雷霆特攻隊*

失望！好失望....！為甚麼英雄片變咗笑片？實在過曬位太多笑料了！

寒冬戰士公路出場只係扮有氣勢扮有型,扮下大哥！捉完人大家又願意跟去集結? 極之牽強,打幾打手都甩埋,真係笑料.....

最強嘅超能力壞人,舜眼間不費吹灰之力打贏曬各路英雄,但比個女人一按個掣就瞓低?重有冇兒嬉啲呀? 又會咁易比女人講下嘢就受去操控到?

成套反駁處極之多！扶下救下受傷市民?跟住市民感謝去地叫英雄? TVB劇咩? 缺點其它師兄都已提及到了,不再重復講！成套惟有靠動作及特技場面去支撐！

壞人係市區用超能力,將市民變黑影後就消失埋?係好有新意,
最後重將整個區域變曬黑氣,但冇交待啲市民又冇消失?
咁變黑嚟做乜?停電好過啦！
重之太多問題......但仍可一看.

新黑寡婦成套佔戲勁多,一開頭格硬加ー場動作場面,去美化去打得,扮有型係極造作！
呢班聯盟都勁廢！根本冇一個人可擔到大旗, 老豆成日瘋瘋癲癲,垃圾硬笑料,有辨法笑得出,成套加入太多料,搞到不倫不類,成套只得個壞人最勁,
特技還可以,叫做好過個套垃圾美國隊長4啲啦,都係等返真正聯盟5上影好過了.

marvel模式都係一模一樣！完全係沒有新意！例牌式動作,人地Dc英雄片劇情完全赢曬,有人可能要求低就去收貨叫好？唔代表其他人冇要求呀？

呢班所謂英雄例牌嘢,危急時去救下市民,復仇者套套都如是？真係老土到嘔！

一開場就擺嗰幾個英雄互打而認識,為集結而集結？求其將個好人變到最強壞人打贏曬,之後又自己打返自己？牽強到爆！父女情又唔感人,老豆似痴線佬多,求其集齊幾個就話叫聯盟？

比想中失望！

雷聲大,雨點小,胡胡鬧鬧變攪笑片？？劇情好差, 其實幾個加埋能力都好,不堪一擊,完場好求其又老土,中伏！

比想像中差好多,美國票房收得？觀眾要求都好低？

一味堆砌爛笑料,成班英雄人物格硬擺埋一齊集結！成日不斷制造這堆人做復仇者聯盟！
極之hard sell,成套整一堆動作鏡頭滿足marvel 迷？極之商業味！劇情空洞
最後對付壞人求其草草收場,極之兒嬉,感覺好胡鬧.
壞人好人都係同一人,原本衰人角色技能極之強勁,無人能敵,但........

自己入場睇啦！彩蛋又係攪笑嘢....完！唉.....

近來同期冇大片上,可以一看解悶！

真係好一般啦,全部都係預計之内,打法近似動作又重復,新黑寡婦新及山寨美國隊長、寒冬戦士打法跟以前幾套打法一樣,而最強壞人只係打了一場就收皮,最好睇呢場,
之後正義嘅自己戰勝壞人嘅自己,咁又變返好人？吓~快過打針食藥?

*劇情甚為兒嬉！個衰女人上司最後竟然冇事可以甩身？？係記者面前宣怖呢幾件最弱嘅,加多個痴線紅衣攪笑老豆,就係新正義聯盟？ 我當堂笑咗,又想求其食返老本算？

想問吓新一代全部唔夠人打？又如何有能力去做保衛全世界呢？同上一代比真係天同地分別！

*重有新黑寡婦不斷重復回憶諗返以前後生樹林個場,駛唔駛重復出現多次呀？
成套戲份全大多集中係去個度,

*寒冬戰士做議員角色,編劇想去做聯盟大佬？但又唔係醒過人有腦？完全冇說服力！

話好睇個人究竟你有冇要求㗎？劇情牽強完全係倒退之作,只得動作算係ok解到悶,成套戲你剩係當笑片睇就算了！呢套算係最多笑料的一套英雄片.

開頭天台跳落嚟以為一開場有大動作打鬥 點知就係得一個鏡頭 打鬥普通， 真係嘥咗開頭嗰場戲。 套戲開頭有少少悶， 講多個做， 去到地堡自己人打自己人 先叫做有啲動作睇下， 響城市天台同哨兵打實體動作 先叫做全套戲最好打嘅場景， 但臨尾同哨兵打心理戰， 唔係打實體動作 就真係成套戲最差嘅場景喇， 唔使打就草草收場， 真係估佢唔到有啲失望 同臨尾字幕之後 兩個 彩蛋其實冇乜特別 驚喜，套戲可以一看， 不要期望過高。

內容改編了，續集一定不看

模仿大師一出場就玩完？樣根本都未睇清？角式既然係冇用,又何須要去出場呢？(睇報導戲份被cut 走咗）其實個痴線紅衣老豆就應cut 走去啦,低低地！
新黑寡婦就太多戲份啦！肥肥矮矮身型又唔性感！擔鬼到旗咩？
頭兩日票房叫做正常吓！之後就即刻插水,可能因口碑唔惦,劇情唔惦,
除咗奸角技能究出之外夠吸引,其它英雄人物都唔惦！
動作又係個啲冇新意！marvel真係越來越唔惦！

宣傳吹到好大, 影評寫都好誇, 好悶好普通, 情感位亦都唔特別感動, 好失望.

比想像中好睇

不完美既人物更有血有肉
新黑寡婦演技撐得起成出戲
美國密探原本係獵鷹與東兵係一個討人厭嘅角色
但今次以一個仆街美國隊長既角色表演
打洗更狠有自己風格
哨兵做到兩種性格轉換演技一流

缺點係最後可以再大膽 再腦洞大開去呈現出嚟就更加好

暫時第五階段係得佢同銀河守衛隊3
你睇完之後出咗場唔會覺得劇情邏輯有一個好大嘅問題
所有角色建立得好完整
唔可以話原味但係只可以話marvel回歸正軌
唔再有白痴政治正確橋段
為咗引其他角色出嚟易拍嘅電影

Marvel's return is HERE

懷疑樓下有部份影評靠睇預告片亂吹，各花有有眼，但都不能亂鬧一通。此片我覺得值得推薦，超級英雄片已經拍得太多，太多打打殺殺大場面無腦亂打睇到無感，今次眾人對付哨兵處理好合理，如果靠武力制服真係毫無說服力，好多場景都好有心機表現角色性格描繪，以及各人之間關係互動，有感動位唔係做作，演員都好交到戲，對比 Marvel 過往電影好有突破。