波兒出城之妖壇教祖三點"畢露"搞硬美國佬
未有預告，請密切留意。
訂閱我們的Youtube頻道，有新片預告即刻知！
繼2006年演員沙格畢朗高漢（Sacha Baron Cohen）與導演拉利查理斯（Larry Charles）合作騎呢笑片王《波叔出城：哈薩克鄉下佬去美國搵著數》，造就出比星爺更無厘頭、比晶哥更踩界的不文笑片後，波叔今次健身剃毛化身基基奧地利時裝節目主持人波兒，要比波叔更出位，誓要成為比希特拉以來更出名、更出名的德語系名人！ 波兒身為時裝騷主持，諗住直擊米蘭時裝周，點知一擊即時搞禍個騷。俾監製豉椒炒魷的波兒深信自己魅力沒法擋，此地不留人，自有留人處。決定同助手路仔一同闖盪阿美利堅做超級巨星。要紅一定要夠曝光率，波兒積極出席各大小名人專訪節目，由真人騷明星至政客大小通殺，並且大騷本錢同「細佬」以答謝觀眾，激到嘉賓以拳頭相報。