海底奇兵2 (2D 英語版)

海底奇兵2 (2D 英語版) 電影資料

海底奇兵2 (2D 英語版) (Finding Dory)電影海報
分享
海底奇兵2 (2D 英語版) (Finding Dory)電影預告

上一次歷險歸來,失魂魚多莉(毛舜筠)本來跟住馬倫(劉青雲)和Mo仔兩父子安安樂樂過日子,但一次目睹魔鬼魚大遷徙行動,竟然令無乜記性的多莉突然閃現零碎回憶片段,意識到自己與父母失散多年,於是決心展開尋親大行動,仲拉埋馬倫和Mo仔落水,一齊向加州海岸進發,仲有鯨鯊沙沙妹(阮小儀)、白鯨比利(吳業坤)、七爪魚阿亨(King Sir)等一大班新朋友傍住歷險,仲有歌神張學友驚喜客串!最終多莉能否揭開身世之謎?定係轉個頭又再乜都唔記得晒?

同場加映萌爆短片《BB肚餓鳥》(Piper),由一隻住在海邊的初生超萌BB鳥為主角,因為肚仔餓大住個膽離開雀巢去搵食。不過牠的目標美食卻是埋在海岸邊緣泥沙之下,BB鳥見到洶湧而至的大浪已經嚇到腳仔軟見頭暈⋯⋯好彩有個新朋友教路,令BB鳥鼓起勇氣再為搵食出發,填飽個肚仔!

名稱:
海底奇兵2 (2D 英語版) (Finding Dory)
片種:
動畫
編劇:
--
導演:
--
主演:
--
片長:
1小時37分
級別:
I 級
語言:
英語 (中文字幕)
上映:
2016年7月9日, Sat (優先場)
2016年7月16日, Sat (公映)

海底奇兵2 (2D 英語版) (Finding Dory)電影圖片

更多
  • 海底奇兵2 (2D 英語版) (Finding Dory)電影圖片1
  • 海底奇兵2 (2D 英語版) (Finding Dory)電影圖片2
  • 海底奇兵2 (2D 英語版) (Finding Dory)電影圖片3
  • 海底奇兵2 (2D 英語版) (Finding Dory)電影圖片4
  • 海底奇兵2 (2D 英語版) (Finding Dory)電影圖片5
  • 海底奇兵2 (2D 英語版) (Finding Dory)電影圖片6

關於海底奇兵2

迪士尼.彼思最受歡迎的經典之一《海底奇兵》返嚟啦!今次仲係由彼思動畫史上全球呃LIKE指數最高的失魂魚多莉擔正做主角!當然馬倫和Mo仔兩父子都會再度登場,陪同老友多莉一齊展開尋親大冒險,追尋失魂魚的神秘過去,揭開身世之謎!

《海底奇兵 2》由首集導演安德魯史達頓 (Andrew Stanton) 再度執導,這位金像級導演先後憑《海底奇兵》(Finding Nemo) 和《太空奇兵.威E》(Wall.E) 兩度榮獲奧斯卡最佳動畫大獎,招牌新作絕對令影迷期待!

今集全新歷險場地將會移師至加州海岸,仲有更多搞鬼好玩的新角色加盟,包括脾氣古怪終日想走佬的八爪魚、以為自己聲納系統失靈的神經質白鯨、同多莉一見如故好啱傾的大近視鯨鯊等。一眾新舊海底奇兵肯定會為觀眾帶來更多歡樂笑聲!

香港配音版亦請到首集的毛舜筠和劉青雲再度擔任多莉和馬倫的「代言人」,而新角色就有吳業坤和阮小儀開聲助陣,分別聲演白鯨比利和鯨鯊沙沙妹,一眾搞笑高手合力炮製更多地道笑料,讓本地觀眾睇得更加開心投入!

對比2003年首集,今時今日的動畫特技超越了十萬八千里,今集以最新最頂尖技術打造的深海世界,肯定比首集更逼真、更繽紛、更多壯觀精彩大場面,讓觀眾完全置身其中,再度展開一次愈玩愈大驚喜無限的刺激深海大冒險!