腦細天劫主要演員包括戴倫奧拜恩及麗素麥雅當絲，電影由森溫美執導。
腦細天劫主要語言為英語 (中文字幕)，片長113分鐘約1小時53分，電影主要提供腦細天劫，另外香港各戲院提供多個版本選擇包括D-BOX版及Onyx版。通訊事務管理局評定為IIB級。
訴求只是返工嘅打工仔，換來賤格腦細日日mean到上心口，但當二人出差空難過後流落荒島，社畜中女下屬求生有術，權力瞬間逆轉，寸Boss都要忍！今次正宗「搵食艱難」，二人聯手逃走？還是鬥過你死我活？！最攞命社畜復仇戰立即上演，保得住條命仔先係最後大贏家！ 《腦細天劫》集黑色幽默及恐怖血腥於一身，唯有元祖級恐怖片大師森溫美（Sam Rami）執導最啱數！由經典黑色幽默恐怖片《屍變》（The Evil Dead）、《地獄巫門等你來》（Drag Me To Hell）到超級英雄電影《蜘蛛俠》(Spider-Man)系列，森溫美早已深得觀眾喜愛。至於女主角就由《奇異博士》（Doctor Strange）、《忘了、忘不了》（The Notebook）、《回到最愛的一天》（About Time）愛情片天后麗素麥雅當絲（Rachel McAdams）擔任，破格呈現兇狠血腥陰暗面！連同《移動迷宮》（The Maze Runner）型男戴倫奧拜恩（Dylan O'Brien）飾演抵死波士，爆發最攞命關係！導演森溫美：「睇住曾經有權有勢老闆，淪落到跪求自己睇唔起嘅下屬，真係大快人心！我哋嘅故事全世界都會明，我哋要鼓勵社會各界尊重、善待他人，而唔係見高拜見低踩！」
