吊兒郎當嘅拉奧（安迪森堡 飾）喺婚宴當晚遇見伴娘莎娜（姬絲汀美莉奧蒂 飾），兩人一拍即合，打得火熱嘅時候，拉奧卻突然中箭！兩人匿入山窿保命…點知第二朝擘大眼，時間竟然回到婚宴當天早上！被困於詭異嘅輪迴時空，拉奧盡情享樂，甚至惡搞其他人；莎娜就嘗試逃離，但無論走到幾遠、係生係死，一瞓著，時間就會重來！最後她決定同拉奧一齊活在當下，即使世上只有佢哋先會記得一切。當兩人愈走愈近，一日，拉奧發現莎娜竟然喺呢個凝固時空消失咗，佢亦終於知道莎娜堅持要脫離輪迴時空嘅秘密…
當生活停滯不前，佢哋會搵到自己嘅人生意義嗎？
當現今世界被沉重大氣壓籠罩，生活停滯不前，你是不是覺得人生只剩生存，沒有生活？在這個多災多難的時代，這部辛丹斯電影節話題作《Palm Springs: 戀愛假期無限LOOP》（Palm Springs），用開心爆笑手法，為觀眾注入歡樂正能量之餘，亦和大家一起探索人生與愛情究竟是甚麼一回事。
為獨立電影而設的辛丹斯電影節（Sundance Film Festival），向來是賣座黑馬的搖籃，不少本來寂寂無名的導演和演員亦由此一鳴驚人。2020年，辛丹斯電影節依然不負影迷所望，為觀眾獻上年度必睇愛情喜劇《Palm Springs: 戀愛假期無限LOOP》。《荒唐分局》（Brooklyn Nine-Nine）金球視帝安迪森堡（Andy Samberg）、《黑鏡》（Black Mirror）姬絲汀美莉奧蒂（Cristin Milioti）、《蜘蛛俠》（Spider-Man）金像男星 J.K. 西蒙斯（J.K. Simmons）齊集美國度假勝地棕櫚泉，成功玩轉「生命日日重來」的舊題材。
