傻密歐與茱麗葉 (3D 粵語版)

《史力加2》導演基利艾斯貝利(Kelly Asbury) 攪鬼新作，玩轉莎士比亞經典愛情悲劇，爆發最抵死搞笑嘅3D動畫大戰，勁破美國2月份動畫票房開畫記錄！
故事係講兩班住喺後花園、世世代代都勢不兩立嘅「花園精靈」。佢哋趁主人睇唔到，就會開拖、片車、互掟蕃茄…總之要對方永無寧日！家族情仇下，傻密歐與茱麗葉偏偏要偷偷地搞地下情。一場誤會，兩邊勢成水火，家族大戰爆發，本來諗住私奔嘅呢小情人最後可唔可以開花結果？
《傻密歐與茱麗葉》「秉承」莎翁原著「催淚精神」，用估佢唔到的笑料令全場觀眾「笑到標眼淚」﹗國際巨星艾頓莊仲為電影度身定造至冧情歌，新舊金曲唱住撐，更會有莎翁雕像友情客串，實行「笑爆後花園」！