鈴芽之旅
- 查看其他版本
觀眾影評
Rachel A
6/10
半年前已經睇左小說，知道故事內容，一直好期待睇電影版，但冇預期中咁好睇。
又唔話唔好睇，不過感覺好普通，睇完冇新海誠其他作品果種餘韻，明明睇書覺得佢有深度過《天氣之子》，但電影反而冇咁好睇。
新海誠一直最擅長描述青少年內心，今次明顯見到新海誠改變風格，更多着墨於親情，但手法陳腐，冇辦法留下深刻印象。
另一點係，呢套戲個氣氛好沉重，雖然為左改善呢個問題，故事入面有啲可愛吉祥物，例如男主角變凳仔，又有隻小白貓，但力度似乎唔夠，而且同前兩作相比，搞笑位少左，輕鬆愉快嘅畫面少左，男女主角造型嘅吸引力亦少左。
故事入面亦有一啲謎底冇解開，令觀眾一頭霧水，例如大臣有能力將男主角變凳仔，大臣係乜野等等。
有啲劇情怪怪地，例如個女主角見個男主角一次就中意人地，每次女主角有困難都咁啱得咁橋有人現身幫佢，佢胡亂衝出馬路都冇畀車撞到，咁多爛石跌落嚟都跌唔中佢，雖然係動畫，但都係誇張左啲。
新海誠年紀大左，心態變左，風格都變左，但感覺佢再次回到摸索階段。同埋今次又講自然災害，感覺冇乜變化。
搞到好似寫負評咁，但我重覆，其實套戲冇唔好睇，節奏較快但可接受，故事亦唔難明，只係睇過咁多動畫，又睇過其他新海誠作品，相比之下冇乜特色。
Shing Kong Ng