星級拍檔 電影資料
差利(尊特拉華達 飾)同鼎爺(羅賓威廉斯 飾)係一對商場上嘅黃金拍檔，賺錢『犀飛利』！人到中年，事業得意，仲要將生意由紐約做到去東京。點知命運急轉彎，鼎爺嘅舊情人韋琪，失驚無神，大駕光臨；仲帶埋一對可愛又得意嘅孖生小姊弟到場，聲稱係佢嘅親生骨肉，更拜托佢要代為照顧兩個星期。鼎爺立即捉埋老友記差利一齊應付，兩個寡佬嘅悶蛋人生從此改寫。
兩隻嘩鬼登堂入室，將公司同屋企攪到翻天覆地，爆笑連場…兩個星期過去，經過日夕相處，鼎爺卻開始發現佢哋嘅可愛之處，同時認清作為老豆應有嘅責任同能力。究竟呢對『沙煲』兄弟，可唔可以喺事業同家庭中間，揾到一個全新嘅相處方程式呢?
