久別重逢

以puppy love 包裝的人生課題，帶點奇幻及浪漫，長洲及日本取景賞心悅目，Natalie帶動整個故事表現出色，香港電影少有的情節，睇完第一次已經想二刷

套戲絕對比自己去尋回初心，相信每個人都會經歷迷失自我嘅時期。拍攝地點很靚，電影配樂做得好好。不得不提Nat今次很亮眼嘅表現，亦很期待佢之後嘅作品❤️

很治癒的電影，有美麗景色，有動聽音樂，有純潔愛情，當人長大了很容易忘記最簡單的快樂來源。這套電影卻能喚醒初心，新導演各場景都處理得很好，令人很快投入各角色的情緒，看完亦對生活有一番新領悟

以為輕鬆愛情小品，但最後會有不自覺的揪心，亦令我反思自己既初心⋯
加上Natalie，Ian 同 Ekin 都好自然，畫面好靚，音樂又好好聽，睇得好舒服

睇咗優先場.這部電影非常好睇,喺我今年最好睇的香港電影.演技非常出色.導演和劇本都非常出色.配樂非常好.喺一套睇完之後好有窩心的電影.值得支持這部電影.

估唔到香港都可以拍出呢一種日本小清新風格嘅電影，有種直擊內心嘅感覺，我覺得是用少少奇幻包裝，但令人可以面對自己內心世界嘅電影，女主角好似一個橋樑，令男主角找回自己嘅初心。四位主角都表現得好好，當然最驚喜係少女夏文萱嘅飾演者許恩怡，同埋都好欣賞電影嘅配樂，非常喜歡。

一直以來純愛電影都係日本或台灣較為出名，香港真係好耐好耐無出現過呢類型嘅電影。故事雖簡單但透過音樂就可以帶到你入戲，短短示夠２個小時就可以令你放鬆心情甚至也可以畀到自己一個機會找回自己的初心。更不可不說當中嘅靚景例如香港長洲日本四國。其中Ｎat的演技更是吸引人目光。

唯美畫面，故事舖排流暢，配樂及選曲非常好聽，兩位男角Ian和Ekin雖然不太似樣，卻演出同一感覺令角色有說服力，新人Natalie 表現更是驚喜，和Ceci對手很感動，極力推薦入場觀看。

很窩心！ 很感動的作品！

最近好多電影題材都比較沉重 又或者係打打剎剎比較多 如果想睇一部輕輕鬆鬆純純既愛情片 可以選擇久別重逢 成套戲取景非常之靚 無論日本定長洲都拍得好靚 女主角許恩怡角色討好 鄭伊健終於放低偶包 演到一個落泊失意既音樂人 陳卓賢角色雖然同佢本身有啲似 但是充分睇到佢音樂既天份 演出尚算自然 演到中學生嗰份青澀味道 除咗愛情其實呢套戲都可以提醒下大家點樣搵返自己既初心 值得入場一看 結局有驚喜

從日本回來後~今早去了歐美看了一套廉價早場...“久別重逢"
"last song for you"~~

電影是講述一大叔、一少女與一名少年~因魔法石而進入~平衡時空~穿越到每一個多重宇宙的故事...

故事由長洲開始~帶我又再一次回到：平和、抑鬱、冷清又浪漫的日本去。

最後通過和弦、魔法石引領下~續步續段去找回主人翁的初心，又明白了喜歡與愛之間的分別~最後內心得以療癒及和解！

雖不是鄭伊健的粉絲，但這電影絕對是：My cup of tea...( 有點點已故女星~中山美穗~電影 ”情書" 的感覺與影子 ) ....！

https://youtu.be/8O4DO4xZIxw?si=xFCtWmjJujrQXgae

好睇！感人！會再看一次！

男主角演技幼嫰.

我睇咗3次！

做假太多,不會再中伏.

點解下面咁多評論話好睇嘅，我真係比下便啲評論呃咗
套電影真係好悶，搵到我瞓着咗

電影畫面拍得很美。入場前抱著看愛情片的心態，沒想到最後會在其他地方有反思，好看又感動。

睇咗兩次，有唔少位都觸動我淚腺，一個係少女夏文萱自彈自唱嘅時候，第二係少年同中年蘇昇華嘅交流，很動人，睇完又有種釋懷嘅感覺。香港好耐冇人拍過呢種咁純粹嘅電影，導演很勇敢。

久別重逢是一套感動人心，令人思考回味的好電影。它的主題並非單純愛情，反而是有關人生，有關遺憾和找尋初心的故事。四位主角都恰如其分地又自然地演活成年人的滄桑無奈，少年人的純粹和對未來的憧憬。Natalie的演出 更是亮點⋯⋯電影在日本四國和長洲取景，畫面非常美麗，有新誠海「你的名字」的感覺。電影中亦有不少音樂元素。
聖誕新年假期非常適合看這一齣有溫度又療癒的電影。

台灣愛情小品嘅節奏，無刻意煽情，但會令觀眾隨住主角嘅喜怒哀樂而有唔同感受，一齊笑，甚至一齊喊。
有好多好多句對白都令人想好好記住，好感觸。
Nat絕對亮眼，有頭帶到尾，所有動作表情都牽動觀眾情緒。
套戲嘅完成度好高，配樂，取境，攝製都好靚。

好老實講男女主角都醜樣,真係唔明啲人點讚得落?伊麵老態得緊要,故事睇到頭霧水?唉 .....差！

睇完覺得好感動，原來自己同自己已經久別重逢，係一套純愛嘅電影

靚人靚景，音樂好聽！

可能有劇透內容，如果想查看請按此顯示。

畫面靚，配樂好聽
4位主角好適合角色
情節唔太複雜因為主要message係講修補遺憾同尋回自己
演員尤其許恩怡成功帶動觀眾情緒
一路睇後期都聽到開紙巾袋聲

一部香港好耐都冇見過嘅清新純愛奇幻小品
不是情情塔塔 仲可以搵返一啲遺忘咗既初心
會療癒到自己 啲景拍得好靚 啲歌絕對感動到你
聖誕想睇一部唔沉重 但又感人嘅戲
呢部係絶對值得入場支持 久別重逢

溫馨小品，好啱聖誕節睇。新演員Natalie亮眼，不一樣嘅鄭伊健，才華洋溢嘅Ian. 出乎意料，淡淡然地勾中左某D昔日回憶

可能有劇透內容，如果想查看請按此顯示。

有人話要睇多幾次，我係同意嘅。
點解呢？因為我睇完之後根本唔係好明佢哋穿越時空嘅動機係乜？
為咗想見多一次？想改變未來？唔想自己有遺憾？老實講，明明「穿越時空，見返未來嘅對方／自己」係好好發揮創作嘅題材，應該好好寫。但睇完之後都唔係好明穿越嘅原因同掙扎嘅位係邊？
例如：夏文萱想見鄭伊健嗰陣，係想幫／改變鄭伊健？定係純粹搵返之前冇畀嘅答案？喺唔可以講出自己身份下，作為自己嘅女嘅身份去搵返嗰答案，明明係好有戲劇位嚟。但喺日本嗰段，都唔係好明佢想點？仲有，明明佢根本唔知未來嘅自己會同鄭伊健喺醫院相遇，點解會知道哂？當然係唔明點解喺醫院入面會有嗰琴喺度？

仲有最大嘅問題係，每個角色嘅情報量。因為時間次序應該係：陳卓賢去歐洲＞夏文萱拎到條鏈＞見到未來嘅自己＞同鄭伊健去日本＞回到拎條鏈嗰一刻？？？。
但點解喺夏文萱相識陳卓賢之後冇耐就話已經見過鄭伊健？定係大家未認識嘅時候，已經知道陳卓賢喺自己男朋友，仲要見埋鄭伊健？
咁應該係夏文萱用條鏈＞見到「劇本冇嘅嘢」＞大家相遇、拍拖＞陳卓賢去歐洲＞夏文萱再拎到條鏈＞見到未來嘅自己＞同鄭伊健去日本＞回到大家相遇之前？？

我知道自己唔應該咁認真，但喺戲院嗰陣真係越睇越令人覺得WTF？真係成頭問號。
我唔否認套戲真係好睇，但真係睇到WTF，到出碟真係翻睇多幾次。
最後就係點解明明一開始係命定悖論，點解最後會變咗係可以改變到未來嘅呢？即係杜拉格斯回到過去，救埋孫悟空，再返自己嘅時空，嗰未來都係冇變㗎嘛。點解無啦啦夏文萱會返生？真係好L恐怖。定係喺第二條世界線嚟？

畫面唯美，淡淡然的感動

很有質感的電影，意外地比想像中好看。

感動從來係唔會悶既，變無聊既只係人而已。

之前睇埋18x2，兩者有異曲同工之妙，而呢套係情節舖排更為創新，亦屬佳品之作

平淡帶點感動，一定唔會差到d黑粉比1分

Beautifully made. 鄭伊健驚喜。兩位年輕演員Natalie and Ian 難得。觸動了我的心。支持

一般般

多謝導演拍了這齣近年香港電影的清泉！一部奇幻愛情及想喚醒人的初心的電影。取景及拍攝都好靚！此片選角出色，四位主角同角色非常配合。少年的一對，充滿純真和甜蜜的初戀，令人賞心悅目。中年的一對，充滿真愛及真誠。此片值得一睇再睇，細味品嘗！特別想讚Natalie，此女孩演出自然可愛，帶動了整齣戲所有的情感！

聖誕檔期好多大片上映，唯獨呢一套《久別重逢》最hit到我！入場前係睇咗唔少知名電影評論KOL/youtuber嘅推介先決定睇，心諗好耐都冇一套港產愛情電影得到咁多好評，睇完之後先明白呢套係以愛情電影為切入點，實質係一套療癒人生的作品！無論係取景、攝影、剪接都充滿美感，日系美學氛圍睇得好舒服！而幾位主角演出自然，特別係女主角Natalie許恩怡，演出好有親和力，同鄭伊健或者陳卓賢嘅對手戲都好睇！主題曲、插曲及電影配樂都好好聽，好呼應到主角們嘅心路歷程！絕對值得入場！

電影好睇, 成套電影的音樂好聽到好似音樂劇電影.

令我回想5歲時初戀的感覺

超好睇 男女主角好靚 導演好嘢 演員 十分精彩 值得五粒星 睇完可以再睇

－般

不好看

沉悶,平淡,感覺好悶.

內容無趣

如果呢套係電視劇呢,你一定叫悶死轉咗台,愛情片已經冇新意了,只因為卑咗錢入場冇辦法,才要睇下去.