雷神奇俠4：愛與雷霆
- 查看其他版本
觀眾影評
雷神4影評
一套繼No way home之後終於叫做出得下街嘅電影，
做得較好嘅地方，
首先，個人幾鍾意喺暗影界黑白畫面嘅風格，配上唯獨是出招同用武器嘅時候會部分著色，令到急速嘅打鬥場面當中觀眾有好嘅focus，但CG質素真係冇以前咁好，有值得改善嘅地方。
成套戲最值得一讚嘅係Christian Bale精湛嘅演技將不寒而慄同慈父一面都可以靈活替換，但又唔會比人覺得有任何懷疑佢諗法/唔舒服嘅地方。
仲有，套戲保證有令你笑場嘅情節，不過如果你熟悉外國嘅文化，相信會get得到更多笑位 e.g. Jane Fonda乜乜嗰啲。
套戲圍繞住愛黎做主題，絕對唔會好似睇完Dr Strange 2/Eternals咁有嗰種唔知自己睇完拎咗啲咩走嘅感覺。
但雷神4都有做得唔好嘅地方，
話晒雷神同女雷神好明顯係一段放唔低、刻骨銘心、仲愛對方嘅一對，當中經歷咗咁多野，我expect打鬥場面會睇到多少少佢哋玩合體技，發覺近幾年marvel喺動作/招式設計上冇以前咁用心，暫時成個phase 4尚氣已經係打鬥上最唔hea嘅一套。
E.g. avengers 1 嗰陣Iron Man識咗隊長冇耐都識射死光落隊長個盾玩折射啦，civil war ant man識坐上鷹眼支箭，civil war 隊友bucky互換盾牌圍毆iron man
點解今次雷神4一pair情侶檔夾攻嘅時候反而冇咩默契/合體技？明明有好多動作場面可以設計得好更多，有少少失望。
（但都未至於去到dr strange hea成音符大戰咁6uo）
依家雷神4時長2小時，點解唔試下穿插多啲Jane同雷神以前感動交心touching嘅畫面？中段雖然有flash back兩個人玩同分開嘅畫面，但就係差咗啲難離難捨、觀眾未太睇到佢地個connection/bonding有幾強、去到生命中唔能夠想像冇咗對方嘅畫面，本身可以令最後分離嗰幕感動好多，（再者，如果真係嫌套戲太長而唔放呢啲野，係咪真係個個笑位都咁重要？重要到寧願擺咁多笑位都要捨棄男女主角情感交流？）
我明白導演taika waititi嘅風格同手法，上一次雷神3，同樣嘅風格好成功fit到觀眾口味，但係嗰次唔需要點樣感動觀眾，而今次雷神4主題講愛，劇情上其實好明顯係想最尾感動到人，咁就真係差少少力囉...
另外其實我唔太擔心Jane Foster之後冇得再出現喺MCU嘅，大拿拿咁樣片尾比個彩蛋佢同heimdall應該唔會就咁完，加上今集連Eternity都出埋，小妹妹都可以返生，我覺得Marvel冇野唔可以返生，係差在點兜~
最後提埋兩樣野，MCU頭3個phase普遍都做得較出色~
當時已經擔心Endgame過後就會有強烈比較，
同埋我見冇咩人提過，就係邊個做導演係一套戲好唔好睇嘅關鍵~
唔信望下之前Marvel拍得好睇嗰幾套黎黎去去都係某幾個人導~
Phase 4一放手比好多唔同嘅人導...就好多都出咗事~
利申：小弟心目中暫時No Way Home ⟩ 尚氣 ⟩ Thor 4 ⟩ Dr Strange 2/Black widow ⟩ Eternals
另一樣野冇咩人提但其實潛意識令人失望同好大對比嘅係，marvel一向出名靠彩蛋令人有坐到最後一秒嘅意慾，但近排marvel嘅彩蛋同之後出電影之間嘅聯繫差咗好多，冇再咁用心做彩蛋黎穿針引線...
大家諗返以前phase 1，iron man彩蛋，雷神彩蛋，hulk彩蛋，唔單止係片尾彩蛋，直頭連套戲中間都會出現一啲人/事/物，係關於半年至一年內即將上嘅電影，
返返黎今日phase 4，No way home嘅彩蛋直頭放個Dr Strange 2 trailer上去就算（已經叫有關架喇），再諗返其他phase 4電影嘅彩蛋s..似有若無咁，先唔講phase 4入面有咩彩蛋互相關聯，直頭連片尾彩蛋都唔知exactly黎緊關邊一套短期內上映嘅事（除咗eternals最後片尾知道2023會有blade幽靈刺客）
總括黎講，今次雷神都叫有7分（marvel迷應該會有7.5分？），暫時心目中得頭3部電影係出得街，
年尾仲有黑豹2，我個人期望就唔高，
始終Chadwick Boseman過咗身，劇情上要兜已經好唔容易，
只求劇情唔好爛，
咩打鬥CG人設等等呢樣嗰樣我隻眼開隻眼閉算了。
#呢個故事教訓我哋有啲野真係唔好放手
#出事架嘛
文戲幾悶，長氣又唔好笑,幸好打戲頗精采!
有2個彩蛋。