《神奇學生》

九龍城寨.圍城

影評概況

九龍城寨.圍城電影海報
分享
?
影評數: 0
?
影評數: 0
7.4
影評數: 2,036

觀眾影評

鬼太郎
10/10

林峯落力演出,各演員精彩配合,伍允龍奸人突破演出代表作,真係打到七彩,十年内最精彩武打動作巨片,正到暈!

82日前
May May Ho
10/10

製作認真,動作設計暴力美感超越一百分,幕幕震撼性畫面,沒有一分鐘悶場,勢必過億票房.

82日前
山姆
10/10

不要用正常去評論呢套戲嘅劇情? 呢套戲根本就唔係玩劇情,冇打大膽創意,日本仔武術指導,加入了好多日式漫畫嘅暴力動作設計場面,及角式外型日本漫畫化 ! 港産片真係絕無真有,九龍城寨外形設計像一個廢墟,達看像一個死城!拍攝極具創意,各演員落力演出,在場觀眾個個都讚不絕口,預祝呢套電影票房搶上港產片新高 !

82日前
盧旺達
10/10

成班朋友睇完個個都話要再去睇第二次,咁你話呢套戲好唔好睇呢?

古仔投資咗三億誠意製作,場景真實製作認真,演員嗰個飛蟾走壁,落力地打到七彩,唔係一般嘅普通動作片咁簡單,絕對推薦,希望再有續集.

82日前
自由人
10/10

唔睇真係冇話題呀?等呢套戲上等咗超耐了,果然係超級好片,雖然成套男人戲好man,但居然入場好多係女性,成套戲除咗動作精彩之外,故事就係義氣兩個字!

82日前
東京同學會
10/10

如果你get 唔到導演拍攝手法?一定要講劇情及去反駁? 咁你無謂入場了?睇返電視劇啦?呢套你無謂入場了?呢套戲人地根本係用跨張漫畫式暴力拳頭片!城寨內藏有好多武功高手,個個打得爆爛,官能刺激滿分,用城寨做藍本故事啫,邊有人真係可以互片打足三日三夜咁奇突呀?你鼓打仗咩?
如果睇過去制製作特輯就知每個演員付出的辛苦,怖置場境要求認真,拍攝要求極高,付出完全一百分,港人絕對要支持.呢套係港人之光 !

81日前
他媽哥池
10/10

若然你慣個啲婆媽媽劇情片?或甚麼成日Chop 無聊偶像爛片? 咁呢套一定唔啱你呀?

呢套係爽住去冇拖泥帶水兄弟義氣仔女動作片,睇到個人情緒高漲,又緊張到不得了,唔怪之人人讚啦? 真係要再返睇多一次先得呀.

82日前
Ringo Wong
10/10

老實講?若你係一般寫實片我就冇興趣,睇到厭!咩浩南呀洪興假到爆又老土,成套戲成日提黑社會冇個好人,一班人守護著城寨的高手,兄弟情來得自然,绝不婆媽,日本仔做武術動作設計,超正,唔係一般動作片可比,伍尹龍奸角演出非常搶眼吸睛,終於可一炮而紅,林峯勁落力去打,做了新一代搥神.

81日前
黑日之上
10/10

好似時裝武俠片咁,城寨內好多高手,不能刺激足夠,打到飛起,劇情雖然冇乜生意,只要入場睇佢哋嘅冇打設計,古仔龍捲風高手過招,又有好多兄弟情笑位,成條一氣呵成,勁好睇,我畀滿分.

82日前
Tommy Wong
10/10

一部用心製作值得讚的港產片,每個演員都用心去演出,每人付出汗水努力高要求,質素極之高,已睇咗兩次,考慮睇第三次.

80日前
潘多拉
10/10

若你睇咗製作特輯,一班幕前幕後所辛苦付出,為港產片開創了另一條動作新路線,主角冇靚衫唔係扮有型,只係一個低下層偷渡冇身份証,每日慳住食麵包,連住地方都冇,每日僅力搵錢而感動龍捲風(古仔),三個好兄弟用命去博保住主角林峯,睇得我好熱血,繼多年前吳宇森英雄本色之後,就只得呢套戲重現感覺,幾日時間就已過了二仟萬票房,預祝破毒舌大狀紀綠,我一定撑 .

81日前
Emily Yeung
10/10

在城寨内橫街窄卷互片,動作充滿爆炸性,加入粗口更真實親切感,集體群歐,打到頭撞穿牆,完全有漫畫 feel , 一拳打到成個飛天,龍捲風再接返支煙食勁有型,爽.....,若你問有冇咁啱咁橋多年要搵報仇的人,居然就坐在隔離?咁你要駁大把嘢你去駁啦? 若咁鐘意駁戲咁你去睇大戲啦? 就連叮噹卡通片都唔啱睇啦? 成日穿越時空又週圍飛.

81日前
小藍書
10/10

如果有一百粒星做評分,我就比一百粒星評分?相信冇咩人去大投資拍到呢類另類動作片種嘅戲?創意係要用成三億製作長時去拍,真係非常夠膽去博,林峯用咗一個月去訓練,專業認真.
古仔投資呢套片去比明日戰記優勝成熟百倍,個套片極之垃圾,堅離地,浪費曬金錢,故事差睇到瞓著呀, 今次港産片終於返嚟了!再見曙光,會再睇多次以示支持!

80日前
金手環
10/10

如果你批評劇情不合理,當然一定係,但我入場要睇係要有爆炸力嘅設計動作,唔要一啲公式化動作,成套戲拍攝城寨凝聚充滿黑暗力量,昏暗,氣氛非常之好,其他港產片冇一套做到,你要當呢套係時裝武俠片咁睇,根本真人邊可能打到咁呢?個個飛蟾走壁,若要駁古,不如去睇卡通片好過啦?試問有邊個唔識駁古呢?你去睇蝙蝠俠復仇者聯盟你會唔會去駁古呀?約你分唔到片種相信你地咁睇戲係好辛苦?

80日前
聽風者
10/10

口碑咁好,睇完先知真係咁正,果然係港產片之光,打到七彩,動作創意無限,完全冇悶場出現過.

常年城寨生活,低下層一班街坊,睇住一部電視機節目,有講有笑就已經好開心,食碗义燒飯已經係享受,不似今天個個日日只顧埋怨,彈三彈四,吵吵鬧鬧.

呢套唔係歷史片,背境以城寨做背境故事,劇情江湖事江湖了結,劇情簡單復雜,一班角式每個出手快狠勁,各有特色,觀眾睇得痛快,很滿意.

79日前
Hana Hui
10/10

我同班朋友都已經睇咗兩次了,導演用心去拍的熱血電影,演員用血汗博演出,票房口碑當然一定會贏曬啦!

79日前
David Chung
10/10

个个都做得好,好有港產片風格,係香港導演先拍到呢種feel,希望有前傳可以开鏡!个人好鐘意“信一”呢個角色,四仔都好有突破,唔再做衰人!大家加油,港產動作片,傳承有望!

80日前
黑鬼德
10/10

近來太多警匪片, 垃圾偶像片, 突然殺出一 套創新動作片, 同以前古惑仔系列爭得好遠, 鸁十條街,若你睇返古惑仔系列,會覺得好幼稚好假, 只得人多係麼度推推撞撞,其實衹得對白係夠串,廢的,打架似細佬仔玩玩咁推嚟推去?

而呢套戲動作拳牶到肉,每個創新動作鏡頭設計, 雖然跨張點,咁先至係創新,戲內帶出黑社會不是好人,衹為利益訊息, 四個男主角帶住面具去教訓個害死老婆衰人, 已表達出呢四個人係站係正義呢邊, 完埸最後四兄弟坐喺簷篷上傾計相聚,好有漫畫 feel.

79日前
Maria Wong
10/10

王九極之黑人憎, 最後天台齊齊夾手夾腳打7去,睇得好過癮呀,對白加入粗口落去更加親民更加地道,呢套戲實在太爽快呀。

79日前
米鳩佐治bbjai
10/10

1秒嘅悶場都冇 ,成世人睇過咁多香港電影,呢套絕對係香港有史以來最緊湊的電影 ! 打鬥精彩過甄子丹 ! 九龍城寨今年一定攞好多獎 實在太好睇 我決定要買多次飛 ha

85日前
肥貓
10/10

我唔係為偶像而入場, 一部口碑爆曬燈, 全城都在討論嘅電影, 香港已好耐冇試過,漫畫小說改編,攝影及動作設計非常講究認真, 我好少聽見啲人一套戲話要睇兩次三次, 而呢套就係, 過幾日我會再去睇第二次,我絕對不是盲撑去追捧甚麼偶像個種, 佢係一部好有人情味的動作電影,善惡分明, 冇拖泥帶水 ,就連一個奸角王九都可以做到咁出眾, 本人一直睇開漫畫,所以非常鍾意這故事參考漫畫模式跨張打法演繹,非常之刺激、支持

79日前
Siu Sun Chan
10/10

呢套戲内講述一班城寨人物,佢喺城寨內沒有做出不發行為,沒有奢華大魚大肉生活,娛樂節且只係一班人睇下電視節目咁簡單,而週邊生活環境又極致差劣,城内亦不是什麼天堂美境,他們只是用勢力去保護這個地方和平生活,阻止惡勢力入侵破壞這地方,這就是我非常欣賞入場觀看原因.

故事內入邊個個都係高手,各有特長,而劇情都係復仇,義氣出手相助,打倒衰人,故事當然不算新也熟口熟面啦,我入場前早已有心理準備,所以不會挑剔這小小瑕疵,雞蛋裏挑骨頭,主要創意就係去嘅武打動作設計,不是劇情取勝,搞唔清楚就不要入場去看吧 !

79日前
Jude Lam
10/10

絕對是近年港產片巔峰之作,精彩打鬥拳拳到肉,舊香港情懷,個個演員入形入格,個奸角個奸法我幾中意,必須要入場睇。

81日前
Dave Wong
10/10


男主角林峯戲內角式不是甚麼高手英雄人物,成日比人打到仆一碌,去係一個偷渡香港偷渡客,為了一張身份証去辛基地揾錢,為搵錢但堅持不肯加入黑社會害人,只靠每天自己不斷勞力地工作搵錢,死慳死低,生活非人所為,只求有身份証為居留在香港的居留權,最後被古仔欣賞為人正直,之後還在城內結識了一班正義好兄弟,任賢齊及古仔出場外型勁有型,蓋過曬班後生,而林峯一改形像沒有chop演低下層,伍尹龍奸人角式非常搶眼吸睛,希望大家要力撐製作認真港産好片.

79日前
Bo Bo Yeung
10/10

絶對唔係甚麼劇情片,入場前已睇咗介紹片知道是一套動作片,近來一堆胡鬧笑片、偶像片, 警匪片, 掃毒片睇到好悶,呢套題材不算新,又係講黑社會, 但用城寨設計成一個神秘的地方,再加入了人情味及兄弟情,每個角式性格描寫得不錯, 打得燦爛精彩, 結尾的電影歌曲很好聽、

78日前
Doctor Wong
10/10

落本誠意製作一套咁好嘅電影,個個演員為拍戲而受傷,試問點可以唔入戲院棒場呢?第一時間已睇咗,超正.

78日前
貴婦貓
10/10

終於睇咗了,真係港產之光,終於有套另類漫畫式創新動作設計好片,故事劇情唔係話特別好,但你睇每個演員努力去打,親身上陣,專業十足,劇情不合理我也絕不會去計較,呢套有英雄本色的影子,百份百支持為呢套戲努力付出演員,向你們至敬.

78日前
連登佬
10/10

今日若唔入戲院去支持 ,第日重邊會有咁多大製作好片拍畀你哋睇呢? 睇到你熱血沸騰, 唔鬼知咁多人會睇兩次啦,之後我都會再睇多次.

78日前
Eric LEE
10/10

好睇,無冷場十分緊凑,個個演員都演得好好,尤其伍允龍演嘅奸角好突出,另外比好多年青人知道同瞭解以前有一個叫九龍城寨既地方。

85日前
可笑的東西
10/10

套戲一開場冇耐已經緊張到爆,林峯比班衰人追到上巴士上互相惡鬥,伍允龍風風癲癲功夫強勁,性格極之瘋狂瘋癲,係漫畫小說入面有講去點煉成成功夫,犯事後被趕走,及瘋癲有原因,反而電影裏欠缺交代去點解咁好打?尾場壓軸林峰復仇,雖然去嘅回力搥極之誇張,以一個人打幾十人,我已經當去係時裝武俠片睇,係完全接受到,最後天台四個打一個大佬,刺激到爆,觀眾但求官能刺激就足夠,若果唔跨張太平實我反而要叫回水呀?希望有續集!

77日前
Kelvin Leung
10/10

導演攝影工作人員同演員付出咗咁多血汗製作? 難得拍出咁好嘅戲獻給觀眾?但你班人仲要彈三彈四?亂咁批評人哋套戲? 睇見就真係火都嚟埋?

77日前
Rambo John
10/10

本人一直鍾意睇開動作片系列,洪金寶.成龍.甄子丹全部都睇曬,圍城呢套動作設計創新又刺激,打到撞穿牆,群毆王九極之刺激,橫街窄卷無路可逃,困獸鬥式焗住打,動作完全滿足到我,我畀全滿分,冇得頂.

76日前
哥師拉
10/10

只係一個星期已經過咗三千萬,勁到飛起,現在送紀念海報,又要再睇多一次,絕對值得睇多次的好片.

76日前
Man man Big
10/10

林峯係戲内做得好好,不溫不火,一開場到尾,成日畀人追打追殺,去個角式其實都好慘吓,捱盡苦頭.

至於古仔係戲係患絕症,退隠江湖人物高手,一出場係氣定神閒,好有台型,每次有佢出場對白都好搞笑,做得好好.

第三個就係伍允龍,雖然佢咁好武功,但係好尊重大老闆洪金寶,去個外形浮誇設計,加上瘋瘋癲癲性格,非常搶眼,三個就係全套戲嘅重心點,令套戲生息不少,非常之成功.

76日前
二五仔
10/10

有啲人唔抵得套戲票房好過班垃圾偶像爛片,哈哈....我一定撐...call 齊friends 再睇多幾次先得,年度最佳港產片,已經快到五千萬票房了.

71日前
Tammy Cheung
10/10

今晚又去再睇第三次了, 上次已攞咗紀念海報,希望今晚又可以攞到多一次啦!套戲睇極都唔厭,好爽呀!

73日前
helloroy
9/10

打到九彩,加上造得好正嘅城寨景,完全沉浸在港式武打片中,係買少見少之作,仲唔去戲院支持?打柒你丫喇!

79日前
廖嘉峰
10/10

洪大哥寶刀未老,身手依然了得,勁!伍允龍做番城寨英雄入面個大反派楊竹鑾,練硬氣功,顛覆過往形象,好搶眼,小齊則做左白頭佬,洪拳派,仲有彌敦道D霓虹燈同招牌街道都還原得好好,打鬥勁,真係正,值得一睇再睇。

84日前
Manhei Chan
10/10

真心係唔錯,兩個小時無悶嘅感覺,係有d誇張,但以漫畫改編角度嚟睇又理所當然晒bor.

80日前
水晶男
10/10

内容非常之豐富,簡單得嚟冇拖泥水,最憎睇埋啲舊式老x土劇情,跨張的動作設計非常精彩, 票房好係有原因,睇完又想再睇多一次.

56日前
王十
10/10

話呢套戲誇張嗰啲人一定好少睇戲?你睇下john wick誇張十倍? 所有西片大部分都係誇張?你連呢套戲嘅路線行乜你都未知就去批評?真係笑大人個口?證明你仲未識睇戲?剩係個日本仔武術指導人哋要玩誇張,佢之前套套戲都係咁用誇張動作,包括去嘅日本片,你睇下返李小龍唐山大兄弟誇張到爆啦?成龍個啲片都係啦?香港太多人成日扮識嘢亂狗咁去批評人地?

48日前
Anthony43256
10/10

睇咗優先場.這部電影非常好睇,喺今年最好睇的香港電影.演技非常出色.動作打鬥場面拍得非常精彩.劇本寫得非常好.鄭保瑞的導演手法拍得非常出色.攝影,剪接和配樂都非常出色.美術做得非常漂亮.126分鐘完全無悶場.香港人必須支持這部電影.我建議睇杜比全景聲看這部電影.因為音效做得非常震撼.好多謝鄭保瑞,製作團隊和演員拍咗一部非常好睇和刺激的香港電影.

86日前
Filmslover
10/10

真係好睇,大師級之中嘅大師級,唔敢亂評,總之入場睇啦!如果有高過十分我都會畀

77日前
TT CHUNG
9/10

時裝漫畫式武俠爽片!!武指美術出色!!

81日前
SWlavie
10/10

今天已三刷,為了保留海報,作為經典作品的見證!
香港很久未有如此編、導、演、美術、攝影、音樂、服裝、道具、佈景、特效都接近完美,最少風格統一,精緻多彩,又最重要是有情及叫人又high又爽的cult 片!謝謝您們的努力,給我們爽的時光,也給我們為香港電影重燃熱情的火,感激! Fighting!

77日前
ブラックロックシューター
9/10

正!做到港産漫畫精髓,所謂打到飛起,正正就係噉

唯一少半粒星係因為之前見有片段暴光郭富城打到好有型,但……唔知係咪Cut咗,好可惜……

82日前
Em仔
10/10

好睇到不得了,十年內最精彩港片。第一次自己入場睇完好睇到帶全家入去睇,家母好挑剔都話好好睇,完全唔悶。場景好有心思,睇完更加愛香港尼個地方。對林峯改觀。

60日前
lee yin
10/10

好睇,近年難得好看的港產片,動作刺激,想睇多一次

84日前
Sabrina Ng
10/10

超好睇的武打動作片,是我最鍾意的一套港產片,非常值得入場睇,各演員的精彩打戲令到我不知不覺睇咗三次!

40日前
勇者一號
6/10

劇情差,好多地方為贏為輸而輸,角色塑造欠缺邏輯,如以王九硬氣功嘅能力,恐怕英國佬都驚咗佢,唔使做黑幫一個小頭目,為咗爭個少少九龍城寨而冇左條命。而且九龍城寨作為標題完全淪為背景,毫無作用,劇情換喺其他任何一個地方都可以。

23日前
Ga Ga Man
10/10

除了口碑贏哂,揚威埋海外地方,威到盡,一定破硬垃圾毒舌大狀票房,呢套口碑極差,只靠政治立場拉客,可恥,呢套至今爭小小已有一億票房,我會再睇埋加長版,已第三次入場.好快有億二票房,成為真正片皇.

48日前
Ling Ling Seven
10/10

好睇到爆燈,我又睇多了一次了,非常正,非常喜歡動作跨張手法,正到暈,唔跨張我就唔會入場?最好再跨多啲就更精彩了.

62日前
Lawman Chan
10/10

識睇戲嘅人一定係睇呢套啦?票房就最好的一切,講劇情跨張的傻狗打手?你都睇下個班十二隻人妖拍個的垃圾爛片?重跨張十倍?試問有邊套唔係跨張呢? 就連白日之下劇情我都覺得係好跨張啦懵炳?咁你地去睇中國大戲啱你地多的呀?

62日前
Ring Ring Ring
10/10

知道開拍前傳及終結,非常支持,因為呢套劇情未有交待之前發生的事,例如王九在那裏練成功夫,及四仔老婆被黑社會捉去拍Av等等....! 小說漫畫有講,終给第三章信一坐正會點,洛軍與十二少,AV在寨會内發展下去會點? 很想追埋落去.

63日前
4B09許俊朗
10/10

超好睇冇冷場 打100分

82日前
KWKW
9/10

好耐冇睇過咁出色嘅港產片,除左打得精彩,劇情都有令人感動嘅地方,值得入場支持。

67日前
pla 81
8/10

日本人做武術指導幾新鮮,連場動作設計及打斗有水準,洪金寶保刀未老直得一讚。林峯多年來在香港影圈都是一般,今次算係有突破,伍允龍今次亦唔錯,希望多 D片商找他拍工夫片。古天樂算係交足工課,任賢齊有破格演出唔錯,三個後生新進演出合格有突。用郭當誠客串確能吸引更多人入場。一張戲飛可以睇多位明星,近年已少見。

67日前
cyh123
10/10

香港近年來第一次想看第二次的作品!信一真係好靚仔,林峯都好努力,古仔俾機會d新人,值得支持!

69日前
WA丨SiNG TsE
10/10

超級好睇,演員十分好嘢,值得入場睇,導演好嘢,值得五粒星

83日前
Yu Connie
10/10

好片!無悶場,有誠意之作!已幾年不敢睇港產片,因怕 “伏”。

70日前
Ada Tong
10/10

這幾年看了好多動作片 這部終於回到正常水平

終於等到一部有水準嘅香港動作片 無論係打戲定情節都好好 尤其鐘意龍捲風呢嗰細節❤️❤️城寨個場都set到好正

70日前
Water Grimm
10/10


我估唔到林峯係郭富城個仔去到一半之后先知郭富城出場好有形古仔好有形,佢應該拍一個介烟廣告哈哈,我古唔到個癲佬係伍允龍唔認得佢,一路睇一路諗佢點死

70日前
VWS C
9/10

如100分滿分, 我給90分; 其中20分是給支持港產片

81日前
Renee Gmail
10/10

好耐冇感受到港產片既魅力。好一套認真用心既作品。各演員都好用心認真,內容唔錯。希望更多內容考究,製作認真用心,有更多後起之秀的演員

60日前
hei tung yim
10/10

哇!好好睇啊,真係好想睇多次

61日前
Riddle Wong
10/10

正!重新燃起我對港產片嘅熱愛,睇完九龍城寨嗰晚即刻睇返寶貝計劃、掃毒、無間道,打戲真係一絕,古天樂五十幾歲都仲係咁型!林峯估唔到佢可以做到呢個角色,以前對佢印象除咗chok峯就冇其他,聽日買咗飛陪朋友睇多場

54日前
kt_apm@yahoo.com.hk
10/10

喜出望外,值得支持,有血有汗功夫電影

82日前
プリンスオブペルシャ
7/10

HK movie always using the violence (including the language) to do the story telling; this is man's movie; guys fighting; and Kung Fu at all‼️‼️

Kenji Tanigaki is incredible to do the setup for everyone, just like to do the mapping, and let ALL actors performing Great in the movie ‼️‼️

Simple story but complicated layers for all performers including the little girl ‼️‼️

50日前
en溯
10/10

超好睇!!我覺得係今年我睇過最好睇嘅電影 場景佈置都好還原 製作認真 超值得睇

62日前
dennis chan
7/10

小朋友齊打交之九龍城寨

27日前
Benno_W wong
10/10

好睇呀!啲武打片段幾好,同埋成段片香港味十足

78日前
ken chan
10/10

一句講哂:唔睇無話題!我頂!!!

81日前
Danica
10/10

好好睇

68日前
マシュー
8/10

有時真係笑咗出聲。見到有人話係日式漫畫嘅暴力動作設計,其實佢知唔知呢套嘢係由咩改篇?
至於冇劇情可言,我係同意,因為有劇情嘅電影通常都死得好慘。唔信?睇吓同一個導演嘅最近作品「智齒」同「命案」就知道,喺香港玩劇情嘅根本就係自殺,因為香港人根本就唔鍾意有劇情,唔使用腦就最好。所以望吓香港票房最高嘅電影大部分都係爆谷片嚟。係得一兩套係有劇情。
所以呢古仔。唔好出錢拍埋D藝術嘅劇情片,香港人根本唔會去睇同識睇。繼續拍呢D打打殺殺嘅爆谷片算啦,香港人係比較鍾意嗰「畫面好睇」。
睇到呢度唔服我講嘅嘢?咁唔該睇哂呢度嘅留言先講,大部分只係識話「義氣、打得好」。而呢套戲究竟有咩意思係冇人講。
「陳洛軍」本身就係城寨嘅人,唔打唔撞返嚟城寨,到自己覺得自己係城寨人。到被古仔趕走,被人救完,到有香港身份證,佢都要返城寨。就算完成咗當初嘅初心,係要拎香港身份證都好。
「因為佢係城寨人,佢要死都死喺城寨」。呢句係究竟諷刺緊D乜嘢,唔使我講都應該會明。而咁簡單嘅嘢係究竟冇人會講。可想而知香港人嘅質素係幾咁低。

37日前
舒寧福特
9/10

以港產片來說,是值得睇,演員CAST亦一流。但我又唔覺得呢套戲值得拎10分,因為劇情是有一點牽強,比如說,九龍城寨突然有強風及可以吹得起男人... 這是什麼物理現象? 模仿九龍城寨的電腦特技亦不是完美,比如說模仿巴士、九龍城寨的畫面,都看得出有一些瑕疵,這跟荷里活特技片仍有一些差距。有人認為,動作片、漫畫片就不需要劇情,我是不同意的,好的電影應該是要有劇情、動作、感情元素,也需要帶給觀眾共鳴。這套戲動作、共鳴都有,其他的都缺。

58日前
Chin Cheuk
10/10

OMG

68日前
yannis Yan
10/10

有啲位唔合理,仍睇得十分緊張。值得一睇

83日前
牙餅
10/10

好睇

67日前
回收筒
10/10

見到有啲智障人仕特登留惡評批評?真係感覺幼稚又低能?你特登去拉低套戲評分?我就特登去撐加分? 吹咩?知你唔低得人地票房好?現時已到七千萬啦,好快就過億過毒舌爛片了,呢套戲小你一個入場完全冇所謂?我已睇三次,睇埋你個份,你都係適合去睇個十二隻妖怪偶像垃圾爛片啦?啱你智商呀?

67日前
Tinny Ip
6/10

一套純粹娛樂電影冇需帶腦入場亦唔好問點解...!
三粒星全部係比林峯畢竟佢唔係武行出身但都搏哂命去打。

58日前
jimmywong
5/10

可能有劇透內容,如果想查看請按此顯示。

頭半小時劇情還很好, 跟住離哂譜, 主角們勁過rambo, 奸角刀槍不入神功, 雖然改編漫畫, 但唔好咁誇張好嗎

63日前
邪釘橫輝(三哥)
10/10

佢練左氣硬功!

85日前
kinming
2/10

可能有劇透內容,如果想查看請按此顯示。

場面、動作都很好,惟獨是劇情爛得難以致信。眾多好好演技的演員們都可以肉體在,靈魂不在,蔚為奇觀。彷彿李後主:正合眼前光景...何需驚惶失措?

72日前
king1188
2/10

我真係以為自己睇緊抗日神劇
啲人打極都唔死
個奸角練左硬氣功就力槍不入
真係人唔笑狗都吠
睇黎依度好多打手唱好

69日前
benny347
4/10

可能有劇透內容,如果想查看請按此顯示。

劇情太單薄,所以諗唔通點解個個肯為會為林峯犠性,演員很多沒武術底子,打出來動作不算好看,當伍允龍最後拎ak47出來掃射時,已經想提早離場,很多都不符合羅輯,可能改編漫畫吧,不要抱太大期望去看

59日前
wing831
10/10

一定要睇

59日前
深水灣電影會
4/10

嚴重過譽的電影,雖然動作片段不錯,但劇情真係太單薄了,可以話係毫無邏輯可言,連基本邏輯都冇,實在太冇誠意,無論電影主打咩都好,故事合理都係基本

78日前
Hiu Ching K
6/10

劇本都係弱 仲有幾個大bug 但娛樂度滿分 睇得人幾開心既
補充:
有啲人真係痴線 居然鬧人睇劇情 邊個話動作戲就唔需要劇情、唔需要故事㗎?!ironman同超人要唔要劇情?周星馳套“功夫”講唔講劇情?點解“功夫”可以成為經典?
睇得出班人心底都知部戲劇本爭唔落 唯有鬧人睇劇情 唔知呢班人打手定盲粉 總之好令人反感!

81日前
M. Yao
8/10

這套電影如果沒有古天樂,伍允龍及洪金寶,我未必會入場,整體「九龍城寨之圍城」評價8分,太多打鬥但不算全部精彩,睇早場都算okay 下午睇貴我認為不算值回票價,最後比like 伍允龍演奸角十分出色及郭富城變身「殺人王」 與古天樂大戰3日3夜爭地盤,這段二大演員拍攝及表演精彩

85日前