誤判

正到爆，動作設計一流，劇情流暢，好爽嘅一套電影

為咗賺錢,簡單地畀人一個收包裹地址,原來收咗一個毒品包裹咁大件事,法律上真係長知識.

甄子丹演技大突破,好個葉問木口木面表情多多聲,由差人轉做檢控官過程劇情發展順暢,不屈不撓精神追討冤獄個案,最後還個公義,大快人心,武打場合好正,其實動作場面不要出現太多,以免影響劇情發展,係正能量電影,好過睇埋啲死人又離別個啲灰暗電影,影響情緒.

緊張刺激,動作精彩,好睇過毒悶片百倍,丹爺須然係老咗,但打得仍然好好睇,入場只係為咗睇去.

呢套都叫唔唔好睇?破地獄就真係大悶片,就其黃子華幼嫩十年如一日硬面退步演技?真係笑咗了！

非常非常精彩,有劇力又緊張,一睇就知有啲人根本係冇睇嚟拉低人地套戲評分啦！

勁好睇,大快人心,真人真事改編,劇情爽住去,再加埋動作,有悶場,丹爺前身係警務人員,所以識得功夫,尚算合理,當然動作場面一個打幾拾人係跨啲,但冇所謂,唔使齋talk冇咁悶,為求官能刺激,我覺得可以接受.推薦

好看，節奏明快， 有文有武，有情有義，也有幽默位，武打場面生活化。

好好看值得一看、非常有感覺、希望社會有公道.

台灣票房勁爆,就知戲質素高及好睇,香港有班人特登反去嚟唱衰人及低制人地套戲,低智行為,當日毒舌大狀,台灣票房慘財,慘不忍睹,比你香一億又如何?國内及台灣收得就大賺,贏九條街啦?

好睇過耶蘇悶蛋片破地獄悶片十倍, 賣座唔代表一定叫好睇？黃子華就演技十年如一日大退步, 何來有演技？？而甄子丹演技就大有進步之作.
去亦不是演技派,同意的.

老實講,我入場主要係睇去精彩打法,若去冇動作不如走去睇卡通片啦？講跨張的傻人？你睇西片過萬套動作,有邊套唔係跨張百倍啦？根本特登雞蛋挑骨頭？劇情須然係例牌預咗,但毒舌大狀夠例牌到嘔,劇情一早已鼓到哂,完全毫無新意？衰過TVB 劇好多,咁又唔你地彈？我自己覺得呢順暢滿意就是.

文戲武戲都一絕，丹爺演技令人耳目一新，許冠文演完南摩佬再演法官同樣精彩，聖誕新年留港消費的娛樂好片。

如果呢套都叫悶,你不如返屋企睇卡通片啦,真實改編,好多都係有法律有依據,加咗三場打鬥為咗增加娛樂性啫,你哋啲人咁都特登走去彈?一睇證明根本就唔係睇戲啦?為咗彈而彈?

法律不外乎人情，但法律有時都會成為不法分子所利用同埋玩弄於股掌之中的工具。當一班律政司高官，喺度享受緊一支價值幾萬蚊的紅酒時，其實就等於花費香港一個貧窮家庭一個月的收入。試問當司法制度都癱瘓時，又有誰會挺身而出，彰顯公義，呢套戲正好帶出呢個主題。

這部電影非常好睇,喺我今年最好睇的香港警匪電影.丹爺的導演手法和演技都非常出色.動作場面拍得非常精彩和緊湊.攝影拍得非常出色.2小時片長非常爽快.完全無悶場.值得支持這部電影.

好睇，開頭POV 視角已經打得好刺激。

好睇，新一年睇套正能量戲都幾好，劇情動作演員都相當吾錯。
唯獨我個人認為張天賦演技有進步空間，整體動作部分略嫌太多，但都精彩嘅，許冠文嘅演繹方式比起佢喺破。地獄黎得不太自然。
無論如何，值得支持。

继 “九龙城寨” 後，又一精彩港產片。
可得8.5分以上。許冠文演得比 "破地獄" 更自然及流暢。

好睇過破地獄 超級好睇 值得看完再看 明星十賓多 導演好嘢 值得五粒星

同毒舌大狀比好不知百倍,個套垃圾嘢全無法律常識,小學雞到,殺人特登留低曬伏線,旁聽可以全自己友係律師入座？智障會話有問題,有用嘅律師一個就夠啦白痴？王敏德又可以成班人示意作答？幼推到.... 當觀眾白痴,屎華浮跨演技屎到呢,,,,, 咩窮人含X,以為咁叫大快人心？乜律師可以幼稚園未畢業水準去做？成套演員冇個似樣合格,未到半場已想走,又唔緊張,一早報到劇情.
呢套節奏爽快,若冇打鬥場面都未必入場,至於一個打幾多個？多X如,港底片三十年前已經有啦？你會唔會X李小龍成龍呀？為彈而彈真on 狗？

丹爺演轉型角式技大突破,動作設計贏曬,冇得輸,劉江老劇骨綠葉,張智霖反派有突破,地鐵對打一定成為經典,正到爆,劇情順暢,只係呂良偉及鄭浩男黑社會場面太熟口熟面,完全冇新鮮感.

正。文武戲都好睇。

文戏武戏都非常的精彩，文的有深度故事流畅带入感很强，武的有力量拳拳到肉的感觉打击感强动作设计一流看的直呼过瘾，全程无尿点不拖泥带水看完了还意犹未尽回味无穷值得看的好电影

夠驚喜 好睇 緊張 不過打戲太假 一打幾十永遠都唔死

勁好睇，又對甄子丹改觀了

10分滿分，值6分罷，好多地方可以改善，只可以話對得住用左幾億嘅預算。。。
唔明點解有人會用呢套同毒舌大狀個啲比，人哋好多低成本發揮出高成本效果，而誤判呢套嘢，係預期之內，無咩意外驚喜。

勁好睇, 完全係冇悶場,武打出色,已睇咗兩次,好睇過破地獄耶蘇悶片多多聲！

可能有劇透內容，如果想查看請按此顯示。

血腥及暴力電影，沒有悶場。
故事似警察故事，正義的事，力爭到底。
最敗筆是許冠文作的最高裁判人，嬉笑怒駡。真正的法官，莊嚴慎言，引導陪審員作裁決。

樓上Regan Wong咁有深度得唔得呀？我睇過上庭，亦睇唔少文藝片，亦比較鍾意睇啲少眾片，但係咪一定要套套好有深度先得？定我讀過下哲學唔夠，要major，甚至讀埋PHD先夠料有深度？套嘢個理念就笑話嚟，但唔計呢樣套嘢其實唔算差
BTW入面佢俾人追殺都唔打得架？你係咪出嚟搞笑？定講緊俾上司針對果一幕而當成套嘢？

好看，無悶場，有戲味，值得入場支持

要承認香港電影翻咗7成嚟,加油

可能有劇透內容，如果想查看請按此顯示。

精彩刺激
最鐘意地鐵打果幕
至於劇情就無謂深究
毒舌大狀甘 夠爽就可以

Sorry 可能我口味獨特啦 但真係唔識欣賞

1 拍攝設置嘅frame rate 失去咗應有嘅電影感
-電影普遍都係以24FPS，眼球可能適應電影應有嘅24FPS動態模糊，開場唔夠5分鐘 就已經覺得奇怪 去到打鬥有速度感嘅場景畫面流暢度順得好唔自然，好肯定成套電影係50或以上嘅fps拍攝

2 法證電影真係唔係人人都駕馭倒
-駕馭唔好等同於成班Kam撚係到圍威喂，單講個官毫無職業操守 一味以主觀角度去批判案件 完全睇唔出應有嘅客觀立場 公平同公正 雙重標準到咁 郁啲就唔耐煩 然後你同我講條弱智係法官 我真係笑了 或者現實上真係咁啦 但都俾多少少專業呀 臨時演員都係演員 啲對白設計到個官成個小學智商咁 對答兒戲到爆 最後仲要連陪審團都冇9埋 有料

3 選角真係好L差
-張智霖就算講埋粗口都完全夾唔倒角色帶有嘅反派氛圍 老老實實 佢演反派真係唔撚夾, MC 就更加唔洗講 冇演技
但新人 冇經驗都仲可以體量接受 但演嬲爆氣果下真係好撚假 明明識演嬲嘅情緒 但真係感受唔倒有嬲嘅成份 睇到都覺得尷尬 有乜理由會用呢個shot嚟做good take?

4 打鬥場景冇動機 為打而打 差啲以為自己睇緊Marvel
-唔否認甄子丹作為一個武打演員嚟講唔係差 但郁啲就1打10嚟自己成就自己真係好反感 公共場景打足全程 龜都冇半隻 一味想強調自己好打得而忽略咗故事應有嘅合理性 唔講仲以為故事背景發生係70-80年代 睇到吳鎮宇隻抽個part我真係WLTF?

總結 觀感同毒舌大狀一樣 都係垃圾 相比之下何爵天套正義迴廊更有深度 更有反思空間 更有戲劇性

sorry已經預咗俾班5毛打手圍插架啦 單純陳述個人觀感並不代表任何人

甄子丹演繹葉問好睇些，這部電影「誤判」都值得入場顴看

主要係入場支持港產同丹爺團火
原諒我嘅直接
但劇情薄弱更草草收尾 每一個角色嘅存在都只係為陪襯主角 毫無立體感
動作,演技和台詞都覺得丹爺疲態顯現 實在有點黯然

用錯誤的知識誤導觀眾.

啲10分同啲foodie 一9樣

呢套戲簡直係不知所謂
如果你好鍾意睇成龍嘅電影 或者鍾意睇丹爺一個打10個
唔理劇情 只顧爽嘅話 不妨比一張飛嘅價錢去浪費呢兩個鐘
莫講話劇情上 丹爺係檢察官 理論上係要講法理嘅人 最後唔知點解都係要用拳頭去解決
呢套戲講法庭 都幾肯定導演，以致編劇所有人都冇去過聽過審 連法庭嘅基本運作 律師嘅職責 所有嘢嘅認識都冇
比起毒舌大狀 甚至乎爸爸呢套唔係講法庭嘅戲 都要嚟得粗製濫造
見到樓下嗰啲留言批評其他戲嘅 唔該自己去法庭旁聽一次 先好批評人哋法庭嘅劇情
自從大師兄開始 丹爺就成日講埋啲大道理 到最後都係用拳頭解決 其實佢想表達啲咩？
總括嚟講 睇場戲睇到一半都仲未講粗口嘅 你已經贏咗99%嘅香港人 又或者你個人唔夠深度睇啲有深度嘅戲嘅話 動作上都幾值得你去睇

睇完全程，仲衰過毒舌大狀。正義迴廊最好睇