波士鬥腦細 電影資料
一對閨蜜米雅（蒂芬妮夏迪舒 飾）和美露（露絲拜恩 飾）由細玩到大，感情好到做埋同居密友不特止，仲夾份開化妝品公司賺盡女人錢。本以為姊妹可以齊齊做人生贏家，點知公司突然欠下幾十萬債！化妝界臭名遠播的「女魔頭」嘉莉兒（莎瑪希恩 飾）看準時機，向她們提出極其誘人的收購協議，表面上做白武士，實質另有陰謀，更令這對好姊妹的友情受到前所未有的考驗。事業友情兩失意，米雅和美露能否絕地大翻身，做返一對合作無間的波士老細？
波士鬥腦細
關於波士鬥腦細
閨蜜平時一齊扮靚，內裡其實有心病？姊妹淘爆笑喜劇《波士鬥腦細》（Like A Boss）同你踢爆女人在靚妝背後的千奇百態！
閨蜜平時一齊扮靚，內裡其實有心病？姊妹淘爆笑喜劇《波士鬥腦細》（Like A Boss）同你踢爆女人在靚妝背後的千奇百態！《閨蜜假期》（Girl Trip）蒂芬妮夏迪舒（Tiffany Haddish）夥拍《失驚無神一家人》（Instant Family）露絲拜恩（Rose Byrne），閨蜜聯手攪盡腦汁，拋低女性矜持，唔怕騎呢出位，大鬥《保鏢救殺手》（The Hitman's Bodyguard）金像提名影后莎瑪希恩（Salma Hayek），迸發連串鬧劇笑彈。《肌智同學會》（Central Intelligence）監製出力炮製、《一起黑爆的日子》（Alexander and the Terrible, Horrible, No Good, Very Bad Day）賣座喜劇導演米吉阿堤達（Miguel Arteta）最新執導笑聲力作，《波士鬥腦細》玩盡女人百態，創出不一樣的扮靚新世界！
