破。地獄
- 查看其他版本
觀眾影評
我先睇左簡介大概知道係一個小眾又嚴肅，真實甚至敏感既題材，所以對冠文子華為首既演員如何演繹呢個咁有挑戰性既主題帶著期待。我覺得十分滿足。
見到評論比較兩極化，我覺得係觀眾對電影期待不同所致。如果你期待冠文子華拍既就係喜劇，你會失望；如果你期待劇情緊張刺激新奇有趣充滿娛樂性，你會失望；如果你覺得電影要好positive好正能量，你會失望；如果你只想睇子華演技有無更上一層樓，你可能會失望；如果你因為其他人話部戲好正好正，但唔知邊度正，貿然被拉高期待，你會容易失望。就好似你去波鞋鋪買生果，你會失望，因為走錯場。睇電影都一樣，我比較幸運，對電影既expectation咁啱match，所以好有收穫。未睇過破地獄既朋友，可以參考下，避免走錯場。
推薦觀看
演員及結局都好出色，尤其是衛詩雅，唯獨是道生由入行至上手速度太快，令我難以入戲。
有很多人將破。地獄與焚城比較，其實兩套片種完全不同，根本毋須比較，相同的是兩套戲均令我感受到係誠意之作嘅港產片，絕對值得入場支持。
看完這套電影已快一個月，仍會記得，好電影值得激讚。
導演及演員好齊心去說好故事，當中每個角色（包括客串），沒有一個是完人，有愛有恨有自私有包容，很活、很真實。
先讚導演，喜歡他在嚴肅題目把控的節奏，在早中段很多淚崩位，處理點到即止，或者因為每個角色演繹情緒已非常到位，導演不想大家哭太勁，看不到故事推進？
因為節奏好，用人好、黃子華代表的逆境自強、正向、許冠文獨有的活潑語調，都取代不了，引領到觀眾用到另一個角度（角色的眼光）去消化「生死」一個艱深的題目，很成功。
另一個必要大力讚賞，是女主角衞思雅！很多人都讚佢做得真，yes100%，佢係連飯桌戲對家人也可以牽着觀眾情緒。另外，細微位的情緒變化，係勁。
在力救（金燕玲）角色時，小小的女子用了最大的力氣至絕望，緊接是她送別（金）的戲，也是其中很打動人的戲。
這埸戲，她不是用爆的，而係情緒牽動住觀眾的心。
衞的角色是因原生家庭影響，一直隱藏自己情緒，受委屈也很硬淨，是不示弱的女仔，但她在面對死亡，首次在外人前展現出難過、脆弱、感激黃子華的周到、哀傷…（ 一直忠於角色，不搶不爆，情緒卻一直去……）最後兩人鏡頭已拉遠，佢嘴唇動一動，輕輕地呼出口氣，似知道（金）好了，佢安心了。
其他就算食飯戲，衞對住許冠文同對家人流露的愛及不滿，都令觀眾覺得心疼。
到要爆的戲，佢同哥哥朱柏康閙交，一個輔助語氣的粗口，不多不少，香港人獨有文化（不知道是她自己加、還是編劇，要讚！）
呢套戲，想讚仲有好多好多好多，資料搜集，不日成婚的班底配角及客串，開埸同結尾出現的秦沛，仲有結尾首歌。
仲有仲有，許冠文、黃子華，再次謝謝你地帶出這麼好的香港作品！
呢套戲有幾個主題嘅：生死、家庭、父權社會
父權社會同生死唔使講啦。許冠文本身就係一個父權同傳統嘅象徵嚟。由「半斤八兩」開始已經係，正如秦沛所講嘅老屎忽。
問題係點解要黃子華？因為黃子華就係代表反傳統同家庭嘅人嚟。「黃子華」同「家庭」最容易聯想嘅係「飯氣攻心」呢套戲。當黃子華喺套戲入面講「人在，家在」就已經好有「飯氣攻心」嘅影子。
其實套戲都有好多潛台詞，好似許冠文話「朱栢康唔似自己，有勇氣反抗老竇」，可能當初許冠文都唔想做喃嘸師傅，因為傳統同冇勇氣嘅關係，變成下一代嘅老屎忽。而許冠文從來對「傳統」係冇問過點解？
到最後許冠文唯一反抗傳統嘅，就係畀自己嘅女破地獄，算係最有勇氣嘅一次。
喺套戲嘅世界觀，女嘅想幫老竇，男嘅唔想做。明顯就係資源分配錯嘅社會。喺父權社會入面，唔只女嘅受害，男嘅都一樣。
一套頗有正能量的電影。主角黃子華轉行轉殯儀營業員(半個老闆)，用腦又用行動，為死者防腐、換衣服及化妝。他更重要的是用同理心照顧死者家屬的感受。由於他造慣棟篤笑，面部表情較誇張。
他在電影中最精警一句是最後和同居女友大意說，不要常想著何時下車(離世)，好好享受沿途風光。
另一線的許冠文的家庭，反映父慈及子女的孝順，上一代父母沒有用言語及行動來表達彼此的愛，大家可藉此避免。
黃子華不嬲都好戲，許冠文真係老戲骨[強]衛詩雅有驚喜，朱柏康呢片綠葉都好掂，仲有秦沛老戯骨，成套電影貼地得來又有淚點和感動位，我會比4星 。