年少日記
- 查看其他版本
觀眾影評
看完電影給自己的提醒，是留心及注意身邊家人及親友的需要。
電影後段我猜不到男老師原來是少年時有傑出表現的弟弟？
其實也懷疑哥哥成績不好，电影中竟沒有私人補習老師？反有私人教彈琴老師？
我是一位退休老師，一直主張快樂學習。希望家長、老師及教育界及社福界也能讓學生快樂學習及成長。
裏面哥哥既角色令我印象好深刻。我唔可以話相似，但亦都有好多受傷既地方。我唔會話努力同堅強就一定捱得過去到成年。而且承受唔到就係承受唔到，無關係細路定大人。大人好多時將自己既情緒放落一個細路唔係好恰當。細路喊既理由唔一定係扭計，好多時係一個求救訊號同希望得到關愛。無人可以強迫一個細路成長。聽過一個美國某大學校長講過一句“教育就係要耐心。”好多野過左去就冇得番轉頭，我寫得好似好鬆散咁，但都希望有為人父母見到都可以反思一下。好多時係仔女既期望定係自己加插落仔女既期望。社會已經好大壓力，係咪係時候要將社會期望無視，尼個社會世界係無需要個個一模一樣。
有睇《白日之下》鍾意呢套多啲，一開始見到細路由天台跳落去，似為係事件開始，點知原來細路只係跳落平台，向天大叫要努力做好，畫面一轉見到一個同姓老師，回憶同現在穿插，以為細路就由細喺父母嚴格要求但又做唔好，對比事事完美嘅弟弟，就算細時有挫折，但因遇到溫柔鋼琴老師 鼓勵，立志長大做個老師關心學生，以為終於做到，點知到中後劇情先知原來細路 不堪壓力已經自殺，弟弟後悔先繼承哥哥願望，望住細路由對家人有憧憬到心灰，本來一個活潑嘅小孩絕望到要自殺，父母責任好大，唔係個個小朋友都係天才，點解唔俾多啲耐心去了解原因？希望多啲父母睇下，留意下自己又會唔會對子女要求過高？
用懸疑嘅手法去講故事，的確有驚喜。但相反用一大論去建立佢嘅阿哥嘅性格同回憶，到後段主角嘅性格同故事反而唔太明顯，因為啲回憶中佢根本冇出現過，根本係用阿哥去襯托成嗰故事。
同埋故事比較散，令主角嘅目的更加模糊。但喺同期電影之中算好，起碼冇悶場