過時·過節

影評概況

過時·過節電影海報
分享
?
影評數: 0
?
影評數: 0
?
影評數: 0

觀眾影評

Florence Paradise
9/10

一套寫實地探討家人關係的電影

好真實反映家人之間的矛盾

夫妻
父子
母女
母子

傷口、原諒、如何走下去?
留下來?走出去?

阿陽個角色最能觸動我
每個觀眾會自找其中一個角色代入
我就係兒子角色
估計同我原生家庭有關

《過時·過節》特別之處

可能不同人,,會有不同代入感
餘韻很深……

推薦給想探討原生家庭對自身影響的每一位

10日前
Tobi
8/10

資深演員好好戲!! 毛姐VS君豪、馮素波VS阿祖,淨係睇佢地都值回票價。
而一班新演員表現都算唔錯,無破壞到套戲。
值得入場支持

10日前
STING
9/10

拍得好寫實, 身邊或多或少都會遇到呢一類人和事,亦反映到一啲傳統家庭觀念嘅問題。 毛舜筠同謝君豪演繹得好好,令人好容易代入呢個家庭嘅故事,而新生代演員亦演得好自然。觀後確實會令人反思何謂 "家庭" 同埋與親人之間嘅關係,亦好欣賞導演嘅一啲鏡頭運用,特別係影住祖屋嘅個幾幕。其實親人之間嘅關係就係咁樣,可以透過溝通去慢慢修補鞏固關係,而愛要及時。 套戲另一特別之處係結尾時響起嘅主題曲,令人感受特別深,完全覺得首歌同套戲互相呼應緊,好動人。

10日前
ty shing
8/10

劇情寫實,冇狗血故事,冇刻意的催淚畫面,但又神奇地能夠令觀眾有唔多唔少既共鳴,從而有所反思。
難得電影公司冇為左票房故意增加鏡仔既戲份,4個家人故事都好平均,所以成功呈現真實香港普通家庭既全貌。
毛姐豪哥演出當然無需質疑,呀談同angela都做得好自然。值得一提係Edan既進步係令人眼前一亮,零尷尬。
依套電影絕對唔係一套偶像電影,希望大家不要抱有偶像濾鏡入場,俾次機會年青演員,相信依套電影唔會令大家失望!
最後,主題曲都係依套戲既一個重點,請期待!

10日前
Raymond Ho
1/10

極之極唔好睇!非常悶!

昨天
choi queenie
8/10

好寫實 好有共嗚嘅電影
你或多或少會喺電影中揾到家人/朋友家人嘅影子
唔係高潮迭起但會令人反思乜野係家?
唔好錯過左先覺得遺憾

個戲名食字食得好有心思
片尾曲一播感受更深
呢一刻同屋企人嘅過節已經過時

有共鳴嘅觀眾 希望你今年冬至都可以一家人齊齊整整食餐飯
無共鳴嘅 恭喜你 你嘅家庭應該好和諧

10日前
Joyce Joyce
3/10

好一般,好似拖得太長了

2日前
Cookieccc
8/10

一個好寫實嘅家庭故事
演員演得非常好 豪哥 毛姐 馮素波特別出色
新演員方面演出相當到位

夫妻嘅故事對我黎講最有共鳴
對住老公態度特別差 想老公俾d正常嘅反應都咁難?
但原來媽媽都有温柔嘅一面 其實媽媽都係想得到關心
夫妻之間應該點相處係一個好值得反省嘅問題

另外想講 我好鍾意個結局 唔係完滿但有釋懷的感覺
片尾曲一響 更加唱出阿仔嘅心聲 同結局非常配合

10日前
Fiya
9/10

故事由一餐冬至飯引起嘅衝突開展,真實描寫各家庭成員所面對嘅困局同心理狀態。每位演員詮釋矛盾嘅情感非常細膩自然,資深演員唔使多講,三位年輕演員談善言、Edan同Angela嘅演繹亦都恰到好處,令人覺得佢地就係角色本身,而唔係「演」緊角色,令觀眾產生共嗚,或多或少會喺故事裡面搵到自己屋企嘅影子。

支線多但環環相扣,睇得出劇本下左苦功,近兩個鐘嘅電影冇悶場。毋須任何花巧設計或橋段,就係咁寫實嘅故事先最觸動人心。

最後不得不讚主題曲《攀上天梯的螞蟻》喺片尾出現絕對係畫龍點睛。

9日前
Fung Yi
4/10

劇情完全沒有交待阿陽離家出走的原因,觀眾未能投入感情。這是寫實電影,但劇情過於平淡,沒有高潮和感動位,如果生長於融洽愉快的家庭,不能被劇情觸動,而引起反思。毛舜筠和謝君豪的戲演得出色,內心戲有深度、好細緻。年輕演員的演技就一般,沒有驚喜。

4日前
Ki.TT
8/10

相信大部分入場嘅觀眾都會俾呢套戲觸動到內心,會有共鳴位。因為真係太寫實,好似自己或者身邊朋友嘅故事。
裡面嘅情節或多或少自己都有經歷過,所以睇嘅時候心有戚戚然嘅感覺、有點壓抑感,臨完場一播主題曲眼淚就不期然流出嚟。

10日前
Qed Ffff
9/10

《過時•過節》係一套好真實貼地嘅故事。雖然故事係改篇自導演嘅自身經歷, 但同時亦係描述緊好多香港人喺自己嘅原生家庭所面對嘅矛盾同掙扎。相信觀眾會喺睇嘅過程中會對某啲角色或者某啲情節產生共鳴。如果冇嘅話, 恭喜你! 相信你嘅家庭過得相當幸福美滿!

好鍾意導演嘅呢套電影對每一個家庭成員都有好好描述, 並冇特別過份側重於個別家庭成員, 始終家, 從來唔係由一個人去建立, 而問題、矛盾、衝突, 都係一個巴掌拍不響。雖然話家家有本難唸的經, 但好多時問題或者都係出自同一個原因 - 溝通身上。

睇得出劇中每個角色都好在乎呢個家庭, 但係缺乏溝通就成為咗佢哋之間最大嘅一個問題。"溝通唔係一個選擇, 而係障礙"呢一句令我印象尤其深刻。溝通嘅重要性, 相信好多人都好清楚, 但係點解咁多人, 包括我, 卻唔能夠做好呢門功課呢? 呢個問題纏繞咗我好耐, 我一直明白但始終走唔出第一步, 所以當聽到呢句說話嘅時候, 眼淚就不自覺咁流出嚟。呢部電影某程度上可以算得上係我嘅一個therapy, 令我有空間去好好重新審視我對家人嘅態度, 同時好好去梳理自己嘅情緒。此外, 亦令我反思到底家係咩嘢? 係唔係一定要大家喺同一個空間居住, 相處先叫做齊齊整整? 家點解一定要齊整?

呢套電影能夠打動人心, 除咗一個溫暖真實嘅劇本之外, 當然唔少得一班演員啦! 毛姐, 君豪哥, 波姐等好戲之人嘅演技自然係毋庸置疑, 佢哋好多時嘅一舉一動都輕易地引起觀眾嘅情緒。阿談同Angela嘅演出都相當自然, 令人驚喜。值得一提嘅係Edan嘅演技。呢個角色同佢一貫俾人嘅印象或者係過往做過嘅角色大相逕庭, 而佢以往都俾人不擅處理內心戲, 喊唔出嘅印象。但就算我喺最開頭有過咁樣嘅疑慮, 亦好快撇除咗, 能夠專心咁投入喺電影嘅世界當中。雖然算唔上天才級嘅演技, 但的確進步唔少, 拍住一班好戲嘅前輩都絕不失禮, 合格有餘!

到最後主題曲嘅部份, Edan以阿陽嘅身份, 用一把淡然嘅聲線去唱出嚟, 配合埋歌詞同樂曲, 就好似阿陽喺度讀緊一封將自己難以啟齒嘅心底話寫出嚟嘅信一樣。又或者, 呢首主題曲係導演以呢套電影作為寫俾屋企人嘅一封信入面最完美嘅總結。有趣嘅係, 似乎係電影入面播放嘅主題曲同串流平台上聽到嘅並唔係同一個編曲, 感覺上電影版編曲再簡單啲再raw啲, 令阿陽嘅情感再直接啲再出啲, 有種好溫柔好溫暖嘅感覺! 我個人嚟講兩個版本都有我自己好鍾意嘅部份, 所以絕對會為咗多聽幾次電影版本而再入場睇!

希望無論係鏡粉定非鏡粉嘅你, 都可以摘下你對鏡仔嘅濾鏡, 呢部絕對係一部值得大家欣賞嘅電影。

8日前
molamola
9/10

戲中幾個主要角色及情節都或多或少有自己或家人嘅影子,睇完套戲,仍會反思同家人嘅相處,佢哋嘅暴燥、冷漠或收埋自己係唔係可以有另一種解讀。

呢套電影幾位主要演員,包括波姐,都有佢哋發揮嘅地方,以及令人印象深刻嘅鏡頭。一向眼淺嘅我,加上戲中嘅內容太真實,一開始已令我淚流滿臉。

《過時。過節》係一套寫實家庭電影,個人建議放低任何偶像光環或濾鏡,安靜去欣賞呢套充滿誠意嘅寫實電影。

5日前
ryannnnnn
2/10

離家八年的原因莫名其妙, 本身兒子應對父母鬧交見憤見熟,何以對爸爸一時衝動嘅行為而出走?一直都沒有解釋,觀眾看得一頭霧水,浪費時間

4日前
卡文
3/10

其實我都來自父母成日鬧交嘅家庭,但呢套戲嘅轉折太突然,一時就離家出走,一時就嗌離婚(毛講離婚我明,但老豆我都係覺得好無言,根本連佢老婆都係咁驚訝,何況觀眾)其實講返多d未離家出走前佢地係點相處嘅會更好,更令人容易投入去呢家人嘅相處, 中間冇咗8年,又係轉得太快,8年?點解唔係4年、6年,係8年咁耐?仲要原來個仔同阿媽冇反面架,但阿媽都有份搞到家人唔和睦架喎,點解剩係對老弄差別對待呢?帶住呢d問號,只因劇本太薄弱,cut走家姐講多d 8年中間嘅事/出走之前嘅事仲好
最後比我感覺係,好無聊嘅一套戲

4日前
Jeannie Yip
8/10

劇中每個角色都有自己嘅問題和性格,你或你嘅至親都可能有類似性格,因此令觀眾共鳴感很強。

毛姐、君豪及馮素波演得非常好,但不得不提新演員完全沒有比下去,Angela喊戲的確十分自然,而Edan同君豪嘅對手戲明顯發揮得特別好,情緒轉變及喊戲都做得好好。

我很喜歡結局嘅拍攝手法,可以引起觀眾思考,相信每個人都會有不同嘅解讀,亦可從思考中有所得著。

最後講講由Edan主唱嘅電影主題曲《攀上天梯的螞蟻》,優美旋律配合以劇情為中心的歌詞,當片尾播放歌曲時,絕對有助觀眾加深對電影的感受。

9日前
MTLEE
9/10

可能有劇透內容,如果想查看請按此顯示。

沒有華麗包裝,只有平實的劇本情節,好似發生嚮身邊,甚至係同自己有關的故事 ,各成員對家的愛的表達方法不同,方法亦無對與錯,令人對‘’家‘’作出反思。喜歡呢一部電影的某幾個的運鏡處理,像在現場目睹事件一樣,更能投入。演員們表現都很好,特別是父親與陽在路上相遇一幕及最後父親與玲的一幕,印象很深。
不知是編曲上有別、還是劇情帶動,在尾聲配上的主題曲更令人感動,歌曲旋律及歌詞內容成為幫助電影角色敍事及理解角色的部分。

10日前
Man Man Chan
9/10

電影,某程度上就是人生的一些縮影
電影本身沒甚商業味道(除了kxxxh在宣傳上),也能體會到導和新演員(如呂爵安)的初心,一起勇闖難關;亦能感受到前輩演員們的熱誠

部戲比到人思考,比到人希望,帶啲嘢返屋企,並唔係睇完就咁‘enjoy咗套戲兩個鐘’

多謝選角,一家人,齊心齊齊整整

8日前
Man chu Chan
9/10

每個人都有唔同嘅感覺,我起初都以為唔可以睇多過一次,但當我睇咗第二次之後就發現我Miss咗好多detail位,而且每次睇嘅感受都好唔一樣,呢種感覺都幾amazing!反而好期待下次再睇又有啲乜嘢嘅領會
呢套戲有深度有感受,絕唔係偶像劇,反而係入面嘅主角偶像可以撇除佢自己嘅形象,做一個完全覺得佢就係呀陽嘅感覺。另外亦都喜歡入面嘅呀談,佢嘅表情同埋身體語言非常有味道

8日前
helenwong
2/10

在電影中,爸爸只不過一時火遮眼控制不住情緒,拿把刀劈劈餐枱,做兒子的立即著火,半分體諒也沒有,完全認為阿媽是無辜受害人,我是有點難以代入。不緊要,這是導演的故事,這是導演的視點,地球上,當然有人會見到另一個人忍無可忍,便連自己也忍無可忍。很合理。不過,以我的經驗,如果,見到阿爸一次半次拎起把刀(沒有傷害他人)便嬲到打死不肯原諒,長期不相往來,我懷疑香港有五成以上家庭也一早四分五裂。

4日前
YY Chan
9/10

有的人生活在一個相親相愛的幸福家庭,但有的人跟家人的關係更似相愛相殺,在家人前,會將最真實、最壞的脾氣、最傷人的說話留給家人。

看到最後,感慨一家人不是不愛這個家,卻是用了自己認定的方式去愛,相信自己付出了很多卻得不到想要的回應,原來只是沒有溝通好,才一直讓家人沒有接收這些愛和付出,還長久以來傷害了對方也傷害了自己。到了第二場冬至飯局前,幾個人一直拉緊的結(特別是夫妻、父子)終於稍稍鬆綁,大家才在空隙中看到了對方。

結局的表現手法很有心思。一家人的心意溝通,不在於那餐冬至飯是否全部人坐下來一起吃。反而鏡頭的心思,足夠讓人想像之後這家人會如何走下去。現實不是這樣嗎?一直緊繃的結不會一下子立刻解決,但在那個晚上,出現了希望。最後的一幕加上主題曲,為電影帶來回想和想像空間的餘韻。

5日前
L Ray
4/10

劇情平淡,令觀眾沒有感情的激盪,每個主角都有不同的故事,支線太多,劇情散亂。除了一些老戲骨,其他演員的演技幼嫩。最欣賞是結尾的主題曲。

4日前
Jackychan234
9/10

〈過時.過節〉刻劃家庭人物寫實深刻,描寫家人間血濃於水卻充滿隔閡的情感拉扯,細膩動人,是我非常喜歡的一部電影。

3日前
siuman
3/10

其實阿陽把口唔講到明佢因為乜野原因而因為個件事離家出走,仲有得幫佢兜,例如係佢自己唔想成日睇見家嘈屋閉之類

但阿陽講到明唔返去嘅原因係「佢地依家之所以相安無事係因為我唔喺度」(呢句預告有,唔算劇透)
我聽到個時真係黑人問號,吓?佢地嘈交完全唔關edan事架wor,佢咁肯定佢唔喺度就相安無事?佢唔畀佢老豆又再拎把刀出嚟架?到時佢阿媽點算?

同埋之前真係鋪得唔夠,阿陽因為呢件事離家出走,呢件事應該要係導火線,而非最大原因,而個最大原因係鋪得唔夠

而成個故事後續走向係因為阿陽離家出走而起,咁連佢離家出走都唔合理的話,根本叫唔到(會認真諗邏輯)嘅觀眾投入落去之後嘅故事

同埋阿談條線係好q多餘又冇內容,佢同個男仔條線又悶又唔合理

劇本邏輯薄弱係最難頂,搞到就算演員演到七情上面,都唔會令我投入到個故事

4日前
Elva Tong
9/10

雖然都是近期多用的「家庭」做主題
但這套電影拍攝的手法很不一樣
描寫陳家一家四口
過著平凡簡單的生活
理應很快樂
但就因為缺少溝通、讚賞、支持
大家內心都有不同的傷口
有人會逃避、有人會控訴、也有人一走了之…

就好像戲中表姐Joy (Angela飾)同阿陽(Edan飾)的對話
我被這場感動了
為何要執著一些位
令大家都不好過
有一些機會錯過了就無辦法重來

阿陽跟VR的對話~很感動
原來有很多心底話其實很想說
但面對面卻不知怎說
其實溝通是一種操練
不常用~到想說的時候就說不出
Edan的演技比起之前明顯進步了
演繹到阿陽的執著
嬲到喊 只因為著緊

很喜歡最後ending
有的關係上的變化
有的帶著一些遺憾
但沒有說得清楚明白是怎發展
等大家有思考空間
其實當大家都有心想前行
這家人的關係最終都可以變得美滿
就視乎你的行動與回應

「這愛與恨 問誰能計」
一家人又怎能樣樣計得清清楚楚 誰對誰錯

「你若會 我若會 卸除 一切防衞」
每人行一步 關係變得不一樣了

電影主題曲是阿陽唱給家人的情書
每句歌詞都得有意思

5日前
Pc5cats
8/10

比預期中好,係一套令人有反思空間嘅戲,無論主角配角客串都恰如其分。

8日前
Chu Chu Chan
9/10

可能有劇透內容,如果想查看請按此顯示。

#過時過節觀後感
含劇透,請自行選擇觀看
*
之前都有啲擔心套戲好沉重,睇完可能會好鬱結,喺呢啲Expectations下,我睇完反而冇沉重嘅感覺但係就有所思考。

毛姐同君豪:夫妻嘅對立,令我諗起我爸爸媽媽都有類似嘅經歷,爸爸沉默寡言,媽媽氣勢逼人,開口埋口都會怪責老公,但只係溝通嘅方法唔一樣,表達唔到出嚟只係苦了大家。

君豪同爵安:爵安同君豪嘅幾場對戲都做得好好,睇到我好心痛。喺車上面互相望到大家嘅嗰一刻係我流淚嘅開始,估唔到最親嘅人喺咁近嘅距離都做唔到溝通,無人敢開口。現實嘅我都係,好記得上次打風唔使返工,多咗時間喺屋企反而屋企變得好靜,好唔慣長時間對住父母,寧願匿喺房。

談善言:無自信嘅角色,我覺得呢個最似我,因為我都係一個唔使返工會扮返工嘅人,好驚同屋企人交代我攞假去做啲乜嘢,估唔到原來真係會有人同我一樣咁做。

呢套戲好簡單,冇特別嘢要反駁,好流暢睇得好入戲。演員梗有一個角色你可以代入到,故事雖然簡單,但係言簡意賅。

我最喜歡嘅角色演員係君豪,呢個藝人到而家都係咁吸引,好好戲,就算佢戲入面沉默寡言我自身都覺得佢做呢一個角色好有魅力。

我第二喜歡嘅角色演員係爵安,真係做到呀陽感覺,沉鬱性格其實呢8年好孤獨,其實佢好想同爸爸講嘢,但係又做唔到原諒佢。同高手過招都冇被比下去,交足戲。我同其他嘅朋友一齊去睇,佢都主動講話呂爵安做戲唔錯,好好!

我睇完呢套戲覺得原來自己都尚算係幸福,我又無特別沉咗落套戲入面,但係我身邊嘅朋友睇完就反思,同我分享返佢原來都有類似嘅經歷,同我分享咗好多。我覺得憑着呢套戲令自己了解吓自己同屋企人嘅關係最適合不過。

喺入面有好多螞蟻嘅場面,呢個咁藝術性嘅畫面我反而睇得好入迷,我更加喜歡主題曲攀上天梯的螞蟻,同套戲入面啲螞蟻嘅情節好有呼應嘅效果。唔知點解導演會諗起加入螞蟻呢?呢首歌究竟係幾時作詞呢?因為歌詞真係表達得好好,我最後淚崩嘅時候就係聽住結尾嘅呂爵安唱出主題曲,真係喊到收唔到聲。

呢套唔係大路嘅戲,亦都唔係主流嘅電影內容,更唔係劇力萬鈞情節,但係我好喜歡,劇本同拍攝稍有沙石但係唔重要。真心好讚賞。導演今次第一次拍就已經咁扣人心弦,努力俾心機下一套再有更進步嘅空間!

支持香港電影,支持本地演員,希望大家唔好得個講字,但為反而反。
*

8日前
yan0121 Lui
9/10

注意:呢套唔係偶像電影,請放下任何偶像濾鏡嚟睇 過時•過節.

好寫實嘅一套電影,冇賣弄任何親情,結尾唔會為咗取悅觀眾而圍爐BBQ,真實到完全置身喺呢個家庭入面,可能因為同我細個有差唔多嘅遭遇,好快已經代入咗,開場冇耐已經喊,太有共鳴,令我反思同屋企人嘅關係

演員方面:
mo姐君豪嘅演技冇嘢可以挑剔,

呀談同Angela嘅喊戲值得回味,尤其係Angela,一直我都覺得佢係一個花瓶,去到Joy呢個角色令我會加佢分數

Anson Lo嘅有待觀察

最令我眼前一亮嘅係Edan,一直都好想睇佢做正劇正戲,今次果然冇令我失望,尤其係喊位,喊得比以往角色都靚,而佢嘅內心戲亦好到位,不多不少,恰到好處.

最後我想講電影完結之後嘅主題曲,當音樂響起嘅時候再入返之前嘅畫面,你會更加忍唔住

5日前
Hwy
9/10

好鍾意劇本 好多位都睇到好心噏 係一個家庭裏面 真係可以一啲好少嘅事 搞到關係唔好 更因為面子 唔溝通 變到好大件事 好鍾意導演好多位都拍得好仔細 所有演員都做得好好

5日前
Guilia C
9/10

香港其實好少有呢類型嘅寫實電影,大家總會遇到一些家庭嘅問題想去逃避或不直接面對. 係呢套戲入面所發生嘅事情就如平常生活所遇到的問題,演員嘅真情流露,自然,不浮誇地表達整個故事,所以好容易便代入角色或某個情節。結尾主題曲嘅旋律,歌詞及演繹方法將整個故事所發生的無奈感再一次帶出,好感觸,令人反思對家庭相處,絕對值得推介及一看再看的電影。

5日前
J Tsui
9/10

睇咗,對我有幾個感動位
有人話個仔出走原因唔合理,但我身邊有朋友因為更奇怪的原因嬲老豆,一樣離家出走咗幾年,所以有時男人嬲起上嚟係得戈驚嘅,更何況個仔係個十幾歲仔,硬頸卦
我冇執著呢啲位,家家有本難唸的經,家庭幸福嘅都可以感受到,如果一家人明明關心但冇用啱方法令對方知,個家都係儲散嘅
睇到曼尾好鍾意,其實係樂觀嘅結果,一家人未必一齊坐低食飯,但有啲「過節」放低咗先,可能之後就可以真係一齊再「過節」啦

3日前
Paris Lau
9/10

剛剛睇完…一套好真實劇情嘅故事,唔會有搞笑成分,亦唔係青春偶像向劇,相反真係一套好細膩、深入人心嘅文藝作品
電影中嘅演員都做得好真實,睇到好幾個位都強忍住眼淚,但又唔想被坐隔離嘅家人見到,原來自己有眼淺嘅一面…因為劇中有啲對白好中,都係曾經聽過至親咁講過、被埋怨過…感受好深,即使睇完套戲,情緒多多少少都仲有啲被牽動,同時亦有啲位有被治癒嘅感覺,值得一看

5日前
Wing Tung Leung
7/10

劇情係平淡既,但唔代表冇佢既觀看性。我既屋企其實基本上冇乜點鬧交,都算係幾融洽。但正正係睇完呢套戲,我反而更加覺得自己幸運,了解自己有幾幸福。當然呢套戲有佢不足之處,但我覺得整體自然,演員全部做得好睇。平淡亦有平淡既好。

3日前
Evelynjan
8/10

看劇情簡介時以為是一個平凡的故事 但原來情節一環扣一環極為寫實 真實得不知不覺中就能觸動觀眾的心靈
電影反映了每一個香港家庭總會面對的林林總總的問題 所以只要你不是擁有一個完美無瑕的家庭 你必定可以於電影裏輕易找到共鳴位
描寫家庭糾紛的戲劇不一定是要像溏心風暴式的大家族爭產或者包二奶等劇情才叫有戲味或者精彩 其實大部分家庭面對的問題都是由每日大大小小之矛盾糾紛堆積而成 導演以這角度帶出家庭此命題意外地更易令人感動和引起共鳴 這個有別於一般電影的設定亦是一個非常大膽之舉 而導演亦成功地把故事拍得細膩感人扣人心弦 令每位觀眾總能於觀賞後對個人自身 待人處世或家庭有一定反思
演員方面前輩們表現當然精彩 而新演員們的演出亦充滿驚喜
電影攝影及配樂以至主題曲均出色
是一套看完後令人有所得着的電影

3日前
Ivy Chan
9/10

看完很多共鳴的位,特別是父母的相處,父子之間的爭執無解,負氣衝口而出傷害了人又無法修補。

不是娛樂,偶像向的影片,導演用了很多意像去代表家,家人之間的關係,要細味思考的電影。

毛舜筠和謝君豪的兩場重要對手戲都做到令人屏息靜氣,感受到二人感情的變化。呂爵安演出也驚喜,有血有肉的兒子,感受到他有憤怒、酸楚和最後釋懷。談善言的部份反而比較探討她自身的迷惘多於她在這個家庭關係的位罝,但也演得很稱職。

很推薦的香港地道家庭電影。

3日前
Yvonne Wong
9/10

電影內容很貼地很寫實
完全反應岀家人相處之間嘅矛盾
電影無刻意賣弄狗血劇情
亦無夾硬添加催淚場面
但就正正因為寫實
完全牽動到大家嘅情緒
睇完真係會反思翻同父母嘅關係
片中豪哥 毛姐 馮素波嘅演技岀色
三位新一代年青演員
阿談 Edan Angela亦都到位
值得一提係片尾曲
由Edan用阿仔(阿陽)嘅心態唱岀
回應返離開咗屋企8年嘅感覺
淡淡然 無過火 值得一讚
希望大家睇完過時•過節都有所得著

4日前
joyceccc
9/10

劇本好寫實,好多地方都找到共鳴。
人與人之間溝通真的好緊要,不論家人買是朋友。

毛姐君豪既對手戲真的勁。

3日前
Carla
9/10

可能有劇透內容,如果想查看請按此顯示。

我覺得這套電影是不錯的,當然有進步嘅空間,但絕對值得一看:
1 毛姐和君豪哥的故事很有真實感,相信不少香港家庭會有共鳴。當然兩位影帝影后的演技更加令電影生色不少,尤其是謝君豪演不善溝通的父親真是非常傳神。
2 由於在家得不到關心,兒子又離家出走,毛姐不自覺將感情寄托在鐘點家庭,甚至有些當成了自己的家。這個含蓄的表達方式不錯。
3 阿陽(呂爵安)的感情其實好複雜, 一方面恨他父親八年前冬至對他母親及他動手,但心裏其實渴望父親的關愛,最後的一場戲阿陽終於和父親對話是非常感動的,作為觀眾很開心見到兩父子終於打開心扉。不得不讚Edan的演出有驚喜,把這角色複雜的情感表達得很不錯。
4 劇本有可以改進的地方。首先是阿琪(家姐)的角色比較抽離,跟主線關係不明。另外阿陽為何要離家出走,如果在冬至飯局之前多一些鋪排,會更加令人信服。

3日前
Simsimsim
9/10

睇完我係呆咗 因為估唔到咁寫實 看完要時間消化 而且想再多看一次 第一次只顧著看內容對白 到ending 時才發現鏡頭運用好特別 好像一幅家庭生活圖 而且有很多演技好嘅演員 來不及看他們的表情變化 睇完之後有些不明嘅地方 要看劇評和導演自白才知道 另:主題曲好好聽

4日前
alfred hui
8/10

現實中可能發生的事真的呈現出來,支持edan,
主題曲也緊扣電影

3日前
Prun. N.
9/10

可能有劇透內容,如果想查看請按此顯示。

在這個連講聲 Hongkonger都有風險的環境裏, 把電影英文名稱改成 Hong Kong Family已經好勇。曾導演表面上拍出了一個長達八年的家庭糾紛, 實際上卻隱喻處處, 說的並不只是一個身處香港的家庭…..
身為香港人的兒子與父親不算親密, 但從來沒否認他和父母的血緣關係。所以儘管在電影開始時已經出現家庭成員不和諧, 但他也嘗試努力做和事佬, 大家相安保事就好。
到「八年前」冬至飯局的大爆發, 父親揮刀威脅母親, 兒子大吼阻止, 雖然此舉並無法傷及父親分毫, 卻被父親認為”目無尊長” 並打了兩巴。兒子覺得父親行為無法接受, 憤而出走。到這裡, 父親比喻甚麼應該好明顯吧。
出走後的日子並非一直順利, 要睡公園租劏房。但兒子有骨氣, 咬緊牙關捱下去, 最終重拾正軌考得碩士。(家姐則是離家後生活不順、無奈回流的例子。雖然回家後的子日並不快樂, 但不動搖她擺脫家庭的念頭, 最後也決定報名working holiday。)
期間兒子並非沒有關心家人, 他和媽媽不時聯絡, 只與價值觀差天共地的父親不相往來。他也有反思過這是否自己不善溝通的問題, 於是用自己編寫的VR game練習溝通, 但看到VR內的父親毫無反應, 他確認了改善溝通技巧並不足夠; 只有對方有實際改變, 情況才有可能改善。
至於這個「家庭」困局該如何化解呢? 導演交出了一個很大的想像: 只有父親認錯道歉並決定離開, 「我唔番去就係想你番去」, 兒子才有試着回家的可能。但兒子也不是傻仔被講一句就信, 所以還是沒有立即回家, 改為與父親深入了解再作決定。這結局太妙想天開? 反正電影就是虛構的, 天馬行空讓觀眾開心下有甚麼所謂!
以上就是我看到電影要說的香港故事。導演好波!
所以這些電影要看就要及時, 否則不知甚麼時候會想看都無得看了。
我也會再去看多次, 留意其他支線隱藏着甚麼。也希望離開的人在其他地方都看到這部電影。希望他們的努力有一天不會白費。
最後, 片尾的主題曲, 好聽。

3日前
siuhung
9/10

近期樂見香港出現-些不可多得的新進導演。繼何爵天之後,我看到過時. 過節的曾慶宏導演也是不可多得,另-種風格,很不-樣。

不是-般港產片的套路,非常寫實(可能因為是導演真人真事吧),對劇情鋪排,拍攝角度好有睇法,很有看電影節外國作品的感覺,很有風格!

可能不是人人自身都有共嗚,但在香港你總會見過這樣的阿媽阿爸,而戲中要強調的應該是香港很多家庭不懂溝通但內心其實着緊家人的這種心態。單看表面劇情,你可能不能一時間窺探導演想表達的真正內容,但回家後,劇情內裏意義就會在腦海越滲越多出黎,原來每段內容也有意思,連螞蟻也有其意義,好過癮!各演員演出恰如其分。最後提提劇終的主題曲,很好聽,詞很到位,袁兩半(潘源良)真係大師級! 給電影加分!

有深度,有睇法,很不-樣!希望更多知音! 更多人珍惜和支持香港這些人才!繼續努力!

4日前
Shing Kong Ng
9/10

這部電影非常好睇.喺今年最好睇的港產片.故事寫得好出色.我好鍾意這個電影的主題喺關於一家人.演技非常出色.導演拍得好出色.劇本寫得好出色.我好鍾意這部電影的訊息.我好鍾意這部電影的主題曲.香港人必須支持這部電影.

3日前
aliciakomori
9/10

推薦理由:看完《過時·過節》,等於多活了三個世代的人生。有相似家庭經歷的,看完之後一定會有所共鳴。 即使沒有相似的經歷而無法身同感受,亦可以透過電影了解截然不同的人生經驗。

整個影片的一大特色是充滿隱喻和細節,如果你沒有觀察到這些細節,那就需要再入場多看一次,一定覺得更加好看。以文藝片的手法拍攝,一定會比商業片稍微燒腦一點,但那沉浸的體驗卻是獨一無二的,投入去觀看很容易置身其中,以陌生人的身份看著這一家人正在發生的事情,心有戚戚焉。電影所傳達的信息量之大,我敬佩導演的敘事能力,畫面和片段的組接能力,以及配樂的帶動能力。


家家有本難唸的經,然而家庭衝突的方式是普世的,都會以一種相差無幾的方式表現出來。阿陽一家人的故事,發生在我們身邊,甚至發生在我們身上。
劇終,主題曲《攀上天梯的螞蟻》唱起。
「我想要步上天梯 重求取共你一切如何寶貴
而明知結果可能仍然充滿缺陷
傷已太深 沒人能計
誰明我 徘徊狂風裡的蟻」
電影落下帷幕,誰知道阿陽一家人的故事,在打破僵局以後,是新的爭吵,沉默,還是相安無事?或者都有吧,生活的模樣不止一種。

4日前
Ever Ever
9/10

這套電影我睇了二次,因為睇完第一次後好有共鳴!有我自己及一些家人的影子在入面,所以很想再細心睇多次。劇情非常寫實,由影帝影后帶住幾個年青演員。大致上這幾位年青演員都表現得很出色,唔會令你有出戲感覺。見影片最後寫是導演送給家人的作品,就更加感動他有過當中的一些經歷。這套戲帶出的信息及反思位非常之多,有經歷過其中的人會找到共嗚及出口。片尾結局很好,畫面配上的主題曲非常動聽。歌詞內容好似帶動你重溫一次成套戲。誠意之作的文藝片!

3日前
Family LSY
9/10

多謝導演, 終於睇左過時過節, 勾起自己一幕幕成長中既片段, 眼淚不停地流。 睇到阿陽, 好似見返自己以前, 愛家人但卻唔識溝通, 選擇逃避, 但其實無解決到問題, 傷口越來越大, 卻行唔出修補關係既一步。 愛同溝通係家庭中最重要一課, 卻偏偏又係最難既一課, 往往可能因一件唔算非常嚴重事,最終化到好大,彼此傷害。但大家都搵唔到溝通既途徑同出路, 最後帶住傷痛遭憾地走下去。戲裡面每位角色都似曾相識, 真係好寫實, 一邊睇一邊深呼吸, 眼淚忍唔住甘流。

再次多謝導演, 多謝甘多位演員精湛演出, 讓自己藉著呢套戲得著好大反思同提醒。一家人可以齊齊整整已感恩, 學習放下,,行出一步去溝通, 所有問題都可以解決, 所有事情都可以有轉機。

更要多謝Edan唱既主題曲《攀上天梯的螞蟻》, 真係好感動, 片尾音樂一起, 第一句已完全唱出自己既心情...眼淚崩堤而流。
______________
傾偈 一秒鐘都激到暴斃
換來只有各自冷漠疏遠挫敗賭氣樣樣齊
.
.
誰全對 誰全錯 天秤上徘徊的蟻
你若會 我若會 卸除 一切防衞
.
.
傷已太深 沒人能計
誰明我 徘徊狂風裡的蟻
~~~~~~~

《過時. 過節》
一套今年自己最震撼最感動最喜歡既電影, 絕對值得推介。

3日前
M YC
9/10

真的不要吝嗇對家人的讚美,有時對外人可以好包容好溫柔(像玲做家務助理時對待老闆和老闆仔),但對家人就句句頂到行,這套戲所引起的反思,我自己都驚訝。
十分喜歡導演處理ending部分,那間屋,那幾扇窗,屋內的外婆,玲,琪和Joy, 屋外的真和陽, 然後播出 《攀上天梯的螞蟻》….. 回家途中,立即一路聽一路思想。
我唔會說這套電影有娛樂性(這様對整個團隊有點不敬)但我深信你會有所領悟,與家人和你愛的人一起去觀賞,會有所得着的。

3日前
Just add chocolate
9/10

香港「首部劇情電影計劃」第五屆大專組的得獎作品,導演曾慶宏第一部電影,以超低budget 325萬能完成一套有意義、有深度嘅電影,實在非常神奇!香港絕對需要更多新導演及製作班底,值得香港人支持!

劇情看似平淡,但刻劃每個角色好深刻,亦容易引起共鳴。這個城市入面,總有一個角色喺你附近。毛舜筠跟謝君豪發揮得淋漓盡致,新一代演員亦很吸睛。袁禮琳雖然戲份不多,但有驚喜,做得好好。Edan跟平時搞笑形象完全唔同,倔強硬朗嘅Edan,有一種氣質,以新人來說,表現亦綽綽有餘。香港實在需要這類新進演員,令港產片有新氣象!

3日前
goldandsilverwater
8/10

用一代宗師框架:劇裂震盪下香港,正義迴廊係表子,講崩壞制度;過時過節係裏子,探討崩壞嘅關係,情緒衝擊同糾結。兩個新導演,都幾亮眼。有人著眼家庭關係,套戲嘅社會性不容忽視,係一場劫難過後情感嘅探索歷程,近年少見。

3日前
Anna Su
2/10

每逢一有呢班人有份做嘅戲! 粉絲例牌作長篇大論係頂級好戲, 但每次睇完必定中伏, 睇去地寫評分完全冇缺點就知係一班粉絲打手, 套套戲如是,自欺欺人, 非常非常差勁, 醒未?

4日前
Movie lover
8/10

一家人既題材好容易寫得老套,但呢一套冇,甚至乎你愈睇愈覺得唔係好跟你心中所想走。雖然好多人成日嘲笑bbq 大團圓結局,但睇完套戲我又見有人問點解個結局唔係團圓。其實我好buy 有<幾多個人黎咪幾多個人食>呢句,齊齊整整係各人心目中意義都唔同。我唔會去質疑有人對呢套劇既唔理解,阿陽點解會咁嬲。其實係因為係第一次講離婚既時候,根本就冇人肯作出解釋冇人肯溝通。阿陽同阿joy 傾果段其實都有講<我阿爸唔知發咩神經攞刀指住我阿媽>,我地睇戲既睇到會知究竟發生咩事,但阿陽係個故事到係唔知亦冇人話佢知,咁佢自然就會嬲個老豆咁對個阿媽。
Anyway純粹想解答下一d覺得阿陽走左去8年好牽強既人,而事實上搬離原生家庭係宜家呢個時代亦唔罕見,好多都係有一部份既怨恨同逃避係入面。
我好彩原生家庭好幸福,我欣賞亦唔係因為我代入到,而係由一個唔健康既屋企到發覺到自己屋企既好,反而覺得一家人一齊好好,要珍惜。

1日前
Lee Kaylie
9/10

好有共鳴,令人反思與家人的關係,我學會要體諒家人的難處,多關心,多聊天,了解對方,珍惜每次能夠齊齊整整一家人一起吃飯的機會。

1日前
WMS
9/10

「過時過節」:一齣非常好的戲,能夠深層講出家庭成員之間的矛盾、心中隱藏而說不出的愛。

1日前
maggie ng
1/10

由開場至散場都是聲大大嘈交,有點過火,有些角色可删除,欠深度,雷聲大,雨點小,如要睇家庭爭議劇,睇「鏗鏘集」好過

4日前
Mag01
9/10

一套好寫實既電影 總會有啲地方會勾起你對家人關係既反思
劇中演員表現出色 最欣賞係謝君豪做既爸爸 佢同毛姐暟既對手戲做得好精彩 Edan都令人眼前一亮 喊戲好觸動到我 進步咗好多 佢同謝君豪喺車上嗰幕對望再接獨腳戲睇到好心酸
整體呢套係今年最鐘意既電影之一

4日前
luenpong Fung
8/10

有導演女主角特擊謝票,真係有D驚喜

3日前
KB Mart
10/10

若果抱着睇闔家辣,愛回家,飯戲攻心既心態去睇呢部電影,以為有呂爵安就一定搞笑的,唔好意思,你搞錯了。這一部不是喜劇,但也不是比悲傷更悲傷既劇。佢係一部令人反思既電影。

好感恩原來自己家庭係咁幸福,有啲家庭原來會咁,導演既親身經歷,演員既表現令我動容。要讚Mo姐的黑人憎,我以為佢係慈母,但原來咁惡死,成個家庭爛成咁佢真有責任,謝君豪令我睇到鄧佢唔抵,佢嗰種乜都唔表達令人激氣。呂爵安更加眼前一亮,你以為佢淨係識得做田田膠戰,搞笑誇張,sorry, 呢套戲比闔家辣更上一層樓,佢既沉實無奈叛逆你都feel到,而且你一定聽到佢講乜,所以呢部戲好值得睇。

4日前
Son Gotenks
1/10

Not good

10日前
chin cheuk tai
6/10

ok

5日前