闔家辣

好想支持港產片但睇完之後就發覺越拍越差粗製濫造只係一部可以放係新年可以一家大細浪費時間既一部無聊港產片

入場前可能抱有期望, 所以感到失望, 各演員都未能發揮得好好

不知所謂垃圾的胡鬧電影，差到爆。

半粒星也比多？衰到頂點，近來最差的港產片!

極之唔好笑港產電影，好在賀歲冇上到啫! 浪費我時間。

俾滿分嘅影評，就係攪死港產片嘅原因

劣評如潮，不要再拍這些垃圾片，有睇港產片， 但呢套實在太差 。

有料嘅演員冇咩鏡頭，主角同D friend 好尷尬，太誇張，兩個字—尷爆

可能有劇透內容，如果想查看請按此顯示。

真的沒有辦法沒有耐性看到完場，差到沒法想像！

唔好笑就唔好笑， 唔好睇就唔好睇， 留言寫到幾精彩都冇用？ 差呢啲係事實。

給半粒星也嫌多, 嘥錢兼且嘥時間, 十分低俗, 一點也不好笑。

Shit movie 2/half points

劇情無聊真係笑唔出，咁都叫好睇好戲？乜而家啲人要求抵成咁？再拍呢類爛片港産片冇得救了。

有笑有淚，十分貼地嘅一套戲，睇完令人反思同家人之間嘅關係。幾位主角真係好似一家人嘅感覺，客串演員亦發揮到作用。

有D位... 為拍而拍
根本同成個劇情無關係
或者係梗硬加入去

幾好笑

不一般嘅“賀歲片“，好好笑，好貼地～好香港嘅電影！

一套好睇嘅 “賀歲片”, 有笑位有感動位，有story line，好貼地，反映返呢2年大家嘅生活片段，可以反省返大家同屋企人嘅關係。

可能有劇透內容，如果想查看請按此顯示。

香港人既經歷。。。親情既維繫。。。

好睇!! 好好笑!可以講話係近年港產片佳作！！套戲雖然係講疫情中既故事但可以由頭笑到尾, 演員編劇功不可沒!!暴龍哥同GG 既對手笑戲好好笑, EDAN作為新人黎講演技都出色既!! ending 更加係錦上添花! 值得入場支持

完全唔係做囉, 認真, 頭十分鐘我都覺得有啲小悶
心諗會唔會懶野, 後尾我係笑到流眼水
跟住君如果一段我又感觸到流眼水
係只有 "真香港人" 先明白既果一種無奈同無力感

我覺得真係好值得睇 我唔會話呢套係咩神劇
但如果你係一個 真香港人
你一定會有共嗚
同埋知道啲套係拍比香港人睇既電影

( 外國人, 內地人應該睇唔太明)

90多分鐘嘅一套戲，雖然時間短，但响呢個半鐘會感受到開心，感動，心酸，驚喜~
君如出場唔多，但每次都會牽動到情緒。
中基Gigi嘅互動超自然，完全係大家屋企嘅父母互動，所以好有同感。
Edan嘅處男作表現，當然唔可以媲美幾位前輩，但完全冇比下去嘅感覺，反而好融合到佢地，好有一家人嘅溫馨感；而佢同Locker & Dee gor幾場戲更加笑爆咀。仲有驚喜連連嘅彩蛋。
好耐未試過睇港產片會咁過癮，完場時大家仲拍晒手先離場~

過去呢幾年疫情所見到既百態，都係套戲呈現返出黎。有感動位，但好快有比好笑位蓋過。笑得好開心。

輕鬆幽默帶出抗疫同移民潮嘅香港人故事

不是預設的賀歲片，是地道香港感覺的輕鬆喜劇。笑位有些是會心微笑，有很多當前香港人無奈中的笑位，有甚麼困難，笑一笑就過。
鄭中基的演出是很多笑點位，梁詠琪有時用正劇的方式對應，反而覺得比較生活化。吳君如其實戲份不多，而且都唔係搞笑位。呂爵安演出是驚喜，劇情部份由他的角色帶動，表現自然，四個主角一齊的場面都自然有氣氛。
有好一段時間沒有這類型的輕喜劇，又地道而所有演員都演出的恰如其份。
它不是那些cliche賀歲片。
支持港產電影！

這部電影非常好睇.喺我今年最好睇的一部極致娛樂性的港產片.故事內容寫得非常好.笑位非常精彩.演技非常精彩.好有社會議論.無悶場.香港人必須支持這部電影.支持香港電影.

好貼地既港產片❤️中基Gigi Edan好有火花 姑媽嗰part都感動 又好笑 值得捧場

有用心睇既話一定會滿意
好驚喜咁多感動位,唔係一般既賀歲片
因為感動位多唔係賀歲檔期上好似反而更好
睇完會好好反思一下同屋企人關係
亦可以諗下去或留係咪一個決定就完
好欣賞君如係入面既角色,出乎意料
同胡子彤兩人同場戲唔長但令人深刻
Edan處女作交足功課,再同前輩拍多啲會更有得著
稍扣一分係前半結構比較鬆散
有部分後面無展開既枝節可以唔要,再集中鋪陳主線

見唔少人因為針對個人而惡意評分
希望真係入場後對住自己良心寫個評價啦

真係好好睇!!好耐冇入過劇院睇港產片 非常推薦!!重好好笑

有笑位有感動位，劇本完整有意思，難得的溫情笑片。唯一美中不足係硬加感情線……有畫蛇添足的感覺

今日睇咗優先場 大家記得睇到最後先至走，有彩蛋有彩蛋

好睇，有笑有淚。唔明白點解有這麽多打手！不過好戲一定有人欣賞的。

比想象中好,近年難得的溫情笑片,題材貼地,笑位唔夾硬。鄭中基好搶,吳君如不愧為老戲骨,梁詠琪啲戲有進步,新人呂爵安表現亦相當恰當。

支持香港電影,水準之作

近年難得水準以上嘅笑片,暴龍哥無回塘,越來越收放自如,由頭搶到尾。

呢十幾年有太多合拍片,好多戲都睇唔出有咩值得笑。呢齣片劇情難得地道,反映社會現實,好多位都有共鳴,演員表演出色。

比想象中有驚喜，有笑位，亦有感動位，可能因為有共鳴，有d位百感交集。彩蛋精彩，完場全場拍手，一套藉得支持嘅港產片!

入去睇過就知道唔係爛片，比想像中好，中基同Gigi 火花唔錯，君如同中基老拍檔無問題，估唔到新演員何啟華，Locker, 同主演導演Coba 嘅假Coba 呂爵安都演得自然，最後彩蛋都幾驚喜

一套真正香港人先有共鳴，先會識笑嘅戲！當中有唔少笑位，亦都有嗰種有苦自己知嘅感慨！一定要睇到完場！

睇Trailer麻麻地，仲見到咁多人話垃圾，Search咗《講鏟片》嘅影評，睇完先安心入場，輕輕鬆鬆90分鐘，想笑吓係唔錯嘅選擇。

真正既香港本土電影，呢幾年係香港生活既香港人，一定睇得好感觸！
一套典型笑片，可以由頭笑到尾，但某D位又會感動落淚！

因為睇完金像獎，有所感慨，立即行動，入佐場支持港產片！

有笑有淚生活化的一套片

編、導、演都出色。
在香港這個仍然被疫情捆綁嘅地方，看這套戲會令人會心微笑。

故事情節緊貼疫情，好生活化既一部作品，好容易令睇既人有共鳴。開開心心咁過左個半鐘，十分推薦！

3位主演演技唔使多講,gigi演技進步咗自然咗,爵安雖然第一次拍戲,但出奇地同3位主演好夾,演技亦唔會比下去,真係好驚喜

另外想講,尊重一下演員們,你哋唔鍾意可以唔睇,要係度做鍵盤戰士可悲,唔好再扮有睇係度嘈啦,好核突呀

因為朋友推薦及睇過網上影評去睇，結果由頭笑到尾，d 笑位好貼地，而吳君如果幾幕亦有感動位，一套值得支持嘅港產片! 原本俾8分，但見到太多太多冇實質內容嘅1分令我覺得係打手，香港已經少左好多港產片，難明點解要打沉呢套above average嘅新戲，所以俾多2分俾打手。

幾好睇幾好笑，本住去笑覺得幾開心

睇到咁多打手比1分，但而家套戲票房已收超過2500萬，就知道呢度真係好多打手。再一次證明，WMOOV嘅分數係唔需要理會，仲有，請打手嗰間公司，你可以收皮了。

要睇到最尾,有驚喜。

講香港面對這個疫情，講香港政府面對疫情... 講一家人的愛。笑中有淚，希望香港人走出疫/逆景，香港人多點愛多點快樂。好值得一家大細去看（特別是表哥果part）

有君如同中基，都好有保證。故事好地，好岩香港人睇。呂爵安新人黎講都做得幾好，真係有睇到喊！好睇！

好睇

以為係笑片入去睇闔家辣，點知並唔係想像咁，原來亦有溫情同感動位！反映到一啲香港嘅寫照，相信好多香港人都有共鳴！雖然係新晉導演， 但拍得不俗，再加上鄭中基，吳君如一貫水準發揮，唔覺唔覺就過咗 91分鐘，而呂爵安，以新演員嚟講算做得唔錯，有啲場口都演繹到位。 值得入場支持嘅香港電影。

2/7睇咗,如果呢齣都畀1分,好多戲都唔駛睇,現場反應相當好。香港人,支持吓香港電影啦。

鄭中基keep到水準，其他角色選角也不錯。喜劇得黎又有笑有淚。記錄香港呢幾年疫情的經歷，易有共鳴。

輕鬆,溫情,貼地風格的賀歲港產片. 一向在新年有一家大細去睇賀歲片的習慣, 闔家辣有賀歲片的特點但不像以往的誇張搞笑, 反而是一些疫情生活下的小情小趣, 日常生活的對話, 食字, 一般人的小幽默. 在賀歲片當中是比較新鮮又年輕的風格. 我家中八十歲老友記雖然未必明白所有gags但也說輕鬆有趣, 幾得意.

演員都交出水準. 舊人水準保持到, 反而估不到君如係令我流淚而不是大笑的一個. 新人EDAN都做到夾到一家人感覺, 我大螢幕看覺得有表情但不浮誇(睇預告時會有少少擔心)

如果想在周末輕鬆笑一笑, 我會推薦你去睇, 找回看賀歲片的心情去看它最恰好!

香港人既電影，值得睇

暴龍哥同Gigi估唔到個化學作用幾好睇，成套戲節奏明快，值得入場支持

可能有劇透內容，如果想查看請按此顯示。

好笑夠貼地，好好睇，彩蛋精彩有驚喜。

以為賀歲片都係嘻嘻哈哈笑完出嚟就算，估唔到闔家辣講關於疫情嘅故事，香港人都有好深切嘅體會，絕對係笑中有淚，淚中有笑，每個演員都做得好好，值得一睇。

以為係老土戲，估唔到係一套引人思考嘅戲，令人向疫情下更加深入了解自己對家人嘅關係，前輩中基保刀未老，後輩嘅Dee 哥可以接力，新人Edan 處男作演出亦令人驚喜

純粹平衡吓，我會諗未去到半粒星，仲要咁多人

10分係因為今年港產片，邊有套咁貼地既戲？勁好笑！貼地到佢既劇情其實你都係裡面做緊。啲彩蛋一個比一個精彩，真係要等到最後開燈先好走。人地唔係荷里活大片，拍得出自家既message. 演員好ok. 個個話Edan講野咬字唔清，唔係喎！句句都好清楚，係咪電視唔同啲呢？嗰啲比1分既，究竟有無睇架？難得唔係警匪片，黑社會，毒梟片，一部講疫情既喜劇都接受唔到，唔好為鬧而鬧啦！有一樣野唔好就係有啲笑話太黃了，想帶小朋友去睇就慘，解釋好尷尬

輕輕鬆鬆睇完個半鐘，笑話好抵死又貼地，中間又有啲令好多香港人心噏嘅片段，總之又笑又喊，好正。

有新導演有演員入場睇下，比想像中好，由開場笑到完場，可以輕鬆而不胡鬧。鄭中基，梁詠琪做夫妻好好笑，吳君如戲份雖少但有深度，呂爵安演技有驚喜，有笑有淚有共鳴，值得一看！

一套非常本土嘅電影,每一個演員都做得好好,成套戲都冇冷場,香港人就會明白當中嘅笑位同埋感性嘅部份

幾好睇，好好笑 ，好有共鳴，上面comment 明顯係打手嚟lol

中基、GiGi、Edan 飾演一家人好溫馨，令人睇得舒服。正經認真的阿媽及Coba襯托出阿爸的笑點，中基作為冷面笑匠，帶出全劇的笑點最適合不過。不過，Coba在辣椒醬合作計劃被騙的過程交代略嫌簡短，如果交代多些，或令劇情起承轉合更有張力。

i really feel so angry, not becoz of the movie, is becoz how haters open acc and give super low marks for the movie, haters gonna hate, the action is super naive.
anyway, talking back the movie, it is talking about local HK covid pandemic times, which hits my feeling and i can totally recognize how hard the life is...yet there are many scenes that i couldnt stop laughing and they are really truly funny! i recommend watch at least 2 times for supporting HK local movies and the creativity of the content! there are 2 scenes i nearly burst into tears which really so touching. all in all, this is a nice movie and i like ronald's role the most! and edan's acting also surprises me and it is really quite nice! go and watch and u will know how you like the movie

可能有劇透內容，如果想查看請按此顯示。

mirror的EDEN好形，把辣椒發揚光大

老土婆媽極之唔好睇唔好笑

可能有劇透內容，如果想查看請按此顯示。

Ok啦，鄭中基和梁詠琪都做得中規中舉，港產片仍有生存價值的。

可能有劇透內容，如果想查看請按此顯示。

之前睇咗啲留言唔係好好，不過花幾十蚊當支持下港產片。好笑喎，食粉絲果度而家諗起都笑，全塲都笑呀，大佬，點唔好笑。我有叫朋友去睇，佢哋都話好笑，有個因為有類似經歷，話喊咗出嚟。去睇吓啦，值得一睇。

我同屋企人睇，又笑又喊，好耐冇試過，值得去睇。

劇情7分，加埋演員表現就8分。
夠香港、夠貼地，笑得出，無大陸演員，睇得舒服，再加1分。

有好多HATER專登開ACC留言想拉低個分, 呢個做法好天真.... 我睇左, 好多位笑得出, 感動位亦有, 中基同君如係做得最好, EDAN表演亮眼, 比起大叔好大進步. 不過劇情同張力唔夠, 可以再好D, 以一套開心笑片+溫情片, 絕對好睇有餘!

朋友推介所以去睇，有驚喜的電影，香港人有共鳴。演員都好有水準，選角值得一讚。同埋估唔到中基，Gigi同Edan演 一家人完全冇違和感！

港產片來講算值得看，搞笑得嚟又有感動位。鄭中基喜感一流，吳君如D感情戲正得嚟又搞笑。Edan 新人嚟講處男作已經好好，再多啲演戲經驗，將來一定會成功。

幾好笑好睇，不過條感情線就……有D夾硬

中基同Edan有爆笑位，睇得好開心，有笑有淚的電影，睇到中段好感動，同現在香港人所經歷的好有共鳴，值得一看再看！

唔知比負評既人係評fans定評電影。反正我同老公入場睇完﹐連比我捉入去睇既老公都讚呢套係令人笑中有淚既港產片。

故事緊貼當下疫情, 君如中基GIGI演出一貫好水準。Edan處男演出有驚喜, 自然貼地。片尾彩蛋絕對係回饋Fans, 誠意之作。除咗笑聲不斷, 整個故事其實幾溫馨, 有感動位。

可能有劇透內容，如果想查看請按此顯示。

一部處境式爆笑喜劇～故事好貼地，描繪香港人近兩年的生活，有笑有淚、有共鳴～特別欣賞呂爵安，演技大躍進～

講香港疫情，講家庭事，疫情部分人手停口停，搵到商機仲要成功埋，絕對係勵志故事。感謝君如仲會拍d反映社會事既電影

講一家人如何在疫情中走在一起,問心,一家人有咩重要得過齊齊整整,十分推介

節奏明快，演員做戲恰如其份，Edan作為新人表現令人眼前一亮，全片記錄了這兩年香港發生的事情，有共鳴。抽水位亦抽得好好，彩蛋更是驚喜連連！

真香港人電影。真有睇過同真香港人，經歷過呢3年既疫情，睇完一定有同感，笑得出。無嘩眾出寵。笑中有淚，言之有物。你估真係賀歲劇，淨係恭喜發財打麻雀同食飯咩！呢套戲根本唔係賀歲劇！

都好看

可能有劇透內容，如果想查看請按此顯示。

可以一看的電影。全劇唔悶，但幾條線的舖陳都唔夠深入，令衝突位出唔到，例如同女朋友果場其實講緊疫下無得出街，拍拖都無地方，但無交待到，而比人呃果度都唔太convincing (有無可能咁易呃。。。). 其他仲有唔少辯駁位，亦太多黃色笑話了，但輕鬆喜劇就無必要計較咁多。可取之處係此劇記錄住疫下生活，特別年輕人應該會好有共鳴，而且拍好之後都仲肯加番第5波發生嘅事，幾有誠意。姑媽條線其實可以再多少少會更感動。新晉導演同演員算交到貨了。

笑點係多，但劇情比較悶

本來以為只係普通過年賀歲胡鬧笑片
點知有驚喜
中基、君如、Gigi正到爆
Edan初登大銀幕一點不失禮
Dee哥、Locker都超搶眼
劇情貼地
有笑有淚
一家人睇好開心

無講得咁差呀，好過個D炒埋一碟賀歲戲
幾好笑 有D意思

個人認為，這不是單純一齣「笑片」，不該抱著「入去笑餐飽」的心態去看。
作為香港人，每一個位都很有共鳴，從中亦得到反思的機會，如果你懂得這樣看，才能真正感受到電影背後的意思。

成套戲 成個故事我都好中意~
笑住又喊 又哇哇哇xN …
無論係過年睇定7月睇都好貼地
香港人睇更加貼地

可能有劇透內容，如果想查看請按此顯示。

君如演技真係好好，完全反映在港既人既兩難。多謝coba呢個故事帶比我地歡樂和鼓勵更多年輕人堅持夢想。當然見到呢個家庭Ronald, Gigi同Edan帶比我地歡樂，90分鐘入面好多香港人先明既笑位同喊位。加油！

好耐無睇過咁本土咁貼地嘅電影 有笑位 有共鳴 雖然姑媽唱嗰首歌好老土 但又好切合姑媽呢個人物 主角呂爵安就像現今年輕一代 前路好多都摸唔清 呢套戲其實可以再拍深入小小 不過足以讓我看到新導演新演員與前輩級演員兩代火花

可能有劇透內容，如果想查看請按此顯示。

一套笑中有淚嘅香港人電影，吳君如、鄭中基、梁詠琪演出得好有水準。Edan演出好有驚喜，一套夠貼地電影。

鄭中基的笑位到位
Gigi做媽媽感動暖心
君如的溫情戲交足
Edan與一眾前輩合作進步神速
絕對值得香港人支持的港產片

多謝咁多位喺公映之前就留影評，多謝你哋咁留意套戲。
客觀黎講，我覺得呢一套戲唔單單只係一套賀歲片，而係反映呢兩年黎香港嘅生活，疫情… 家庭關係…失業… 無力感… 貼近生活題材。
闔家辣呢套片 真係可以令我確確實實反思自己同屋企人嘅關係。Coba 屋企雖然嘈鬧 但係就團結一致，相反，姑媽就遭到屋企人漠視…
我明白好唔好睇就真係見仁見智， 但係最起碼， 我個場嘅觀眾，真係笑住離場。
多謝君如咁放膽比咁多年輕新人嘗試，無論係爵安，Error，Locker 等等，相信都係一個新嘅嘗試。
呢三兄弟喺戲嘅相處，雖然表情誇張，但係真係爆笑全場。
雖然有一幕，我覺得可有可， 因為對劇情無咩推進作用， 但呢個係編劇嘅問題，個一幕， Coba 做得好好，全場尖叫！！
以爵安處女作黎講，真係做得好好！爵安雖然唔可以媲美咁多演技好嘅前輩，但係Coba家庭生活真係做得好好， 真係好似真實嘅家庭生活，無違和感。
希望咁多位留言者真係專注係作品本身，而唔係針對 套戲 或者 特定人士身上，呢套戲一定唔止值一粒星。
將心比己，唔好為反而反，新人需要支持的。
另外， 彩蛋真係真係真係好好睇！！！

可能有劇透內容，如果想查看請按此顯示。

呢齣戲對白勁好笑，亦有好感動嘅情節。如果係香港人，應該10年之後攞返出嚟睇都會好有感覺。

本身見到咁多1星仲以為會好差啦 全部都話好無聊唔好笑啊 但係為支持港產電影都係去咗睇 結果又ok喎 比我之前睇嘅好笑好多 完全get曬佢講咩 而且君如嗰度又真係幾感動 係幾好

明明係一部好電影，有溫情有搞笑。完全唔明呢到啲影評咩事

成套戲由頭笑到尾,完全反映香港現況, 胡鬧中諷刺時弊, 笑中有情, 演员出色,一定要睇!!!!!

可能有劇透內容，如果想查看請按此顯示。

個個比1分既comment淨係話差同埋唔好笑，咁無解釋既
呢套電影其實唔似賀歲片，係有搞笑有感人位既劇情片，d客串同彩蛋幾有驚喜，好少港產片會坐到片尾名單完，故事完整，唔似以前d笑片淨係一堆粗口搵d女仔著三點式既懶搞笑。親人間既關係拍得幾好，不過Angela個角色好似唔多重要，明明話主角之一，但係出場少加無咩內容咁，變到有d多餘咁。反而其他客串角色好似更突出同埋有意義d。

未算不好看 , 劇情簡單 , 最後有古天樂出場加番點分 , 整體不會給太高分

值得入戲院支持，是香港人都識笑的電影，亦有感動位，姑媽一角亦道出了上一輩的無奈，縱使十萬個不願，還是會祝福你愛的人，向姑媽致敬！

有笑位但都比較低俗，姑媽果段係幾有溫情同感動。

一套反映當刻社會現況的電影，寫實貼地，當中有淚有笑，演員間產生各種化學反應，一部令人輕鬆同時亦有反思的電影

比想像中好睇 好多位可能要跟得貼啲先get到講咩 不過我個人就follow得貼啦 係get到同埋係好笑感動嘅 雖然淨係圍繞辣椒醬 好似好單調 但當中都有啲野係同現今香港人息息相關 係有共鳴嘅 以同我之前睇過嘅賀歲片相比下都算係咁啦 肯定係合格線之上
邊有差得咁誇張 而且全部比1分嘅理由離離去去都係嗰幾樣 心照啦 唔建議盲反

本身無抱住好大期望入場，但結果相當有驚喜，發生緊既事都係香港寫照，生活係香港既人都應該會有共鳴。
好耐未試過係戲院睇港產片全場咁多笑聲，係一套值得比機會入場睇既電影。

今年初又無得睇賀歲片，星期四去睇闔家辣，果然係賀歲片，有哂歷年來港產片搞笑橋段，笑到要拍爛手掌，我前面位女士，由頭笑到尾，笑到卡卡聲，彩蛋真係心正，星光熠熠，完全係賀歲片規格。中基最好戲，君如搞笑開轉型溫情又得，gigi做咁大個仔阿媽無違和感，edan比起做電視劇有進步的感覺。其實暑假睇到賀歲片，真係好開心，笑足九成時間仲想點呀？

希望大家唔好為鬧而鬧 真心呢套戲有笑位得嚟有感動位 我見全場反應都好好 亦都好反映香港人呢2年既生活 值得支持！

好耐冇試過輕輕鬆鬆咁入場睇港產片~ 劇情好貼地, 完全係呢兩年大家都會經歷既事. 估唔到咁多感動位~ 笑中有淚~

睇到又笑又喊 有啲位感受好深 完全係呢一年生活上發生嘅事

鄭中基一如既往大放笑彈，撐起全場笑點。
梁詠琪有別過往的角色，帶來新鮮感。
吳君如細膩的演技，感染全場。
呂爵安首登銀幕，無論在演技或咬字上都有很大進步，做戲亦自然，令人眼前一亮。