奧德賽
- 查看其他版本
觀眾影評
彻底死心。完全係度侮辱緊荷馬史詩同埋觀眾。我明諾蘭係用奧德賽嘅皮講佢自己嘅故事，但係成出嘢將佢嘅價值觀強行喂比觀眾，令人作嘔，改編則是將觀眾當成智商70嘅傻仔，務求弱智都理解所有plot，原著所有精妙嘅嘢全部斬哂。佢係學文學嘅，點會唔理解奧德賽，改編成咁純粹係好萊塢左派嘅傲慢。神不僅係信仰問題，仲係古典史詩情節嘅主要推動力，諾蘭斬哂所有同神有關嘅嘢，用自己嘅價值觀同意識形態填補神嘅缺位，但填入去嘅嘢粗鄙不文，軟弱無力，無IMAX壓制你嘅思考能力嘅話完全撐唔起個劇情。呢種完全不合格嘅改編居然可以吹上天，都算離奇。
奧德修斯不再是集大量美德劣行亦正亦邪又充滿英雄色彩嘅抗爭者，而係被動平庸消極沉浸於戰爭創傷嘅PTSD廢柴莽夫。佢做過嘅機智狡詐嘅事車載斗量，政治正確家諾蘭一於半件都唔拍。心狠手辣，智勇雙全嘅最後一戰，被拍成毫無謀劃純憑僥倖嘅古惑仔鬥毆，仲以為睇緊Bourne版Marvel。犁田灑鹽？一句“傷害你嘅仔”代替。無人傷害我？佢地連對話都無。羊腹逃生？人身上綁d樹枝算數。橄欖樹婚床嘅鬥智？咩黎架。Calypso不再許諾青春同永生來強留奧德修斯，奧德修斯則不再用7年嘅時間係痛苦與沉迷之間掙扎渴望返鄉，亦不被允許同Cerci纏綿，至於令奧德修斯重返文明世界嘅娜烏西卡（風之谷個個，可知有幾重要），更是影都無左。成部電影不停吹噓宙斯法則Xenia，但係最Xenia嘅情節，豬倌殺小豬招待乞丐，還有Phaeacia國王豪華款待乞丐，令其落淚並開始講述自己嘅歸鄉冒險，全部係無嘅。一切改編服務於主角嘅PTSD，一切英雄特質與政治不正確嘅內容全部故意砍走或者反轉，以符合導演嘅反戰敘事。“英雄同英雄主義係有罪嘅”。
希臘神話從來無反戰PTSD，古典英雄從來都係複雜嘅，無任何政治正確存在嘅空間。導演將其拍成意識形態宣傳電影，砍走所有深刻嘅情節，以IMAX同震耳欲聾嘅音效來掩蓋對古典精神嘅粗暴踐踏。或者有一日觀眾會意識到自己係度比導演喂緊屎。
P.S. 如果你玩射箭，千祈千祈唔好學影片中奧德修斯咁dry fire，這對於古代反曲弓來講非常之危險，對於現代複合弓，一次dry fire就可能令弓報廢，任何一個教練都會即刻制止。原文係好似彈豎琴咁pluck個弓弦，而且係反覆檢查以確定放置左二十年嘅弓無任何結構問題。導演嘅反英雄意識形態不允許奧德修斯有一箭十二斧孔嘅招牌神技，所以做出此種解構式改編來代替原本驚世駭俗嘅一箭，但物理係無意識形態嘅。
--------------------
補充一個細節。點解特洛伊人會蠢到將木馬拖返入城？電影中係靠西農嘅自我犧牲同三寸不爛之舌，但係特洛伊人真係咁蠢，敵人講乜都信，自己無腦？問題仍然在於諾蘭嘅改編。西農並非來自荷馬史詩，而係維吉爾，佢起嘅作用唔係說服，而係動搖同過渡。電影中矛刺木馬嘅特洛伊士兵，其實係特洛伊祭司勞孔。維吉爾史詩中，佢怒斥木馬係希臘人嘅陰謀，並用矛刺入木馬，传出一声呻吟。此時西農出場如同電影中一樣編造點解希臘人要獻出木馬，於此同時勞孔同佢嘅兩個仔回到海邊主持早已安排好嘅祭祀，渾然不知佢矛刺木馬嘅行為已經違背眾神嘅意願，因為毀滅特洛伊是眾神的安排。勞孔祭祀之時，兩條海蛇突然從海中襲來，將勞孔和他的兩個仔活活絞死。特洛伊人看到此景，自然以為勞孔的反對激怒眾神，於是先決定接受木馬。西農的謊言和勞孔的死亡是一體兩面，沒有勞孔嘅死亡，西農嘅謊言就毫無重量，無法騙到特洛伊人。海蛇絞殺勞孔，亦成為希臘雕塑嘅其中一個巔峰之作，去梵蒂岡博物館睇嘅時候可以想像下當時嘅場景，體會下電影嘅蒼白無力。諾蘭不允許神的干涉，一於成個情節斬哂，但又完全唸唔出辦法來填補呢個情節漏洞，何其可悲。
一套反戰爭電影
對希臘神話不認識的我，看電影介紹也畧明白電影的內容。
伊薩卡國王奧德修斯用「木馬屠城」大勝特洛伊城後；他傷心見到戰爭令人民生靈塗炭。
電影給我令人感受到，人力不能勝天。奧德修斯愛人民，不想一個和他同在海上奮鬥回家的將士死亡，用盡辦法拯救他們。最後也衹得他一人生存回到家。