KERORO軍曹大電影5 反轉復活島

未有預告，請密切留意。
訂閱我們的Youtube頻道，有新片預告即刻知！

K隆人駕臨神秘小島遇見奇形怪狀新敵人 大平洋聖地上驟起風雲 話說某日，冬樹收到一尊不名來歷嘅神秘石像，個樣竟然同KERORO軍曹有200%相似。為咗解開呢個連Adam鄭，都解唔開嘅謎團，冬樹連同KERORO小隊立即出動，前往復活島對面嘅南方小島上睇個究竟。小島之上，佢哋遇見一對有召喚天神能力嘅奇妙雙胞胎，IO同RANA；一個貌似GIRORO、身穿土著服裝、手持金色長矛嘅謎之K隆星人；一群五顏六色亂咁跳嘅島上精靈，MANA；以及一隻擁有三隻怪手嘅島上傳說邪靈，AKOAKO。敵人來勢汹汹，KERORO有成隊高達軍團跟身都無用。究竟軍曹今次會係符碌無事，大步檻過；定係會撻Q衰返餐，比人火燒後欄！？