戲嘅配樂同鏡頭好正，令部戲豐富咗好多。

可能有劇透內容，如果想查看請按此顯示。

七月返歸無論劇本、燈光、音效、攝影、演員每個崗位都非常出色
白靈姐姐計三更餃子之後又一水準力作，歇斯底里幫阿仔搣甩陰陽眼嗰場戲，完全演繹到一個阿媽心力交瘁嘅狀態，喺醫院同AK兩個再相遇嘅戲碼，男女主角都演繹得10分出色，AK完全沒有偶像嘅影子，喺7樓撞鬼之後撼頭埋牆嘅一幕令人完全感受到佢嘅無力感
譚玉瑛姐姐亦同平時嘅形象截然不同，不得不提兩位小演員嘅演出，令人非常入戲，我見猶憐

七月返歸穿插左唔少90年代好多經典嘅傳聞，尤其火車一段，細個時啲同學直頭print埋大頭相，攞螢光筆劃晒啲奇怪位出嚟嚇大家，實在估唔到導演會放入戲內，令好多人產生共鳴，增加神秘感

七月返歸真係一部值得大家支持嘅香港本土電影，現今市道低迷，實在需要大家多多入場支持，將來先至唔會剩返合拍片

鬼片來講：都有唔少jump scare, 都係驚，音效非常加分佢背後想講嘅野，真係明就明，佩服，值得睇下

近年最精彩既港產鬼片，劇本、音效、演員都做得非常好，背後msg十分之大及感人，推介！

套戲好一般啦,普通鬼片模式. 劇本係not bad, 導演講故仔技巧海量進步空間 志大才疏. AK真係有驚喜.. 同之前心動好吾同 掂！

可能有劇透內容，如果想查看請按此顯示。

好耐都冇動力睇香港鬼片了因為覺得不過如此，見到有白靈，應該ok所以就入場睇睇，作為鬼片愛好者，最後譚玉瑛上台講嘢就令我一嘢諗起7婆，係有驚喜嘅，佢唔係齋嚇你嘅鬼片，背後有好多意思，我都掛住思考都冇聚焦有幾恐怖，當然音效都有幾場jump scare係今到個心震一震咁，我覺得唔錯，AK作為新人表現還好，唔EXPECT佢啲戲會好似周迅咁唔出聲都全臉是戲，但佢表現令我意外地覺得滿意，仲有太保，不愧為多年影星同影帝，演技深沉，白靈大戲好有氣質，演技好，自然投入唔洗講，值得一看

明白內容帶出的信息...就是太明白了，很難欣賞這種敘事。正如其他真心評分的觀眾說的，劇情有很多過於平淡，中後段拖延，結局令人傻眼. 因為結局解決一切…當然其中也有營造氣氛不錯的 短暫時刻，可惜看到導演很多明顯電影抄襲, 無重新創新, 或者將某種風格演變成自己風格。希望節奏能再加快，剪接可不可以不要這樣零碎...真的令人哈欠連連…

一堆好獨立零散嘅短片, 劇本感覺上應該ok但...

初頭以為係鬼片,D音效/燈光/鏡頭都好恐怖...去到中段發現唔係鬼片咁簡單!開始不斷思考,最後結局我覺得好震撼!同埋有D唏噓...但導演留左個open ending俾大家,等大家自己選擇...

做人最緊要有選擇的自由! 大家當然可以選擇不入場睇七月反歸,但如果無人入戲院支持港產片,尤其買少見少的鬼片,不久將來只會令本地港產片/鬼片消失......將來只有合拍片同睇左幾十年的演員無新導演/新演員/新鬼片,"小朋友"都被逼死,如果這是大家想要的香港電影業......

話雖如此,並不是要情感勒索,我真心覺得新導演來說七月反歸各方面都處理得很不錯! 氣氛一流,美術一流,燈光/攝影/演員都有驚喜!絕對不是湊合看, 絕對係一套有質數的電影! 所以特登上黎寫影評,希望大家可以支持一下!

除了驚慄同隱喻外，好欣賞AK同白靈姐姐呢段母子關係，蘭姨對向榮既愛又有種無力感。AK演繹到由恐懼逼到崩潰嘅感覺，白靈姐姐嗰種氣場，除了她別無他選。其他演員都十分出色，太保哥同譚玉瑛姐姐一步步的陰險好到位！兩位小演員嘅演繹睇到好心痛。

好耐無睇過關於屋村嘅恐佈片，比之前講疆屍嘅屋企恐怖片，拍攝環境真實好多，不得不讀美指同道具嘅精細，演員除左白靈姐姐，太保同亞譚外，AK今次首次男主角放下平啲靚仔嘅外表，演繹到令人驚同心痛嘅感覺，小演員都做得好好

套戲完場第一下係會有d唔明既地方, 但事後再慢慢思考, 就會明白所有細節既意思/用意, 套返落自己生活緊既世代, 感受更深

另外要讚係美指造到個場景好迫真, 個景搭出黎都真係帶到果隻邨屋味出黎

第一次睇完套戲，覺得有好深刻嘅感受，同埋覺得套戲有好深層嘅意思。套戲入邊每一位演員，都表現得好出色。亦都咁睇得出導演監製演員們，甚至道具組，都非常用心今次嘅製作。因為睇完之後發現原來有好多細節位都Miss咗，要再睇第二次留意番> < 呢套戲非常值得買飛入場睇，甚至睇第二第三次!!!

MM2電影一值都好好睇，導演第一次嘅電影有呢個水準值得去睇，AK演戲愈黎愈進步，場景導具亦做得好細緻，背景音樂令你好入戲，值得推介

【香港電影】香港絕對唔係一個完善的夢工場，但有好多人堅持追夢。事實上以前香港電影係好威水！連荷李活都要致敬，混入香港元素再發揮，不過呢個風光不再...想要港產片復興，至少觀眾要捧場，有得拍先有進步。有個新晉傻導演喺呢個市道、呢個環境仲走去拍唔賣得隔離埠的鬼片！好欣賞導演的passion與堅持！而且好幸運又有投資方願意supoort呢個人的夢想！呢兩班痴線的香港人值得俾幾十蚊支持下！
【題材】真係好佩服導演的大膽！第一部不單止要挑戰鬼片，題材仲咁踩界！呢份勇氣值得大大力支持！ 當我見到有啲影評話睇唔明，我就更加覺得導演拍出活生生的現實：有啲人真係會睇唔到…或者睇到扮睇唔到！其實我相信大部份人睇完都會有感覺。
【美麗的鬼片】真係好少用靚去形容一套鬼片。但今次MM2好用心製作，由搭屋邨景，到夜宴棚，到靚爆poster！仲有好多detail位例如隧道畫、七樓每間屋入面、紙紮etc，真係好用心製作！今次金像獎應該頒俾製作團隊！
【DAY 1】七月返歸以倒數形式+穿插回憶說故事。有啲人話睇唔明/ending太急。我反而覺得結局好震撼！反而前面鋪排可以快少少，一直保持懸疑陰森有點緊張疲勞(可能我驚所以想快啲過啦) 我的感受係: 前半段係「溫水煮蛙」後半段係「急轉直下」，呢個節奏不就是現今活生生寫照嗎？而最後去到結局，導演講過DAY 1留俾觀眾，等大家自己搵答案。我覺得好似Matrix咁，當你知道真相後，你會選擇藍色藥丸定紅色藥丸？當鏡頭大特寫向榮的喊與笑，再zoom out後面四隻大字的震撼，睇到我毛管棟+傷感…
【演員】不得不讚團隊選角的眼光！
導演話白靈係不二之選，果然真係好有壓場感！恐怖片迷一定收貨！
兩位小演員好有天份！忍不住同情心痛佢哋的經歷。小向榮哭戲出色！宇仔可愛的無辜臉讓人不忍他的下場…
譚玉瑛雖然講對白有點突兀，但造型滿分！而且因為譚玉瑛姐姐係兒童節目出身，演繹此角非常有諷刺感！加上「懶好人」的設定，大家都能想像佢係飾演緊邊個吧？至於鐘哥，導演話睇中太保笑裡藏到，陰陰濕濕咁，大家又諗起邊個呢？
最後當然要講主角AK。佢文戲有待改進，內斂的戲對新人來說比較難拿捏。但驚嚇、哭戲、崩潰的表情演繹就好驚喜！起碼我睇到唔同場景佢係俾到唔同情緒變化，而且好自然！我有代入到同向榮一齊驚一齊徬徨無助。新人來講，一個人由頭lead到尾，仲要有咁多獨腳戲，咁多抑壓的情緒表現，我覺得有80分！我會想睇呢個人以後繼續演戲。

不吐不快！好討厭有粉絲不停胡亂吹奏，奧本海默都係8.6分，但七月返歸值10分? 會唔會過份啲呀? 而且重週圍喺不同電影度評分畀一分，以圖拉低分數等呢套七月返歸高分啲，行為幼稚！AK用心拍電影但粉絲幫他招黑，長此下去好嗎

誠意本土香港之作。完全屬於香港人的電影，從經典傳說、舊色屋村、以致劇情內容，都是真正的香港人會有深刻體會，反映一大部分港人的感受。整體製作亦是港產片水準之上，不是一部纯粹驚嚇死不瞑目鬼片，當中意思更高層次但又容易理解，各演員表現有驚喜，當然亦有進步空間。劇情環環相扣。鏡畫面道具及劇情細節，盡顯導演心思。來年應該有不少幕前幕後獎項提名。

一套刺激思考多過感官刺激嘅好電影。雖然一開始睇會俾啲驚嚇鏡頭音效嚇親（對我黎講最驚小朋友嗰兩幕⋯⋯白靈粵劇裝都睇到我毛戙），一路睇到最後一幕儀式時突然諗通咗故事嘅喻意，即刻變咗係驚「人」多過驚「鬼」，所以離開戲院時，個腦諗嘅已經唔係驚慄鏡頭嘅殘餘影像，而係會反覆思索電影嘅意思。

雖然影評一直推這片劇情含有很多隱喻，那又如何，整個看完覺得步調太慢顯無聊，傳說並沒有巧妙用在故事中，全片不停以零碎 零亂故弄玄虛片段堆砌至結尾。主軸邪教？鬼神？心魔？精神分裂？

很多在其他電影看過的套路及手法。白靈姐演技不容置疑，而男主角AK的表現都不錯。

如果「釀魂」令我當堂嚇一跳，然後得啖笑嘅話，呢套直頭令我好無言。呢套根本就冇劇情可言。有鬼但冇去對抗、亦都冇解決到，7樓究竟咩事？唔知。點解有鬼？又唔知。有鬼同佢做花旦有咩關係？又唔知。睇完之後有種究竟我睇咗d乜嘢嘅感覺。

其實呢，我唔介意導演借電影嚟講佢想講嘅嘢。但依家呢套唔係藝術電影啊。我知呢套嘢係想借「陰陽眼」嚟講某D嘢，但可唔可以唔好咁核突，同埋搞返好少少嘅講故事嘅技巧呢？觀眾唔係幫你埋單講你要講嘅工具啊，連基本嘅叙事手法同劇本都未搞好嘅時候，難怪好多人咁反感。
例子就係出埃及記一樣係講緊導演想講嘅嘢，但至少唔似呢套咁出面同反感。香港導演係咪應該整理吓嗰劇本先拍呢？問題唔係在於表達自己想法，而係電影同劇本嘅質素。
另外唯一欣賞係小朋友嘅演技，估唔到香港童星有咁叻嘅演技。

敘事散亂，中後段明顯拖長嚟做，現在反而浪費了最初緊張節奏，若能縮短中後段悶場，或轉變為微電影效果會更佳，值得更高分數

真係好難睇，d意思睇完果刻都get唔到，節奏又慢又唔驚，痴線當恐怖，簡直侮辱緊我智慧，個故事直不甩，加左香港完素但到頭來都係一d都唔驚，情節又悶無新意，故事平淡到似睇緊紀錄片，虎頭蛇尾，恕我唔識欣賞

氣氛緊湊
滿有細節伏線，能前後呼應
不是陳腔告白式交代劇情
寓意觸動港人心聲！

都唔知個電影講乜

有切脷,切手情節,少少恐怖,背景音樂叫「他他」, that all

請先放下有色眼鏡去看這部屬於香港人的電影，導演還原了很多香港的事和物在當中，加上導演悉心巧妙的佈局，很多令人意想不到的地方，例如在過程中，演員們的言行，又或是刻意留白第一天讓觀眾自己去選擇，非常用心的製作。
都知好多人因為起用鏡仔就即刻走，不過咁樣可能令你錯失了一部好的電影。
白靈，太保，譚玉瑛等資深演員不在話下，就是新演員們也非常用心演出， 你唔會見到靚靚仔仔的AK， 只有一個被陰陽眼由細折磨到大的向榮，兩位童星也是。
呢套絕對是近年最有意思的一套電影。

又係低成本制作,唔算爛片,劇情簡單揾戲嚟做,開頭ok,中段打後好悶,主要演員不吸打拆扣!

好心D打手咪再成篇文啦,真影評唔會咁長,票房仆直就最好例子,咩AK乜水呀?完全冇叫助力?真係勁垃圾.

此片 既然有深度 就留給愛追幻想的人去看.此片也沒難看到爆! ! 只是花錢看電影就是要 清楚讓每位觀眾都看得懂 而不是 有無深度的問題 ~ 有深度的一部片? 我真的覺得還好，感覺導演要表達的東西很多，但又沒有辦法去深入這是我覺得比較可惜的地方

製作認真,有恐怖片的詭異,亦有劇情片的思考,戲中的恐怖荒謬,其實如同現實.每位演員的演繹相當稱職,充滿驚喜.絕對值得支持的香港電影.

可能有劇透內容，如果想查看請按此顯示。

無想過睇港產鬼片都有反思既意義. 最令人驚喜係2位小演員及Anson Kong 既表演快帶我進入電影裡面. 至於白靈小姐真係好正. 譚育英姐姐一出場,好多觀眾都笑咗出嚟,可以係童年回憶呱. 太保先生表現出笑裡藏刀真係好想打佢.
最後想讚賞下美術組既工作人員, 睇到佢地好用心去設計場景(好多細節部分)都留意到.

可能有劇透內容，如果想查看請按此顯示。

新晉導演以香港多個經典鬼故事、都市傳說及屋村來作故事佈局，實在是細節之王。結局看似發展得太突然，但當二刷時會發現原來全部都係精心鋪排，推薦以示對新導演支持

一向極怕睇鬼片嘅我為了支持咁有心嘅mm2 電影公司鼓起極大勇氣入戲院睇左 七月返歸！

故事發生在一個既陌生又熟悉嘅地方，滿滿嘅舊區情懷，好多傳統元素，感受到編劇嘅情意結。
劇本推進節奏明快流暢，每個角色性格鮮明突出，讓觀眾好快入局！

知道白靈姐姐係女主角已經覺得一定有驚喜，佢嘅演技無庸置疑超晒班，好幾場睇都睇到我極感觸同感動！
男主角係MIRROR 的Anson Kong ，今次角色同佢平時活躍陽光男孩好大反差，作為第一套膽正男主角表現亮眼！佢演繹驚嚇嘅反應好有層次，完全同意何解導演強調AK 係憑實力及誠意獲得呢個演出機會！認真的看到一位新演員如何投入向榮呢個角色。
另外特別想提譚玉瑛姐姐好搶鏡，估佢唔到一個兒童節目主持可以演到咁陰沉嘅角色！兩位小演員黃梓樂和黃梓曜非常有驚喜，演技精湛，膽量更是佩服！星途一定無可限量！

總括來說七月返歸除左有驚嘅緊張感同壓迫感外，更深刻嘅係電影隱藏嘅訊息同價值觀非常震撼，結局充滿深層意義！導演在劇本配樂美術各部份都非常用心，細緻程度極度誇張！全片有感動有感觸，亦有可悲有可恥嘅情節；離場後不斷一直回想細節，好想搵人瘋狂討論，有幸聽到導演映後分享，獲益良多，佩服不已！

七月返歸絕對係一套近年不容錯過嘅港產驚慄電影，支持香港電影嘅香港人請入場撐！

呢個評語係俾幕前幕後所有工作人員
有guts!!!
成套戲都感受到美麗新世界嘅來臨。。。

有深層討論位，唔適合啲睇一次就判斷嘅觀眾，佢好多after taste 可以回味

一套充滿香港本土元素又有思考空間既鬼片 令觀眾睇既時候會更投入
唔同其他鬼片只係用jump shot黎嚇人，導演好巧妙咁利用情節上既疑神疑鬼同音響效果黎堆砌驚嚇既氣氛，結局用左一個留白既手法，等觀眾有所反思，可能需要睇多幾次先搵到情節上既伏筆
今次係AK第一次擔正做男主角，演技比起上一套電影成熟左好多，驚既表情唔係一味擘大對眼，相當自然。白靈﹑太保﹑譚玉瑛三位老戲骨，一出場就好有氣場，要特別一讚兩位小演員，令人眼前一亮!

我好少睇恐怖片，對上一次仲係貞子年代時。今次入場睇，係因為外界對於這套戲有別於普通鬼片，同時以anson kong為賣點。係成套戲中，有幾個鏡頭我係吾敢睇，因為製造的音樂，燈光仲有突然來個切換，同向榮一齊望住窗外的街坊，嚇到我嗌出來。
成個故事好有香港的特色，睇完有點悲哀，真正明白中心思想。最後向榮攬住宇仔喊，我都喊左出來。原來新世界就係要用新一代去換取返來嗎？
仲有一幕係向榮瞓係張床到，帶大家回憶佢同媽媽細個的經歷，腳趾都有戲。所以這套戲係香港上影，真香港人會睇得明。respect 導演。

無想像中甘好睇，劇情一般
難以投入，半埸未到已有人起身走人...

《七月返歸》套戲好貼地，好有深度，勁多隱喻。話就話主角係AK，但係我覺得其他演員全部都係靈魂人物，冇是但一個都會令套戲大打折扣。AK唔係sell 靚仔，真係好多內心戲，大家可以撇除佢係Mirror嘅副隊長AK去欣賞呢套戲。香港人入場會好有共鳴，係一套好值得買飛入戲院睇嘅戲。

沒頭沒尾的題材 ，許多單一個別的劇情連貫在一起，彼次相關性確要讀者自己猜，前因後果都沒解釋
整部片就是讓人不舒服
對導演產生了懸疑感，其它無感，滿頭問號
倘若你是一位對另類的倫理道德與社會規範較難以接受的人 或許這部片適合你，但倘若你跟我一樣追求電影"電影"
這是大爛片

恕我直言，套戲實在太九唔搭八~
開頭氣氛幾好，後面唔知搞乜。
導演功力未到家

除咗有啲驚嚇位之外, 故事沉悶唔好睇.

前面鋪陳太久結局太快~很沒有內容劇情的片~
前面是挺懸疑的...但後面劇情整個很無言。整部看下來，真的很無聊

點解套戲可以咁鬼死悶?

可能有劇透內容，如果想查看請按此顯示。

雖然是鬼片但背後意思更令人吸引，每位演員都做得很出色，配樂加上場景會令人產生恐懼，值得一睇再睇。

隱喻太出，太多，toomuch

劇本有問題，演員幾好都冇用

前段算幾好，但後段衰左

只可以用捱字嚟形容

故事nono

演員ok，故事完全不ok

一半，不吸引，睇到一頭煙

一分係俾演員

可能有劇透內容，如果想查看請按此顯示。

怕鬼嘅我係因為老闆而睇七月返歸，但睇戲時我竟然忘記咗老闆係老闆，投入咗喺向榮嘅身份。故事用屋邨做背景，親切得格外恐怖，鬼雖然神出鬼沒好嚇人，但實實在在出現喺四周嘅人亦令人不寒而慄。我覺得鬼恐怖，但指甲更恐怖。結尾向榮嘅笑容我破解唔到含意，一定要再睇去理解吓。

恐怖氣氛夠, 最驚係白靈, 佢真係演得好恐佈, 但戲中又好可憐咁, 有幾個鏡頭真係嚇親, 總括音效不錯, 演員發揮不錯, 特別想讚兩個小朋友, 做得好好

白靈演出好正， AK 演出好有驚喜， 演技好大進步。
電影有好多隱喻， 夠驚嚇， 又有感動位…
小演員也演得很不做錯

每個人對影片想帶出的訊息都有唔同解讀。睇完真係好多嘢思考。

好多香港本地嘅野+睇ak 好正

原本諗住純粹入場睇一齣應節既恐怖片，估唔到睇完係會有咁多感受同反思，當中加入咁多香港情懷既心思，作為土生土長既香港人一定好有共鳴
所有演員都演得恰如其分，兩位小演員真摯既情感表達牽動情緒
AK表現耳目一新，交出一個有別於佢以往所有演出既AK，自然地演繹沿自內心既恐懼
影帝太保輕而易舉演出角色既精粹，一個微表情已經令你心寒
譚鈺英姐姐係一大亮點，雖然有啲睇唔慣佢既造型，但亦成功地演繹一個同佢本身形象反差咁大既角色
白靈演恐怖片，冇令你失望既餘地
佩服導演既膽色，首次執導就講到咁白
係今時今日既香港仲可以睇到一個完全為真正愛呢個地方既人而寫既故事，係一齣絕對值得入場支持既港產恐怖片水準之作

上乘之作，無論劇情，配樂，美術，敘事手法都值得一贊。演員方面亦選角出色，特別有驚喜的係AK，戲內完全沒半點偶像包袱，由前半段的內向怕事，到後段半經歷各種怪事後的驚惶失措，對媽媽白靈的既愛且畏，都演得入恰到好處，就算面對白靈，太保等出名好戲的前輩亦毫不怯場，完全俾向榮(AK) 帶住入戲。而戲內兩位童星亦相當亮眼。
總而言之，《七月返歸》是一部值得入埸支持的香港本土電影。

好好睇，導演好嘢，值得一看，演員十分好嘢，我畀四粒星

送給對香港充滿回憶與正在經歷的你

支持mm2
很用心的本土製作

演員與小演員很表現亦出色

早幾日睇完套戲，電影宣傳「美麗新世界」，明顯借用莎士比亞中「暴風雨」中一句對白，當中的對白是有嘲諷的意思，後來的人血，亦令我想起魯迅的「藥」。在香港做創作的路越來越難，沒有看到甚麼巨星，一班年輕人的創作，或許有點青澀，但都是有心創作。特別一讚白靈，廣東話可以不看字幕也明白，所演的神經質媽媽為戲加上恐怖感覺，配樂亦十分好。

電影呈現的音樂,畫面都很豐富,完全沒有泠場!而且訊息量強,很有味道的一套經典港產片!

一好用心製作嘅一套本土電影
無論場景道具內容都好有心思
情節有留白讓觀眾思考內容

七月返歸，一睇個名就個係恐怖靈異系電影，之後睇埋見宣傳海報見到個倒轉的大戲妝的女人，以為係講主角俾鬼上身後的經歷果d，所以都預先做好心理建設，本身係以睇鬼片的心態入場，但睇落發覺冇預想中咁恐怖，雖然剪脷同對面屋個肥叔叔我實在係唔太敢望
除此之外仲有好多令人思考的位置，究竟係要堅持自己信念定係剪脷黎迎合他人？放棄對自己重要的嘢嚟滿足自己嘅慾望又係咪值得？
戲內仲有好多唔同訊息，對我嚟講暫時未能夠於102分鐘內完全吸收得曬，會再去睇多次希望會睇到同理解到其餘的意思

又唔係講到咁好睇啫?你班人真係老點

我會再看細味一下，導演想表達的深層意義！值得一看再看！絕對不是一般的鬼片！

第一次入戲院睇鬼片，以為會好驚，但驚既場口無想像中咁多。 戲中無點睇到AK既影子，亦都見到一啲平時睇唔到佢既面向，特別深刻印象係佢啲眼神既演繹。 好多場都比白靈既演出嚇親，佢演得好好。另外，2位戲份較多既小朋友做既角色，演出都好好睇，佩服佢地。
睇完本身有啲唔明既地方，睇左導演既解釋，諗返個內容，即刻明左好多，發覺套戲係有好多可思考空間。

久違了的港產鬼片，導演用心之作同背後引發的思考，絕對值得支持！

睇完一次純一套驚慄片看是可以，原來內有意思表達要再睇多次

其實一開頭諗住真係普通鬼片
導演新，主演AK嘅拍攝經驗都唔算多
估唔到自己睇完之後
會同朋友不斷討論劇情
有好多位未明哂
結果入咗場睇第二次
AK嘅表現當然仲有進步空間
但比起上次忽然心動進步咗好多
始終驚嚇嘅表情唔易做
佢都算表現得唔錯
我承認本身都幾鍾意佢
但佢做得唔好嘅戲，我真係唔會推介
同埋睇得出佢真係冇偶像包袱
配角全部都做得好出色
白靈、譚玉瑛姐姐、太保哥、仲有兩個小演員
全部都做得好到位
至於導演第一次拍到呢個質素
真係算好唔錯
電影背後嘅意思我唔多講
大家自己入場感受
但有個位我都覺得可以再做好啲
導演話好多嘢唔講到咁死
等我哋有想像空間
但電影入面卻有一d細節
要靠導演謝票場解釋先明白
劇情入面未必有交代到
例如宇仔同shirley嘅真正關係
日期嘅安排
如果我唔係謝票場聽到導演嘅解釋
就會有少少唔明白
個人覺得留白係好
但有啲位有交代返就更實在
但整體都好值得入場支持

大量haters無睇過套戲便俾低分，實在對電影從業員不公平。首先故事以香港都市傳說為骨幹，為好多土生土長香港人嘅童年陰影，導演就以主角向榮嘅童年陰影作開場，一步一步撕開佢深層嘅恐懼，其中觀眾或有所感，多多少少對應自己嘅經歷會有相似感受。
戲中配樂及美術一流，令觀眾完全沉浸在主角視角中。選角要不是非他/她莫屬（如白靈），要不就是與本身性格完全相反（如AK），無論主角及配角，尤其是童星都交足戲。全片102分鐘只會令觀眾愈來愈緊張，想破解屋邨奇怪鄰居的神秘面紗。

可能有劇透內容，如果想查看請按此顯示。

帶著沉澱思絮離開，就只是離不開美麗新世界的大門。
鬼只靠嚇, 人才恐怖。
這其實是家庭倫理悲情片。
從香港人的集體生活回憶,抽取耳熟能詳的恐懼和都市傳說。 重新塑造鬼片新拍攝運鏡,不是用鬼怪 造型嚇你,但挑起了恐怖的感受。 或者我們都擁有帶刺的童年，傷痛最能引發共鳴。
感謝創作團隊。
導演編劇請繼續用鬼故說故事。

可能有劇透內容，如果想查看請按此顯示。

涉及靈異題材嘅港產片越黎越少
電影前段埋下唔少伏筆，但可惜有部份未有解迷
或只有睇細節先睇得出因由，就好似癲婆嘅身份
都靠後續睇網上討論先解倒迷，或者二刷先會睇得明
呢方面其實有少少雙面刃
欣賞嘅會驚嘆電影細節做得好用心，唔欣賞嘅就唔知做緊乜

但整體劇本故事、音效、美術等等都好出色
有助將恐怖嘅氣氛推高
值得一提嘅係片尾曲，諷刺同時更心寒
好欣賞利用香港非常傳統又熟悉嘅紙札黎包裝新世界
令人容易感受到意象之餘，又唔會突兀，完全融入倒故事入面
但故事整體屬於水準之上，所以有少少意外今次係導演第一次執導嘅作品

同主角一樣曾經離開，又再返返黎呢個地方
所以有D情節個人黎講係幾有共鳴
起初單純帶住睇鬼片嘅心情入場，觀後嘅心情係五味雜陳嘅感覺
呢樣野亦係意料之外
整體故事、演員、製作有8分
額外1分係想支持MM2，一直用行動去說好故事，用心製作本地影視作品，大膽起用新導演、新演員

個人覺得恐怖感十足,流暢,後段有D不明所以原來要參透!但都是值得欣賞的作品,好有本土感覺,屋邨成長同埋個個年代一定有更大共鳴!

估唔到鬼片都可以咁寫實,好有共鳴感,而且演員出色,好睇!

片段音樂搞到好似睇緊演唱會完場， 支持香港電影

有別於一般港產鬼片 , 有鬼, 但無厲鬼復仇。 套戲好多message, 又要驚, 又要諗野 , 幾特別。
最驚喜係白靈、 除左恐怖同癲果part勁，估唔到佢對個仔嘅愛都做得好好。 佢同AK響醫院果場好感人. AK嘅驚嚇反應同喊戲都做得唔錯。 小演員亦做得好, 喊到人心都酸埋。
難得一套唔hea嘅本土鬼片,値得入場支持!

睇完有驚喜，並唔係齋為嚇而嚇嘅恐怖片。戲入面嘅劇情道具畫面有好多細節，睇完之後要慢慢沉澱同反思，相信每個人嘅體會同感覺都會唔同。唯獨劇情鋪排同製造張力呢方面仍然有進步空間。

白靈演技傳神，AK表現有驚喜，小演員都做得好好。音效令成套戲生色不少

一套好有本土特色嘅鬼片。屋村嘅場景，紙紮用品，都巿傳說，香港人一定會有共鳴。熟悉嘅畫面再加上配樂，令畫面更驚嚇。
戲中演員都表現出色。白靈活演母親對兒子的又愛又恨。譚玉瑛，太保嘅表情陰險得令人心寒。AK的演出好有驚喜，驚恐表情演得自然。

故事好有深度，令人有好多反思。美麗新世界確實令人心寒。

導演好細心，電影中隱藏好多細節，利用鬼故講故事，幾有意思。只能夠說現生比鬼更可怕。每個人行出戲院領悟到嘅msg ，每個人解讀的可有不同。亦好欣賞演員們，AK,白靈姐姐,小演員嘅演出令整套戲節奏氛圍更緊湊！

不單止是鬼片，而是一套劇情片，女主角白靈演活了一個單親母親帶著有問題的兒子所承受的壓力，男主角AK亦演出恐懼眼神，譚玉瑛和太保陰深演出令人心寒，好多細緻位需要再三入場睇才看清，是一套好好的港產鬼片。

這是一套港產驚慄片，之前從未入過戲院睇恐怖片、鬼片，七月返歸不是一套超級恐怖的鬼片，不過有部份情節、畫面都令你心寒。這套戲發生在愛民邨，能夠在工廈搭建一個愛民邨的景，美術指導應記一功。故事的內容亦都值得去細味。

《七月返歸》是齣本土味濃嘅港式鬼片。揉合了公屋場景和細細個就口耳相傳嘅都市傳說。而導演用恐怖片作題材來包裝想表達的喻意都頗為高明，正如他在訪談時常常講：「鬼片是比敎育電視更有敎育意義。」人們對驚嚇畫面往往是最深刻而入心嘅。一句句蘊含言外之音的對白或是場景，都可能牽引著什麼訊息。令人不其然地想起《Nope》，當我讀懂背後的隱喻，會有種毛管戙到想肅立拍掌的感覺。

一套加入不同香港都市傳說原素的鬼片，故事圍繞住一個香港屋邨拍攝，加入「室內開遮」「九港鐵路廣告」「狐狸先生幾多點」，講述鬼月期間發生的鬼故事，本土味濃帶親切感，白靈演技已不容置疑，男主角雖然較新但演技亦值得一讚，故事多層次有很大討論空間，值得進場一看。

我很喜歡白靈，他的演技真的是一流，AK好像是偶像，但也不錯，整齣戲看到香港不為人知的文化，我覺得還蠻有意義

近年少見既優質港產片！
除咗表面上既屋邨鬼故事，底下隱藏住好多只有香港人先明白既深意。導演成功由頭開始已經塑造到果種氣氛，令人一見到情節去到夜晚就會自不然緊張起來。該有既jumpscare都有，七樓既一場戲簡直係畫龍點睛。
AK江爗生演技比之前表演出明顯既進步，唔賣樣只賣演技，令人印象深刻！七月返歸係令人睇完會思考，會想再入場睇多次去驗證自己諗法既一套戲，實在係近年少見既同類型片種④

網上好多好評吹到好大，俾人呃咗入去！本身值2-2.5分，但被人呃太嬲，1分差評！

抗衡班鏡粉啲盲目五星，好心就搵啲真正演員做戲啦

不夠驚嚇，根本吾驚，故事開頭還可以，中段開始悶，结局用隱喻不喜歡，手法用在恐佈片有D九吾搭八，小演員同白靈表現出色，男主角表現有進步空間，總之睇威尼斯謀殺案好過，D八九十分吹得太勁，睇完有D失望

美指 白靈 幾好
導演你搞乜呀?
想玩政治隱喻但功力未到家
恕我直言，套戲實在太九唔搭八

俾d高評分提起興趣去,點知又瀨野, d鏡粉唔好再甘樣啦, 逢偶像就唱好, 邊度值8,9分呢?