熱烈
影評概況
觀眾影評
人人心中都一定有過嗰團火！ 少見嘅題材，貼地嘅劇本，大鵬你今次係掂嘅！首先街舞仲要係breaking 應該玩嘅人唔算多，但偏偏因為成為咗亞運項目而有機會拍成咗近年少見嘅體育電影嘅主線。 大鵬嘅運鏡好有觀眾視角，把專業舞者們嘅真材實料嘅breaking 動作拍得更有衝擊力更震撼！ 配樂好搭，忍唔住一齊拍！ 另外個劇本堅貼地，男主家中負債但堅持在謀生還債嘅生活夾縫中追夢，慘但無勁賣慘，佢媽媽舅舅都慘但真係拍出咗濃濃嘅愛，極感人亦好合理解釋到男主嘅忍辱而吞下去不出惡言嘅行為性格，係在愛中成長嘅苦但開心嘅青年。 彪彪和資方甚至黃渤嗰三個朋友條線就正正代表咗大部份曾追夢而被環境生活現實打擊最後被迫放棄嘅普通人！ 我相信人人在人生嘅某段時間或長或短一定有過一團叫夢叫熱愛嘅火，成功與否、曾經熱烈可能更令人動容（ 決賽前王渤前妻和朋友困境中都支持佢「替我們跳下去」，比賽進行時彪彪上班偷睇，下班繼續打氣如同自己在陣，仲有資方嘅吶喊、舅舅嘅投入，無一不是熱烈！) 最後想講劇本和剪接喺感人、激情、 搞笑上嘅分配好理想好舒服，真係有笑有淚有激情嘅好片，配樂一流，有粵語歌有方言歌仲有D好合場景嘅舊歌，我睇得好投入！多謝大鵬，好演員好戲！ 專業舞者們交足貨！少見嘅街舞體育片《熱烈》值得！
中國演員拍得精彩及辛苦，值得入場觀看，101分！
之前以為只系講街舞嘅電影，睇佐之後覺得尼個係人生悲喜劇。有老餅失意多年力爭上位，有後生仔打拼委曲求全。可以睇到各階層和財富程度下，唔同嘅人追求夢想的唔同景況。中途睇到陰陰哋喊佐好幾次～人生無常，其實有幾個人可以實現理想啊，但係，如果唔努力，肯定系無可能成功啰。無人嘅成功可以隨隨便便，背後真係要落功夫牟低身去搏。王一博演嘅陳爍，演得非常入肉，將一個熱愛街舞嘅平凡小人物表現得惟妙惟肖。陳爍跳舞嘅時候同平時完全唔同嘅feel，我覺得可能每個人都係甘，面對自己熱愛嘅事物，可以爆發唔同嘅一面。我真係好中意《逝去日子》個段勁舞。當然，最後總決賽個段亦都非常爆。王一博跳舞真係好型啊。認真睇佐，好多高難度動作的確都係王一博跳嘅，唔係替身，真係好犀利！型到爆？
有笑有淚，熱血沸騰
《熱烈》能觸動我的心弦是因為處處都見到自己的影子，無論是年青博殺時的我，還是現在人過半百的我，都能在不同的角色中尋到一塊自己的靈魂碎片。
主角陳爍及丁雷的故事固然能感動到我，因為像見到年少追夢、拼博的我，及現在面對中年危機的我。意外地竟連劇中每個配角都很出彩，翻譯助理、舅舅、謝哥、薰陶哥等，他們各自背後的故事究竟如何都很吸引我，絕對可以拍番外。
本片有笑有淚，就像人生。看這部戲是一種浸沉式體驗。隨著每個角色的遭遇互相交織以及他們各自作出的選擇，我們的心情便跟着高高低低，起伏跌宕，隨悲隨喜。尤其到了最後一場爭奪冠軍的總決賽，你會感覺全身的血脈都跟着音樂的節奏及每一個舞步而跳動，十分熱血！
黃渤影帝級演技不容置疑，完全演繹到中坑老油條的味兒。王一博演出十分自然，完全令我覺得他就在演自己。
這套戲絕對值得觀賞。