濁水漂流

這部電影非常好睇,非常寫實和好有誠意.香港人必須支持這部電影.

雖然預告令人有抗拒，因為香港人都對現實既無力感都已經超負荷，大家都知政府咩事，「對政府不滿但又可以如何」呢個topic已經唔吸引，因為每日既香港就係咁。
但呢套電影其實好平靜，戲中無預告中天方夜譚般的執著感覺，唔會迫你面對現實。呢套戲彷彿為香港留影，熟悉既香港演員，香港既街景，香港既廣東話，香港既渡海小輪。有啲淨係配樂加上景，比觀眾好好感受香港。
每個角色都有自己既故事，成為街友各有原因，但戲唔會詳細交代，但會有蛛絲馬跡，幾句對白，演員演技去交代比觀眾，令角色好立體，唔造作唔刻意地透露背景，係我其中一個鍾意呢套戲既地方。
吳鎮宇，謝君豪，李麗珍，朱栢康，蔡思韵。每位都努力演活角色，接呢套戲明顯唔係為錢，要做街友，污糟邋遢，仲要呢個topic, 又唔係商業片。蔡思韵就繼幻愛後再有演出，希望繼續可以多啲見到佢做戲。
睇完呢套戲其實唔會抑鬱，更令我覺得我係香港人，好慶幸自己仲有機會可以係香港睇到呢啲題材既香港電影，吳鎮宇除左做主角，仲係出品人，多謝仲肯為香港電影付出既人。

感人，難得佳作

此片無華麗的衣飾，佈景。
只有無家者血淋淋、香港現今社會的物質扭曲的現實。
曲線描寫社會政府，階層的官僚虛偽，貧富資源不均同一班“真”香港人的悲歌……

>草根地道本地露宿者之情義哀歌，
整體編導演製casting均具水準，較早前同類題材、同類budget (我估)之「陌路人」更佳!
>中女版李麗珍三點不露而本片被列作三級只因露宿者對話粗口橫飛，但絕對合情合理亦順耳，反觀字幕將粗口對白書面文化都化得幾精彩好笑過癮，寫實好睇!

吳鎮宇 朱柏康入形入格
帶出社会舊區窮區在轉形 可露宿地点少
吸毒 露宿 低收入 犯案 入監 恶性循環
此片沒煽情 套路 洽到好處

啞忍認命，细聲呻吟，大聲控訴，找不著出路。小社工杯水車薪。時代巨輪，螳臂焉能擋車？無奈!

就算知道壞人是誰，得個屌字係無咩用，就算要求再簡單，都係睇邊過拳頭大。