釀魂
影評概況
觀眾影評
《釀魂》標榜懸疑劇情片，故事一開始建構各人的關係和心結，心結經亞武多次挑釁後幻化成心魔，著重看各個角色如何面前難堪的過去。如岑導演所言，《釀魂》想探索角色的ambiguities，帶俾觀眾思考的空間。對於只視之為鬼片要求驚嚇的觀眾而言，呢種深度未必適合嗰類先入為主的觀眾。演員的演出精湛，John哥角色呈現的多種面目，癲佬、村民、父親嘆為觀止。嘉豪被上身帶出的獸性、神婆與女兒捉迷藏的溫馨又滲透淡淡悲傷，浩天的義氣和心底的強大善良，仲有子傑的內咎和釋懷，係各角色的showcase，又實質環環相扣。盧瀚霆尾段的演出，尤其肢體動作有驚喜。大家講嘅美術、燈光、置景同過場，睇到本地電影工作者嘅認真同水準。支持香港出品的電影。
釀魂其實唔算恐怖片種,反而係劇情片,只係音效營造恐佈氣氛,音效做得好好,尾段John哥同summer父女情好感人,最尾Anson Lo比鬼上身一幕好迫真,見到Anson Lo條頸發出啪啪聲,七情上面,連手指關節都表現到扭曲,值得一讚,每一個角式都不可多得,值得支持。
以驚慄片定位算係中規中矩，故事人物環環相扣，導演在短短100分鐘要交代各人物背景和內心感受，功力值得一讚。而另一重點當然係配樂和美指，每個景和道具都設計得好靚和劇情配合。演員方面，John哥、朱康一定係水準之作，學院派的紫萱亦交足功課，驚喜係盧瀚霆竟然肯放下偶包，演活受驚和鬼上身都自然唔做作，演技方面應下過唔少苦功。
劇情中間比較散
但都唔少驚嚇位，令人好緊張。
畫面構圖靚
演員用心去做，個人最欣賞朱康同AL。
特別係鬼上身一幕，兩位都做得好。
John哥原來已經76歲，真係寶刀未老。勁！
父女情都好令人感動！
仲有吳肇軒角色都令人感動。
值得推介！
小本之作新導演要支持一下！
畫面同音效好鍾意，演員都表現出色，尤其是最後男主上身一幕非常驚艷，值得入場再睇。
支持教主
咁大個人，第一次學人寫影評，原因之一係我本身不熱衷睇戲，原因之二係我有個「好奇怪」嘅習慣，就係睇每套戲（無論係乜嘢片種）都會小睡2-30分鐘，無咗接近三份一或四分一嘅時間，所以都唔會寫到好持平、完整嘅影評。但今次出奇地完整地睇晒，（加上好同意影片一開始嗰段文字，好有警世意味）所以寫下感受，希望多啲朋友入場感受下。
「釀魂」～ 一睇嘅片名同劇照第一時間就會聯想喺「鬼片」，但我又會選擇相信只係「驚慄片」，另一方面，又講佢係「劇情片」，好奇心驅使下，就去睇下其實係屬於乜片。
最初開始覺得真係似普通劇情片，同埋拍攝畫面都幾靚，美術應記一功。套戲好快就令你覺得應該會係鬼片，所以做定好多心理準備去「驚」，點知原來係無預期嘅「鬼」，反而期待睇下一個畫面係點。成套戲節奏都幾快（可能要100分鐘內帶出幾個人物故事），同埋導演交待手法都幾高明，唔似傳統嗰種「做」出來，而係一路睇一路意會（仲有就係睇完你仲會諗下係唔係，又同朋友討論返）。
演員方面，姜大偉做戲好睇不用置疑，另外劇中四位主角：咖豪、神婆、浩天同子傑都做得好好，尤其一啲好細微嘅表情，例如佢哋用眼神對望，觀眾好似同佢哋交流緊咁，已經估到發生緊乜事咁，本身對以上幾位演員唔算太熟悉，只知子傑本身係跳唱歌手，但演技真係有大驚喜喎，因為之前睇過社交平台有人留言話佢好差，又話膠人，真係唔覺，反而感覺佢嘅表現真係值得讚賞。
綜觀成套電影，帶住睇鬼片心情入劇院，帶住驚慄心情睇住套戲，但帶住平靜心情離開戲院，完全唔會感到恐懼，反而反思自己是否也如幾位主角咁「執著」不懂放下被「心魔」纏繞。
睇完套戲，同朋友討論，大家都得到嘅啟示係：
『學會放下，活得開懷』
我會再同屋企人同埋其他朋友再睇，因為都想再睇清楚啲有啲內容，大家都可入場用心細味。
見到d 人睇都無睇, 係唔係都比1分真係佛到有火, 有無尊重過自己?
*
本身我唔係鬼片愛好者, 而呢套我都好同意大家講, 係驚慓劇情片, 有推理思考位, 嚇人位其實唔多, 亦都唔算好核突, 都唔需要太怕
其實角色每一個舉動都有巧思, 唔係為做而做, 而且演員演繹到神緒, 華哥的父愛如山, 神婆個種失去的婉惜, 浩天為左朋友的義氣, 子傑的內疚, 特別想講嘉豪呢個角色真係好活靈活現, 不愧係朱康!!
另外成套戲的音效同氣氛帶動得好, 導演的拍攝技巧, 再加埋有唔少前面的道具其實有好多細節位可以扣返落去故事度, 但我都同意劇本比較起黎係有D 遜色, 但係其他方面補足到的套戲
雖然宣傳同海報設計上都定義Anson Lo為主角，但實際上各演員戲份都算平均！相信以Anson Lo 作招徠是因為佢有大既fans base 但其實呢部完全唔係偶像劇！好值得為左各演員既發揮入去睇！(當然此戲中Anson 既演技是可以的，更有某幾部分超出預期既驚艷！）
呢部電影構圖好靚 音效做用都好好 配合劇情好加分！ 但前段第一次睇係相對拖 可以更緊湊同交待多小小細節 例如 珈豪 神婆 浩天 子傑 點成為朋友
中段開始當怪事開始之後節奏就變好了 而當中好多細節感覺睇一次係會接收唔曬（笑） 睇黎導演好明白點令人睇多幾次，就係要人入去睇所有設計同hidden hints 去明白所有野！
朱康同John 哥演技真係好好，接近尾段二人對打個陣真係令人好肉緊！ 另外 Anson Lo 最後上身個段係最令人驚訝佢既進步！佢清楚用表情同肢體表現去令人知道幾時係子傑幾時係阿武， 當中兩個靈魂既角力完全既展現到！
當然Tree 子萱 同肇軒既表現都相當好！
釀魂值得大家入場睇，支持香港電影！
釀魂是香港近期少有的非主流片種, 加入死亡和宗教等元素顯示劇裏個人的心魔和釋懷方式的程度; 在我個人來看, 劇裏不是每個角色都真正釋懷了。
情節不算太驚嚇, 反而覺得比較沉重; 某些情節位置編劇故意留白交給入場觀衆思考，每個人的不同自身經歷去欣賞釀魂都會得到不同的感受和領悟, 這些都沒有對錯之分。
演員方面我覺得各人恰如其分, 角色和角色情感上有互相牽連；我個人特別欣賞姜大衛飾演的華哥, 朱康飾演的嘉豪和林耀聲飾演的阿武, 三位好戲之人很成功帶動其他對手 (特別是新晉演員); 盧瀚霆飾演的張子傑在戲的後部分破格有驚喜。
看得出幕後製作團隊的認真和努力, 除了監製, 導演和編劇用心之外, 特別是道具, 配樂, 剪接, 燈光成功為釀魂營造出緊張驚心的氣氛背景。縱然不是重金大製作, 惟是近期香港本土製作的影片中值得推介一看的一齣。
成套懸疑電影好看,尤其是最後的部份,當Anson Lo主演的角色見到全部人死去之後個種激動的情緒,令我非常投入,鬼上身亦演得非常好,可惜最後的結局我覺得一般,最終全部人死去是一個悲慘的結局
但係整體我是很滿意
港產片嚟講拍得算唯美，畫面充滿藝術成份，對白唔算太多，好多部份要靠演員肢體語言同眼神去演繹，新晉演員算合格。唯一令我出戲就係某啲犯駁位，例如旅行帶埋頌砵，喺自己屋企隨身帶住長刀，同埋病人身上插住唔合理數量嘅輸血管。不過都唔影響觀賞價值。其實釀魂令我諗起一套叫Flatliners嘅電影，被過去嘅各種經歷蠶食，帶出背後含義要面對同釋懷。不過個結局有啲估唔到，建議入場自己領悟。
每一個演員都做得好好，帶出呢電影想表達嘅嘢出嚟，就係面對自己嘅心魔，我最鍾意嗰part就係鬼上身，演員嘅動作、表情都好似一個被上身嘅人，做得好好
突破港產驚慄片套路，運鏡角度新穎，尤其開頭以Anson Lo為主體，幻覺同現實接軌嘅鏡頭取鏡好趣，有新鮮感。個人唔多睇恐怖片，中外都係，因為橋段差唔多，嚇人手法不外乎玩核突同突然彈隻嘢出嚟之類，呢套玩視像、玩音效，帶多少藝術感，而且帶多少訊息嘅表達手法有新意。
演員表演係最大亮點，姜大衛揹戲最重，由造型到演繹都表現出一個背後有故事、神經兮兮髒老頭形象。朱康嘅戲都有趣，角色性格其實無姜咁立體，但佢幾場中招戲可以有唔同表達手法，有功力。另一個係AL，唔會因為佢係偶像身份故意貶低佢表現，戲中佢接到死人訊息一秒眼紅，睇到佢擅於表達傷心塲口。另一段更突出必定係最尾一場，啱啱同日睇咗一套西片有同類情節，相比下佢表情、聲線尤其係肢體動作有層次同真實好多。
套戲比較弱係故事有d位唔合理，一心睇恐怖片可能嫌唔夠恐怖，但老實鏡頭、燈光、音效、美術都營造到緊張氣份。情節雖然有d簡單，但唔會對此過份苛求，驚慄片要花時間營造氣氛，逐個人物講遭遇，又有人鬼對峙，要詳細除非拍電視劇。
其他角色無咁突出，但都叫人人有戲做，無角色可有可無。
家陣香港資金、題材等不同方面好多製肘，新導演、新演員難出頭，拍出嚟有新意已經唔錯。加上演員出色，導演用心，會給予鼓勵。
睇嘅時候諗，如果這套電影不是在主流戲院睇，而是在百老滙電影中心，感覺會否很不一樣。
電影前半段的舖排確實需要點耐性去體會同思考，華麗的畫面隨4位主角梅花間竹式播出，在未搞清楚人物背景前，頗花心神去猜度當中連繫和含義，感覺會有點迷惘，未能完全投入
後半段故事大綱慢慢出現，會突然有彷然大悟嘅感覺，發覺前段的疑問會變得合情合理，想努力回想前半的舖排，會害怕是否錯過了什麼？這感覺其實頗得意的
這樣的結構，加上電影刻意營造的美感和節奏，未必是假日消閑最好之選，但如果想看有點深度的電影、動動腦筋，這算是港產片中不錯的選擇，也慶幸還有創造人願意犧牲一點商業考慮去完成這作品
當初以為係普通港產片, 但睇完覺得拍得唔錯, 音響效果, 美工畫面, 各演員的演繹方法也帶動了恐怖氣氛, 結局也在意料之外
劇情內容平淡左少少，輕輕講左每個人角色背景就進入個緊張氣氛，有驚嚇位未算最恐怖，但係好多細位睇到出擺左心機去做，睇完令人思考，畫面上同一般鬼片唔同。
每一位演員確實做得好，朱康姜大衛郭翠怡吳肇軒好戲，AL陳紫萱睇到既進步，對白上可以再自然啲，反而覺得林耀聲太少戲份。
咁多好戲既人加上節奏算快唔悶，角色平均，點解要對一個人既偏見未睇先判而抹煞左套戲？
見到有人話啲評語話分兩類人，有類人淨睇大頭都話好睇，想要正常影評。套戲AL袁禮林有大頭，但係略嫌太大又唔需要，唔係套戲既關鍵。
希望觀眾明白，粉絲都有理性，應該讚就讚，唔應該推薦就唔會叫人去睇，邊度做得好邊度做得唔好都會講，咁先會有進步。唔好先入為主覺得粉絲一定會一面倒盲住去撐。想平反呢個觀念，仲有粉絲理性識諗。
睇完套戲覺得係可以入場睇，如果唔係haters，唔係粉絲咪50/60蚊睇個早場支持下都ok，點解要浪費左套戲？
Support New Director Kelvin And All New Generation Actor!!
《釀魂》is really good and let you take some times to facing your horror and regret. Recommended for those who having a knot would like to solve them. Anson's performance in this moive is unexpected good! I am so amazing that he can totally presented the character of Finn (子傑) especially the last scene when the ghost upper his body. Really well done this time and deserve high score. Keep it up!
這部片實在是有點謎，我用「獵奇」來形容它，不要抱著錯誤期待想去享受被跳躍式驚嚇，電影裡沒有。電影很注重氣氛的營造以及細節鋪埋。我這邊說的氣氛營造指的是這部片所散發出強大的氣場，充滿壓抑與不安，透過接踵而至的不幸，人物的肢體與情緒，角色與角色之間的衝突，滿滿的低氣壓。
Anson電話的那一場戲全程看著他的樣子，很有戲而且很有捕捉的方法，能夠令簡單一場感情戲在一個有手法的鏡頭呈現。神婆和Anson那一場對話也十分觸動。演員上的演技配合上音樂的節奏十分有感覺，John哥和女兒的那一場戲我看到旁邊的觀眾也有深刻感受。
前十分鐘應該是全片最緩慢的地方但就是套路，後面就開始挑戰你的意識形態。
看完這部電影之後，我會開始思考我和我父親之間因為以往的心魔而造就的代溝，但可惜大家已相隔開了，有些事情已經難以挽回。
到底是好看還是不好看，我似乎沒說個定論，確實，這部片我真的不肯定地跟大家講好不好看，只能說如果你是想要享受驚嚇，想要很驚悚很懸疑搞大逆轉的觀眾，那這部片是沒有的，這部片的特點在於細節鋪陳與氣氛情緒宣洩，導演處理技巧很有一套思想，運鏡也很純熟，這居然是一位年青導演，有才有才。結論，我個人推薦這部電影因為很值得一看演員及新一代創作。
支持香港製作電影，近期有一部唯美懸疑驚慄劇情片「釀魂」。
製作團隊營造驚慄和壓迫氛圍方面做得很出色。各演員表現出色，特別是盧瀚霆。感情戲中用不同程度和方式表達了哀傷悲痛，驚慄害怕，遺憾無奈…..令人驚喜。尾場演繹角色之間的掙扎，觀眾都被牽引着，屏息靜氣地欣賞盧瀚霆演技大爆發。
可惜戲情結構薄弱欠工整，不能完美地帶出片中主題—-遺慽與釋懷。
釀魂是導演和盧瀚霆第二部作品。對於努力和有天份的年輕導演和演員來說，每一部作品都是一個學習和成長的機會，希望導演和盧瀚霆能夠從這次的經驗中學習，發展出更加成熟和出色的作品。
這部戲值得給予一個正面和鼓勵性的評價 。（9/10）
許多跟情節及人物塑造有關的細節有待發掘，整齣戲的可觀性遠比想像中高，值得一睇再睇
最後冚家剷
真係要睇哂先知嗰主角發生咩事。
講真我以為自己睇緊CCTVB，點解一套電影會咁有廢話，好似唔講就覺得自己係啞一樣。始終擺脫唔到港產片嘅劣根性。
結局真係唔算爛尾，但問題係之前嘅鋪排係為咗咩？最後都要死嘅，男主角之前咁多覺悟係咪變咗白廢？明明話唔好理過去發生嘅嘢，但係死咗之後又搵返之前死咗條女一齊。
講真真係唔算好嘅電影，中間太多廢話。但我都會叫人去睇，唔睇又點知呢套有咩問題？
很好奇這電影是在離島或是新界什麽地方拍攝的，竟拍得這麽美！攝影、燈光、美術、道具全都很美，音效也很出色，大部份驚嚇效果也是音效製做出來。看之前已經聼聞這位從荷里活回來的年輕新導演拍的片子很美，果然！且看看明年金像獎會否得到攝影、燈光或美指等提名。
姜大衛、朱柏康演得出色是意料之中，畢竟兩位都是曾得獎的演員，其他幾位演員演出也很盡力及到位，包括丟掉偶包的Anson Lo，眼淚、鼻涕、又仰天大哭。Anson演出經驗不多，但也看到他進步不少，最突出一場是鬼上身，人與鬼魂之間來回掙扎，可清楚看到何時誰佔上風。據岑導演說Anson當時頸部發生響聲並非配音，是他真的在演鬼上身時頸部扭動而發出聲音，嚇了他們一大跳。個人頗喜歡神婆的角色，郭翠怡演得不錯。
劇本方面有少許沙石，個人覺得前面節奏可以明快些，可增加少許浩天過去經歷的戲份，還有阿武在後面的戲份可加多些。
個人比較喜歡奇幻電影，如果將劇本改得更奇幻，加多些特技(當然這要增加不少budget了)，最後結局帶出一些寓意，會不會更perfect？
與在港8年的海外男友一同進場看這部評價兩極的電影。男友看完喜出望外，形容這是一部外國手法的電影。和他聊天後我也默默感嘆這是香港電影極度需要的新元素。好的電影也要有對的觀眾，個人認為《 釀魂 》並非逢人必推的電影，如果你一心追求被嚇得嫑嫑，它並非那種派別。既不像鬼片神出鬼沒，也不如以往的邪靈電影幕幕都要逼到死角，把它視為懸疑驚悚附加奇幻會更適合，但如果你自認是「對的人」，它具備強烈風格色彩、畫面與不可多得的演員，John Gor, 朱柏康及正成長中的AL。劇情確實鬆散，但製作團隊的細心顯而易見。許多令人不寒而慄的鏡頭甚至只是演員站在僅有微弱光源的暗處所照出的輪廓，對於未知的恐懼就如無底洞吸引你往下跳，它取走的不是你的膽，而是一部分的神智，直到一分不剩為止。
影像是唯美的，但內容空泛難以投入，好耐冇試過睇戲睇到睡覺了！
釀魂好多符號signs symbols 全部心思位 發揮象徵意義 無論電影定各藝術派系一個重要主流 釀魂絕對係專業用心誠意同水準之作 然而商業化速食易食嘅香港市場 大部分觀眾未必識欣賞 正如電影節冇乜人去睇 (一) 酒釀的真身酒就係貫穿全片嘅symbol 點解叫釀魂 釀字可圈可點 點解套戲唔叫做”恐怖荒野” 叫釀魂咁型呢 咁唔直接呢就係想點題 帶出酒呢個靈魂主角 有兩條主線 荒村滅绝因毒酒 二十年怨恨累積在酒酲 最後全部人死晒因為酒酲大解放 連神婆之死都係死在酒酲內 第二條主線 張子傑 因品酒認識嘉露 她死之日最後禮物是酒壺 子傑墮入幻境時拿著酒壺 後被嘉豪沒收子傑咁鍾意飲酒 但同大酒酲互動唔多 所以佢唔係乜酒都鍾意/酒鬼 嘉露都笑佢唔飲得 佢飲酒因為懐念嘉露 唔係借酒消愁嗰隻 係因為嘉露係品酒師 係因為嘉露的最後禮物係酒壺 子傑咁緊張個酒壺要隨身 唔係因為無酒不歡 係因為酒壺係佢同嘉露嘅最後連繫 酒壺同酒釀在戲裏面發揮咗一個深情聯繫生死戀嘅象徵作用 (呢一個符號/比喻暫時喺其他戲好似未見過如此發揮 如果大家有其他資料/參考 可以分享 )(二) 酒釀與濃情雖然酒同濃情的聯繫並不陌生 但用驚慄片帶出就少見 只要留意套戲嘅結局 其實係快樂嘅結局 因為到最後子傑終於到咗啦 見到要見嘅人嘉露啦 只不過係第二個時間空間所以其實你話呢套戲關於情都得㗎 情喺呢套戲裏邊佔據好重要嘅部份 除咗子傑同嘉露 當然仲有華哥同小晴 所以如果只係以一套驚慄片去睇 實在係抹煞咗套戲嘅深度同dimension套戲成個格局結構最大的真正驚恐唔係間屋 唔係啲鬼其實係困喺一個你求生不得 求走不能嘅困局 拉遠睇 呢個困局 人生幾多如此困局 其實困局先至係我哋人類面對嘅最大驚恐
導演真係太大膽，喺一齣懸疑片裡面布置左大量細節。如果你要完全了解所有劇情，基本上你嘅眼睛同耳朵幾乎每一分鐘，都要專注看、專注聽。由電影嘅一開始，眾人已經開始一步一步堕進阿武精心安排嘅場景。各人各自面對自己嘅心魔心結，而所有細節都可以聯繫起來。偏偏電影懸疑恐怖嘅氣氛，又阻礙了大家去留意這些一個又一個嘅細節，結果電影陷入了令人覺得一開始結構鬆散零亂嘅困局。電影劇本嘅execution 值得導演再深究再平衡，但作為新導演就係要去試、去實驗。全齣電影鏡頭畫面充滿藝術感，特別喜歡那一個又一個嘅wide shot，然後所有道具細節都做得十分用心，跟劇本及各人嘅心魔環環相扣。導演監製幕前幕後一再強調呢齣戲並非鬼片，而係奇幻劇情/懸疑片，所以全片嘅驚嚇位都係由音效支撐，睇開恐怖片嘅，大概只會覺得呢齣片係BB級驚嚇程度。但值得一睇係全片嘅音效都做得十分出色，烘托到果種陰森懸疑嘅氣氛。最後想談演員表演，主演嘅Anson Lo今次表現不俗，好多微表情跟內心戲都做得很到位，就算係有幾場獨腳戲都應付自如，但我總覺得佢講對白有時始終有啲生硬，希望佢繼續進步。其他前輩級演員姜大衛、朱康表現一如既往地出色，吳肇軒演嘅白化病角色令我十分印象深刻。所有演員都恰如其分演繹出自己嘅故事，值得一讚。
呢套嘅關注度比較兩極，就係fans vs haters。除咗咁，呢套電影絕對有其他賣點：演員有大前輩，資深演員，新一代，偶像，幸好，偶像表現恰到好處，尾段有驚喜，喺大前輩，資深演員面前都融入到；女配角比女主角養眼，幸好女主角嘅感情戲都發揮到～ 劇情可以再深入啲，例如開頭用佛經作引子（我不了解嘅地藏經），但劇情喺因果業力上無咩交代，係咪父女情就係呢？開頭嘅層層潛意識幾好氣氛，可以再發揮多啲...同埋點解赤坎村事件係同呢四個年輕人有關（加埋女配係五個人）... 或者我要再睇多次先搵到答案～
我老婆見啲人俾1, 2分，要我on top嘅7分加返2分先～
其實唔支持港產片無所謂，但擺明無入場就周圍鬧，好心積吓口德...
anyway，我好想講個音效，有The Conjuring嘅feel喎，啲拉鋸聲指甲聲都幾嚇人，畫面靚，有氣氛，如果森林內嘅幻像blur多啲就好喇～
演員配搭新鮮（唔係來來去去做咗二百次警察三百次大賊嗰啲班底），老中青咁嚟自不同界別，無話邊個dominate晒套戲（雖然宣傳上係），不過，AL算唔錯，佢有用肢體配合角色嘅變化，如果講對白再自然多少少就perfect（可能成日都係做太老正呢啲唔貼地角色 XDD），佢鬼上身個笑唔錯，唔誇張（有啲驚死你唔知佢做緊戲），反而令人我寒咗一吓。