龍鳳黐孖J

孖生兄妹阿積與阿芝，生得餅印一樣，想認錯都好難。生活有規有矩的阿積 (阿當桑迪拿 飾)妻賢子順，生活可以用完美來形容，偏偏跟他同年同月同日生的孖生細妹阿芝 (阿當桑迪拿 飾) 成日聲大大，做嘢論論盡，一出現就好似皇后出巡，未見其人，先聞其聲。一年一度的感恩假期，孖生細妹阿芝年度家訪，令阿積懊惱不己。阿芝寄住阿積家中期間，搞搞陣冇幫襯，仲越住越耐唔捨得走，搞到阿積非常頭痕，唯有被迫出招，用不同方法趕絕阿芝，誰料……。《命運自選台》《愛情大龍鳳》喜劇天王阿當桑迪拿一人分飾兩角，雙龍出海，孖住報喜，芝積迎龍年。