數碼暴龍02 THE BEGINNING
- 查看其他版本
影評概況
觀眾影評
數碼暴龍02 The Beginning(含劇透)
作為舊IP, 難得出電影, 仲要係人氣好高嘅02,
其實觀眾入場想睇D咩野, 作為導演同編劇冇理由唔知...
但本作出現左太多致命嘅問題:
1. 真主角-阿類定位不明, 到底想定唔想同返烏科獸接觸? 套戲一開頭主動爬上塔接觸, 即係想啦? 但點解之後落黎又一直都抗拒接觸, 彈出彈入完全唔知佢想點?
2. 叫得做續集, 咁有D野就一定要連貫, 片中過多唔合理嘅地方, 食晒書問題事少, 但生左太多BUG出黎事大, 咁多集之後你同我講人類同數碼獸羈絆係被創造出黎? 但最後又話友情羈絆夠強大就足夠, 暴龍機以後都唔洗架喇, 咁以後仲點進化呢請問? V仔獸第日點樣倒數? 係咪唔洗消失? 咁太一亞古獸同大和加布獸係咪叫做生不逢時? 定係佢地之間嘅羈絆一直只係FUCKING TRASH? (MARKETING班人心諗: 仆街以後仲邊有人買暴龍機?)
3. 有人話今集文戲好好, SORRY, 唔敢認同, 其實觀眾唔介意故事係走恐怖情人路線, 嘔心, 恐怖, 乜都可以, 但大家會好介意搞咁多野結果帶出一個阿媽係女人嘅訊息-溝通好重要... 但根本冇帶觀眾深入了解主角類同烏科獸一直缺乏左點樣/乜野質素嘅溝通, 只係輕輕一句帶過需要溝通, 真係得咩?
4. 承上, 主角幼年生命中咁多嘅不幸, 真係用溝通就可以解決? 4歲仲未識控制大小便, 父親重病, 母親長期虐待, 我好想知可以點樣同烏科獸用溝通去解決呢堆問題, "唔該烏科獸可唔可以叫我阿媽唔好打我,但我又想佢做返自己~唔好思想控制佢~"? "唔該烏科獸可唔可以幫我搵D朋友,但如果佢地唔想就唔好思想控制佢地~"? 咁樣發展可能烏科獸唔夠1年就會郁手殺左阿類先?
5. 一貫嘅問題, 一去到玩神明就會出BUG, 烏科獸明顯有能力做到思想控制, 醫病等等, 但又會話因為類嘅朋友太忙, 而大部分去唔到佢生日會? 咁即係點? 另外類同巨型烏科獸溝通完, 烏科獸叫主角消滅自己, 我更加唔明, 果個唔係你自己黎架咩? 溝通好都叫人打死你自己, 你自己唔識停係咩玩法? M底? 精神分裂? 分身術? 定係為左加多幾分鐘出黎比大家睇02班人放技打落去諗住滿足下觀眾?
6. 冇新進化唔緊要, 但打鬥少到真係過份得濟, 佢始終係一套數碼暴龍, 80分鐘, 你打5分鐘, 全部角色加埋唔知有冇出到十招, 隨時全套戲進化用嘅時間加埋都多過打鬥呀! 同掛羊頭賣狗肉有咩分別?
7. 02主角淪為變配角, 完全被騎劫, 02配角一半時間卜左間房聽新主角類做講故佬, 成日都話做戲唔好講戲, 表達手法上真係冇問題?
8. 建議: 成套戲唔應該用02做標題, 標題改做數碼暴龍外/後傳, POSTER拎走晒02班人, 只印主角類同烏科獸出黎, 大家起碼唔會對02班人有期望咁入場, 唔好比阿類做講故佬, 前段直接由阿類上塔頂度就多次穿越時空, 經歷阿類唔同時間點同烏科獸之前發生過咩事, 中段現實時間02班人登場, 睇到新聞有人上塔於是上塔頂調查, 第3人稱咁望住阿類以前發生咩事, 望住阿類同烏科獸溝通不果導致返回現時, 中後段阿類灰心孤獨果陣得到02班人教阿類佢地嘅溝通缺乏左咩質素, 比佢知道自己唔係孤單一人面對烏科獸同過去, 咁樣大家反而有驚喜, 咁樣更加CHEER UP到類, 一定好過依家咁樣入場睇講故佬, 同詐騙傳銷冇分別
好嘅地方:
1. 新編嘅曲全部都好好聽
2. 進化好睇
3. 02角色群人物性格KEEP得返
4. 作畫唔錯, 至少冇炒車
全戲總評分:3/10
估唔到隔咗十幾年，呢套新作竟然同電視版一樣，一樣係咁難睇。
本身電視版嘅角色描寫都已經好薄弱。到呢個新作，主角仲更加薄弱，電影focus喺新角色仲多過主角。除咗首歌同有少少回憶之外，都冇咩好講。
以下係我個人感想，作為01至04之中最垃圾嘅02嚟講，我永遠唔記得入面有咩場面係深刻，不論係電視版同電影。我寧願佢電影完補一啲角色性格同人物之間嘅衝突好過。
我唔想印象中，作為主角嘅大輔成嗰路飛咁，成嗰細路仔。
加上其實一樣嘢係唔明，點解要搵緒方惠美做新角色嘅配音，一睇就知邊個係主角啦。加上又要做弱角色，佢每次講嘢就令我諗起碇真嗣，初號機嘅BGM就會喺腦入面重現，完全代入唔到。究竟係邊個天才諗出嚟？
最後係幾時重製03啊？