老嘢時速 電影資料
上映中,立即購票或查看剩餘座位。
![老嘢時速 (Thelma)電影預告](https://i.ytimg.com/vi/0YmylQjFbNQ/hqdefault.jpg)
攞咗長者咭,人生就再冇希望?《老嘢時速》(Thelma) 話你知,高齡93依然可以活得⋯異常咁精彩!向來精叻嘅花媽婆婆,一日收到詐騙電話:為救乖孫先付一萬美元。俾咗「贖金」後方知被搵笨,越諗越唔忿氣,決定親自出馬追數追到天腳底,深入虎穴過程又驚又喜,仲有無限窩心時刻。故事根據編導Josh Margolin祖母真實經歷改編,絕對原汁原味,拍成呢個暑假最與眾不同嘅「動作」喜劇。 《老嘢時速》不但笑爆辛丹斯電影節全體觀眾,爛蕃茄網更長期高達99%,影評通通 super like!戲中飾演花媽,係最近喺《玩轉腦朋友2》聲演念舊姐而爆紅嘅資深綠葉王茱施潔比 (June Squibb)。茱姐跟角色年齡一樣,拍戲超逾70多年終於首次擔正,不少走動場面堅持親身上陣,相當架勢!七、八十年代憑《豹子膽》系列瘋魔全球嘅鐵漢偶像李察朗次 (Richard Roundtree) 都有份參演,亦成為佢臨終前大銀幕遺作。